# Taduan panuac da-a di Phó Thủ tướng, Bộ trưởng Ngoại giao Bun-ga-ri Ê-ka-tơ-ri-na Gia-ha-ri-ê-va (Ekaterina Zaharieva), Phó Thủ tướng, Bộ trưởng Ngoại giao Phạm Bình Minh tapa rivang Cộng hòa Bun-ga-ri meng harei 3 tal harei 5/7/2018. Dalam tukvak tapa rivang nan, Phó Thủ tướng, Bộ trưởng Ngoại giao Phạm Bình Minh hu nao salam Tổng thống Ru-men Ra-đép (Rumen Radev), taom gaok Phó Thủ tướng Tô-mi-láp Đôn-chép (Tomislav Donchev), ravang Đại sứ quán Việt Nam saong taom gaok lambaok urang Việt daok di Bun-ga-ri.

# Hadei di dom harei hajan xua yaom lac jalan mbak daok gar kayua glut jaleih, min tỉnh Lai Châu hu ba 301 sang bhapbini di dom libik hajan xua, libik kan kandah abih tal libik siam mekre. Bruk ramik pasiam dom khut khat di mbang hajan xua urak ini jeng daok gaok biak rilo kan kandah, abih di nyu nan lac paok jien caik piah di tỉnh urak ini tok daok 30 tỷ đồng, bo khat lihik kayua hajan xua meng blaoh tui kuhria lac 314 tỷ đồng. Anak meta,  tỉnh njauk ba 293 sang bhapbibi tabiak truh bhum hu jalan mbak, thủy lợi njauk drah samal ramik pasiam. Tỉnh Lai Châu hu pok panuac tagok Thủ tướng pabak brei jaik 150 tal 170 tỷ đồng piah drah samal ramik pasiam,, tani tanat raidiuk di bhapbini.

# Uỷ ban Kiểm tra Huyện ủy Krông Pa, tỉnh Gia Lai bahrau tabiak kỷ luật khiển trách  3 urang lac: ong Chu Sỹ Vương - Bí thư Đảng uỷ xã, Hoàng Văn Trìu - Chủ tịch UBND xã saong Phan Khắc Hùng - Chủ tịch kapul urang dahlau daih ngak bol lin xã Ia Rsươm. 3 urang jakar dang akaok xã Ia Rsươm nan njauk kỷ luật kayua kurang ngak njauk tui dom sarak, jalan ba, panuac tacei di  Đảng; me-in mbia dalam labik ngak bruk, hu menuac ba tagok Facebook, ngak brei menuac sia, urang đảng, urang jakar mboh oh siam, ngak jhak tal angan je di Đảng saong angan je pak dom urang nan.

# Piah paglaong bruk thông tin cơ sở ka 18 tỉnh, ban bhum kreih negar saong Tây Nguyên, dalam dua harei 4 saong 5/7, di ban sit Kon Tum, tỉnh Kon Tum, mintri Thông tin saong Truyền thông peih nyaom biai pato pasram bruk thông tin cơ sở saong dat hukum ka pambuak bruk kinh tế haong quốc phòng, an ninh ka jaik 200 urang jakar ngak bruk thông tin cơ sở. Amuk Trần Thị Quốc Hiền, Phó Cục trưởng Cục Thông tin cơ sở, mintri Thông tin saong Truyền Thông brei thau bruk praong di thông tin cơ sở di tukvak urak ini:“Kol drei daok diukrai dalam sa  xã hội thông tin taong tame rilo gah tal raidiuk xã hội, anek menuac gam taong tame bruk siam jeng ye jhak. Tapa nan thông tin cơ sở hu lidik dang lac kênh thông tin pathau khan praong di Đảng, karja. Lac jalan tacei pato di dom pakat ủy, karja puk palei. Kayua yau nan ye kol drei njauk salih barau asal kadha, jalan ngak piah thông tin cơ sở jeng sa jalan thông tin pathau khan siam lagaih di cơ sở.”

# Page mesup harei 4/7, Hội đồng bhap bini tỉnh Đồng Nai mbang 9 peih mbang nyaom ka 6. Dalam 6 bilan akaok thun ini, abih tih sản phẩm quốc nội di Đồng Nai tagok 7,5% dut saong dom bilan ini thun bloh. Taong abih dom gah ngak kong – padang ngak, dịch vụ… jeng daok tui jalan patagok. Gah ngak nong yaom lac daok gaok ralo kan kandah, yaom pabui trun lap min jeng daok patagok hu 3,1%. Bruk njauk biai nan lac, jien di negar lingiu buh tame ngak mbang tapak di Đồng Nai tagok glaong, lac 750 triệu USD dut saong 640 triệu USD di dom bilan ini thun bloh. Min jien dalam taneh ia buh tame ngak mbang trun biak ralo, tok hu jaik 6.900 tỷ đồng dut saong labaih 8.600 tỷ đồng di dom bilan ini thun bloh.  

Khaw tin dunya

# Kapul đặc nhiệm di Hải quân Thái Lan harei 4/7 hu ba tagok Phây-xbúc (Facebook) baoh băng vi-đê-ô thoat binguk dom uranaih daok gar dalam hang di tỉnh Chiềng Rai dalam siam mekre saong daok ndom biai saong sa urang jakar cứu hộ. Baoh băng vi-đê-ô hu ba tagok gam saong panuac ndom lac, kapul uranaih meng 11 tal 16 thun hu mbang menyum gah dalam  hang, hu sa bác sỹ hải quân tui iek pren yava. Dom adei hu brei thau angan di drei saong payua panuac salam tal sang drei saong tal bhapbini.

# Harei 3/7, takik di abih 12 urang metai hadei di sa baoh phà pajeng labaih 139 menuac kram di lingiu tasik tỉnh Nam Su-la-uây-si (Sulawesi), Inđônêsia. Phà lac janih hu pandar ralo di Inđônêsia, taneh ia hu ralo pulao kaoh praong sit min bhian rah tabiak bala kayau takik khik caga hu siam mekre. Bala ini rah tabiak hadei di dom harei sa baoh kapal pajeng ralo menuac kram di danao Tô-ba (Toba), tỉnh Bắc Su-ma-tra, ngak brei takik di abih 4 urang metai saong 200 urang lihik.

# Urang brei panuac di Nhà trắng Hô-gan Git-li (Hogan Gidley) brei thau, Mỹ tuk halei jeng khang hatai tui jalan lac taneh ia ini oh taduan bruk Nga ba bán đảo Crưm (Crimea) ka drei. Panuac di Nhà trắng ba tabiak tuk Tổng thống Mỹ Đô-nan Trăm saong Tổng thống Nga Vla-đi-mia Putin caga hu mbang taom gaok di Hen-xinh-ki (Helsinki), Phần Lan di harei 16/7 tal.