# Thủ tướng Nguyễn Xuân Phúc hu taduan ong Masayoshi Fujimoto, Chủ tịch Tập đoàn Sojitz (Nhật Bản) di jabat Chính phủ. Tapa nan, Thủ tướng pok meyaom Sojitz hu buh jien tame ngak rilo dự án saong mek hu jak jeng di Việt Nam. Thủ tướng taong yaom glaong bruk Sojitz peih ngak dom dự án hu rilo makna di Việt Nam, abih di nyu nan lac dự án ngak brah siam chất lượng galong, rik daong tame cao, đóng góp vào sự phát triển của nền kinh tế nông nghiệp Việt Nam.

# Tukvak 15 tuk bair harei 1/3, di jalan roya 1A, labik nao tapa xã Nghi Yên, huyện Nghi Lộc, rah tabiak  bala trak ngak ka sa urang likei umo jaik 25 tal 28 thun, ndik radaih BKS 37B2 - 185.18, metai di libik nan. Hadei tuk rah rabiak bala, Công an huyện Nghi Lộc drah samal hu mbaok, pacang jalan, peih bruk pasang iek angan urang gaok bala saong duah gauk gar urang gaok bala, tabhia nan, peih bruk duah tung tich sruh radaih  tải ba tal bala blaoh klak nduac

# 246 urang dang akaokdom jabat lambaok Ban Thường vụ Tỉnh ủy Bà Rịa - Vũng Tàu nan lac trưởng saong phó dom gah, dom puk palei di tỉnh ini hu mbaoh tangin sangya peih ngak dom asal kadha dalam Quy định ka 08 di Ban Thường vụ Tỉnh ủy. Dom asal kadha dalam harak sanya jeng ndom tal bruk paglaong trách nhiệm di urang dang akaok urang dang patui di nan, ngak catang kỷ luật, kỷ cương dalam bruk ngak harak gar di dom urang jakar, công chức, viên chức.

# Harei ariya Việt Nam mbang yaka 16 thun 2018 ngan saong kadha “Xuân - cội nguồn saong sáng tạo” hu peih tabiak di ban raya HCM . Harei ariya di ban raya HCM thun ini pataom tame pok je dom rairah urang cuak ariya pataom tame bruk Tổng tiến công saong brok tagok Xuân Mậu Thân 1968. Pataom tame harei ariya Việt Nam di ban raya HCM, dom urang takre ariya oh lac hu pang, hu puac ariya bo hu daok taom gaok dom urang vak văn, urang cuak ariya danei angan, hu pang dom kadha daoh hu paneh tui ariya.

# Tapa 2 thun peih ngak danak dak “Daong adei nao bac”, tal urak ini, Bộ chỉ huy Bộ đội biên phòng tỉnh An Giang hu taduan daong  64 adei anek saih, yaok adei hu daong 500 ribau yaok bilan. Ini lac dom adei sang kan kandah di puk palei. Lingiu . Lingiu jien daong nan, tuk tame thun bac bahrau,Bộ đội Biên phòng tỉnh daok hu alin tapuk, siphau, khan ao, pandap bac da-a di dom labik bac.

Khaw tin dunya

* Tua riya trak ngak ka sản lượng padai brah di tỉnh Western Cape (Oét-xtơn Kếp) di Nam Phi trun jaik 20% duk saong thun dahlau, abih di nyu nan lac di dom bhum pala drah tabhia ban Cape Town (Kếp Thao) – libik du lịch hu kuhria mboh dahlau lac thu abih ia di kreih bilan 5 ini. Lingiu di bruk ngak ka jaik 30.000 urang ngak lihik bruk ngak, tua riya daok ngak ka tỉnh ini lihik takik abih 495 triệu USD jien mek tame meng ngak nong dalam thun 2018.

*Harei 1/3, sa mbang  áp thấp khang ba tui ngin praong oh ka bhian mboh ngak klaoh rilo jalan di rilo labik di Nhật Bản, ngak ka gah chức năng brei klaak rilo mbang par dalam taneh ia saong brei padeih peih tàu siêu tốc. Kuhria tal jala pandiak 1/3, dom hãng kapal haok praong di Nhật Bản brei klaak labaih 280 mbang par nao saong mai mblang kapal haok New Chitose di Hokkaido (Hốc-cai-đô), mblang kapal haok pakat dunya Narita  daok jaik ban ine Tokyo jeng yau rilo mblang kapal haok karei di gah Đông Bắc Nhật Bản kayua hangin khang

*        Ngoại trưởng Mỹ Rếch Ti-lơ-xơn (Rex Tillerson) adit tal hu mbang akaok mereip nao tal 5 taneh ia Châu Phi hu Cộng hòa Sát (Chad), Di-bu-ti (Djibouti), E-ti-ô-pia (Ethiopia), Kê-nia (Kenya) saong Ni-giê-ria (Nigeria). Di luac mbang nao meng harei 06 tal 13/03, Ngoại trưởng Ti-lơ-xơn kuhria ginum biai bruk pambuak gauk caga khủng bố, jhul khang hòa bình, an ninh, saong quản trị, tabhia nan, paglaong bruk đầu tư saong pablei salih gam hu kein laba.