# Dalam khuôn khổ Expo 2017 Astana daok rah tabiak di Kazakhstan, Akaok mentri Ilamo padhih saong rivang ma-in Nguyễn Ngọc Thiện hu chủ trì harei negar Việt Nam. Akaok mentri Nguyễn Ngọc Thiện ndom lac, hu mbaok tame EXPO 2017 jeng brei mboh bruk pachreih di Việt Nam ngan haong negar  po sang Kazakhstan. Kadha ini hu mboh ý nghĩa jang ngan haong talei pambuak bruk nao mai di Việt Nam-Kazakhstan tuk thun 2017 dua negar gam pahadar 25 thun dak padang talei pambuak bruk ngoại giao.

# Sở ilamu the thao du lich tỉnh Bắc Kạn pathau khan ka bruk jaoh , jaleih sa rup patau dalam dom rup patau di tượng đài Chiến thắng Bắc Kạn . Tui pathau khan, makna ba tal bruk nan, lac kayua uraniah ndik tagok.  Makna nan oh lagaih, oh njauk haong bruk di nyu. Tui dom urang ilamu gah rup patau, ilamu padang ngak lac kadha praong ba tal chất lượng saong bruk khang kajap di yaok rup patau. Min dalam harak pathau khan payua Cục Mỹ thuật, Nhiếp ảnh saong Parang iek, oh thau kayua halei bo Sở ilamu the thao saong du lich tỉnh Bắc Kạn oh ndom tal kadha ini?

# Pak Hà Nội, Tổng cục Du lịch pambuak haong Báo Lao Động peih ngak nyaom biai “Chuyên nghiệp hóa saong paglaong chất lượng pandap panda  du lịch”. Nyaom biai ndom lac: patagok bruk rivang ma-in dalam tukvak anak tal njauk pataom tame tính chuyên nghiệp, paglaong chất lượng pandap panda du lịch piah hu jalan patagok khang kajap, grap tanat khả năng meriak gauk, ngak tabiak pren khang, saong cakrok patagok suai lavik. Ta-eng gah Du lịch njauk salih bahrau, trách nhiệm ka bruk cakrok patagok du lịch jeng daok dalam gah Du lịch dahlau.

# Pasak khik ramik inem mek Cố đô Huế bahrau peih bruk padang ngak dự án “mblang pataok radaih lăng Khải Định” saong yaom jien buh tame ngak labaih 5 tỉ đồng. Urak ini di labik ini jeng daok hu sa baoh bingun klak, meng kan lac bingun hu kuac piah mek ia pandar ka lính, thợ saman nan. Dự án meda khik ramik saong patagok yaom baoh bingun klak ini.

# Mentri LĐ,TB saong XH hu harak pandar UB bhap bani dom tỉnh, bal trực thuộc Trung ương patagok bruk tuyển sinh trình độ TC saong CĐ. Tui nan, dom  Sở, ban, ngành, puk palei pambuak gauk peih ngak siam bruk phân luồng anek saih tốt nghiệp THCS tame bac bruk bruk ngak; cung cấp thông tin ka hatai caong khin palih ruah lao động; tacei pato dom doanh nghiệp pak puk palei patagok bruk pambuak gauk haong dom cơ sở pato bruk ngak dalam địa bàn piah daong pato saong ba brei bruk ngak.

# Piah pathau khan, paglaong akaok sahneng ka bruk an toàn dalam gah blac raih thẩm mỹ, ngak siam binai, Sang iek ruak Đông Đô hu pambuak bruk haong dom urang ilamu dang akaok gah blac raih thẩm mỹ peih ginum biai “An toàn pren yava dalam thẩm mỹ saong iek glang sắc đẹp”. Pak ini, dom chuyên gia hu klah rabha ilamu dalam bruk blac raih thẩm mỹ, brei thau dom kadha piah ka menuac urang duah njauk labik siam mekre, an toàn.

# Pak Thảo cầm viên bal raya HCM hu rah tabiak harei nyaom “AIA Vitality– pren diuk AIA”, ngan haong dom bruk ngak bui sambai thư giãn langiu langik oh abih jien dalam harei. Langiu di dom bruk ngak thể thao, dom baoh sang daok hu tư vấn tapak haong dom bác sĩ ka dom vấn đề pren yava jeng yau hu meyaih khan, trải nghiệm dom janih pandap mbang hacih meng dom urang daong ngak danak dak saong danak dak daoh tamia giải trí.

# Amuk Usuda Reiko (dahlau daih ngak Tổng thư ký Hội hữu nghị Nhật-Việt di ban Kawasaki-Nhật Bản) pilih ruah Hội An piah daok kayua amuk mboh lac, daok di Hội An, yau daok di palei amuk. Quán Hội An - U café di amuk Reiko daok di Hội An hu rilo ayut Nhật Bản, tuai damuai thau tal lac “baoh sang hijao”, “baoh sang sinh thái.  Bruk njauk biai nan lac, hệ thống xử lý saong pandar veik ia nerak. Taong abih ia pandar bloh hu caik dalam sa bể padang di tầng 1. Ia nerak xử lý bloh hu bơm cagar tagok tabung sang, pabak tame dom bể ikan ….  daok angaok tabung tầng 2, tầng 3.

# Dom nghệ sĩ di Sang daoh Kịch VN hu ngak salah blaoh melam diễn ka 5 duh ka bhap bani urang Việt daok diuk rai, ngak bruk saong bac megru pak dom negar CH Séc, Đức dalam mbang lưu diễn meng harei 15.8 tal harei 30.8. kapuk urang nghệ sĩ di Sang daoh Kịch VN gilac veik Việt Nam ba tui dư âm saong ấn tượng haniem phol ka sa mbang nao lưu diễn biak siam langiu di caong khin. Bruk taduan raok abih hatai di mikva urang Yuan di bal ine Praha, Brno, Ostrava (CH Séc), Berlin, Leipzig (Đức) nan lac nguồn động lực biak prong piah ka Kapul urang nghệ sĩ hu dom mbang lưu diễn di châu Âu dalam dom thun hadei.