# Raja-ei bahrau tabiak Nghị định 169/2016/NĐ-CP tacei tabiak bruk xử lý pandap panda kayua urang pajeng ba khik piah pak cảng tasik Việt Nam. Tui  Nghị định, urang pajeng ba hu quyền khik piah pandap panda dalam dom bruk yau ini: Urang taduan mek pandap oh mai mek, oh taduan mek pandap; Urang taduan mek pandap oh khin mek pandap saong tapa tukvak tui harak pambuak bruk pajeng ba pandap panda meng jalan tasik; urang jao pandap saong urang taduan mek pandap oh ka bayar abih yaom jien daok tavak tui harak pambuak bruk pajeng ba atau oh ba tabiak hu dom kadha langyah… 

# Dom libik di gilang pariak karja, gilang pariak thương mại oh brei buh tabiak dom janih jien barau in daok tamo seri (meyah daok kandon dalam kho) meng  5.000 đồng trun ba tame pandar tuk Tết Nguyên đán 2017. Nan lac sa dalam dom asal kadha dalam harak barau hu Thống đốc gilang pariak karja ba tbaiak pambuak pagam tal bruk khik caga siam mekre bruk ngak di gilang pariak tuk Tết Nguyên đán Đinh Dậu 2017.

# Yaom lac daok sa bilan tra meng tal Tết Nguyên đán 2017 min pak Hà Nội, bingu đào pakacah gauk nerak ngak ka urang pala bingu njauk ba nao pablei  yaom biak biar, gaok tuk mai lap yau brei saoh. Tui urang pala bingu, bhian di nyu, piah ka đào nerak bingu njauk tukvak, urang pala njauk tuốt hala, cakak dhar dahlau di nan sa bilan. Yau nan min, bilan la-ar thun ini langik pandiak, nhiệt độ glaong jang dut haong dom thun dahlau nan ye ngak ka ralo urang nong kuhria suan harei, tuốt hala avan jang nan ye đào tabiak bingu avan. 

# Tui Cục pala drak (mintri ngak nong saong patagok palei pala ), dom  tỉnh Nam Trung Bộ kurang jaik 3.900 tấn padai pajaih, 216 tấn tangei pajaih saong 41 tấn asar pajaih njam dom janih. Min, pataom mek dalam kho caik piah negar oh pabak ginup caong khin, dalam nan padai pajaih tok pabak hu labaih 1.500 tấn. Langiu bruk daong pajaih meng kho caih piah di negar, mintri ngak nong saong patagok palei pala jeng daok biai saong rarajei daong jien piah bhapbini nao blei pajaih njauk saong bruk ba tabiak oh caik ka dom puk palei kurang pajaih pala drak di bilan Đông Xuân ini. 

# Ong Phan Trọng Hổ, Akaok Sở Ngak nong saong patagok palei pala tỉnh Bình Định brei thau, bilan Đông Xuân 2016-2017, tỉnh Bình Định daok kuhria pala drak labaih 47.796 ha. Piah daong ka urang nông pala drak bilan Đông Xuân hu  siam mekre, tỉnh Bình Định hu daong ka dom puk palei labaih 1.430 tấn pajaih padai piah pala drak.

# Piah langyah bruk kurang pajaih, uy mban bhapbini tỉnh Khánh Hòa hu ba tagok Trung ương daong pajaih hu : padai 1.350 tấn, tangei 22 tấn, njam  2 tấn piah daong mikva urang nong pasiam veik bruk pala drak. Taphia nan gah ngak nong Khánh Hòa jeng pambuak bruk saong dom puk palei karei duah padai pajaih daong urang nong. Lingiu di nan, pataom tame tacei pato, daong mikva ngak hacih saat mblang hamu, ramik apsiam bruk haluk cuah kadar mbaok hamu, bơm caga úng…piah ka bruk tam drak padai Đông Xuân hu salah bloh dahlau harei 15/1. 

#  5tuk page harei 4/1 pak Km41+500 angaok jalan cao tốc Bal raya Hồ Chí Minh – Long Thành – Dầu Giây rah tabiak sa bala radaih paoh gauk trak. Taong abih 3 làn jalan cao tốc, meng gah Dầu Giây nao Long Thành (Đồng Nai)) pacang sir abih kayua dom radaih tableik. Radaih pajeng tuai 77B - 010.40  tabaleik gar, radaih container 51C - 573.60 ginuh jaleih jalan pacang kreh, radaih pajeng tuai 77B - 009.38 tayah abih gah akaok radaih. Ralo urang angaok radaih prew ieu daong. Lambaok Công ty Cổ phần Dịch vụ Kỹ thuật jalan cao tốc Việt Nam brei thau: Anak meta hu takik abih 10 urang hu ba nao cấp cứu, dalam nan hu 5 urang njauk rambuis trak. Lambaok Công ty Cổ phần Dịch vụ Kỹ thuật jalan cao tốc Việt Nam daok pambuak bruk haong cảnh sát giao thông peih bruk daong saong langyah bruk ini.

Khaw tin dunya

#Suiwah Dean-Leung (Xui-oa Đin Lê-ung), Giáo sư danh dự ka kinh tế di Sang bac Chính sách công Crawford (Crao-phoóc) di Đại học Quốc gia Australia ndom lac kinh tế Việt Nam hu brei mboh bruk pasiam veik anak dom mbang Angin cagar di dunya. Tui Giáo sư Dean-Leung, Gilang pariak dunya (WB) kurhia mboh lac, jalan patagok  Tổng sản phẩm quốc nội (GDP) di Việt Nam di thun 2016 lac jaik 6% - glaong jang duk saong dom gah kinh tế praong karei di ASEAN ye Indonesia, Malaysia saong Thái Lan. Tanut patagok ini hu jhul khang meng bruk blei pandar dalam taneh ia saong bruk patagok khang di gah pablei tabiak taneh ia langiu. 

#Cục Thống kê Trung ương Indonesia (BPS) harei 3/1 brei thau nền kinh tế negar ini lạm phát 3,02% dalam luac thun 2016, biar jang tanut 3,35% di thun dahlau saong lac tanut biar abih kuhria meng thun 2010. Bruk njauk biai nan lac, tanut lạm phát nan biar jang tanut kuhria dahlau di thun 2016 hu ba tabiak dahlau di nan nan lac trun tagok dalam khoảng 4%.

# Pagaiy harei 4/1, dom urang hu pambuak pagam saong gah Mặt trận Giải phóng Hồi giáo Moro (MILF) taong tame sa sang guk di tỉnh gah Brak Cotabato (Cô-ta-ba-tô), pulao kaoh Mindanao (Min-đa-nao), gah meraong Philippines saong palao 132 urang guk. Urak ini, dom urang jakar oh ka thau cambaih hu tội phạm nguy hiểm halei dalam dom urang guk hu nduac klah hei oh. Sa chiến dịch pagui duah hu peih ngak khang./.