# Tỉnh ủy Lai Châu bahrau peih bruk pok meyaom dom kapul nyaom, menuac urang naih gheih dalam bruk bac megru saong ngak tui jalan hadah krah siam merkre di Hồ Chí Minh, vaktu  2011 – 2016.  Yaok rituh kapul nyaom, menuac urang hu po meyaom nan lac dom kareih camin naih gheih, hadah hadai ka jalan diukrai, siam hatung hatai, kham merat yam tapa kan kandah, yam tagok dalam rai diuk. 

    # Di xã xã Yên Đổ, huyện Phú Lương, tỉnh Thái Nguyên, Vụ ilamu bangsa Mintri ilamu TTDL pambuak bruk song sở Ilamu thể thao du lịch tỉnh Thái Nguyên peih tal pato tacei ilamu phi vật thể ka bangsa Dao di huyện Phú Lương, tỉnh Thái Nguyên. Ni lac janih inem krung hu meng rai duik mbang ngui yaok harei, dalam bruk ngak mbang pala drak song jeng adat cambat tanarakum di urang Dao.

     # Peih ngak Đề án "Pato saong bac sap negar lingiu dalam bruk pato megru quốc dân vaktu 2008 - 2020", thun bac 2016 - 2017, gah pato megru tỉnh Thái Bình daok hu peih ngak ralo jalan piah paglaong bruk pato saong bac, pamong tal  bruk taong abih dom sang bac trung học cơ sở, trung học phổ thông dalam tỉnh meda salih tapa pato tui danak dak bahrau ngan haong môn ngoại ngữ dalam thun 2018.

     # UB bhap bini ban sit Nha Trang bahrau tabiak bộ quy tắc ứng xử dalam bruk du lịch dalam ban sit. Ni lac bruk piah padang rup binguk song jeng bhian randap, jalan ndom puac, daok dang siam mekre di kapul urang jakar, viên chức, urang ngak bruk dalam gah du lịch, kapul khik ramik song urang ngak dalam dom DN ngak mbang gah du lịch duh ka tuai damuai  

       # Pak palei Từ Thiện, xã Phước Dinh, huyện Thuận Nam (tỉnh Ninh Thuận), Công ty Trách nhiệm Hữu hạn Điện angin Mũi Dinh  peih bruk padang ngak Sang mac điện angin Mũi Dinh hu công suất 37,6 MW, ngan haong phun jien buh tame labaih 1.272 tỷ đồng kayua Công ty EAB di Cộng hòa Liên bang Đức ngak po đầu tư. Tui kuhria, dự án hu ngak salah blaoh saong ba tame pandar dalam thun 2017, tapa nan rik daong grap tanat an ninh năng lượng ka taneh aia, pabak điện grap tanat brei ka bruk patagok kinh tế - xã hội di tỉnh. 

       # Kapul Chữ thập đỏ ban sit  Kon Tum pambuak bruk song Kapul Chữ thập đỏ  quận 12 ban raya Hồ Chí Minh song Nyaom ngak pahla “ Gavang tangin anit ranam”,  di phường Tân Thới Nhất quận 12 ban raya Hồ Chí Minh nao rivang song brei pandap ka urang kan song anek naih metui medar di ban sit Kon Tum. Tong abih dom pok pandap nan hu yaom 120 triệu đồng, kayua Nyaom ngak pahla “Gavang tangin anit ranam” jak ba dom kapul nyaom, menuac urang ngak pahla dok di ban raya rik pataom, dong brei.

      # Muyim tỉnh Đồng Nai hu peih pakak saong taduan raok manauc urang mai mong iek, duah thau ka Chủ tịch Hồ Chí Minh. Mai tal labik ini, urang mong iek meda duah thau labaih 200 janih pandap, thaot binguk, harak ba-ar ka  Chủ tịch Hồ Chí Minh. Langiu di nan, parang iek daok meyaih khan 50 thaot binguk di dam dara Đồng Nai dalam dom bruk ngak xã hội, bayar dhal phol, bac megru  saong ngak tui jalan hadah krah siam mekre di Hồ Chí Minh... Parang iek peih pabah mbang brei ka urang tame mong iek saoh tal abih harei 31/10/2016.

       Khaw tin dunya: 

     # Urang iek gah bruk pahla di Liên hợp quốc Giê-mi Mắc Gôn-đ-rích (Jamie McGoldrick) brei thau, menuac metai kayuabruk mersuh metak dui atah 18 bilan tapa di Yê-men tagok tal labaih 10 ribau urang. Ong Mắc Gôn-đ-rích ndom lac, biak di nyu menuac metai dok hu rilo jang kayua rilo bhum oh hu cơ sở y tế halei. Urak ni , 3 triệu urang Yê-men nduac klak sang danaok, kayua bruk mesruh metak ni song cuang kandah gah bruk ngak pahla lac biak prong.

      # Sa công ty phần mềm Mỹ caong lac meda ngak iek sruh radaih tắcxi oh hu urang nduac pak 10 bal dalam châu Á saong Mỹ di thun 2020. Ong Đu Pác-cơ (Doug Parker), urang khik ramik Công ty brei thau, anek meta brei peih ngak iek radaih tắcxi oh hu urang nduac di akaok thun 2017 pak 3 bal châu Á min oh ka brei thau cambaih nan lac ban halei.

      # Dom jabat chức năng di Xinh-ga-po song In-đô-nê-xi-a bahrau patabiak dom jalan ngak chip piah patagok bruk pacang caga vi rút Zika, hadei di tuk Xinh-ga-po hu 26 urang njom janih vi rút, lac makna ba tal dom ruak glo akaok ka anek kama. Pasak pasang iek song pacang caga jit ruak Mỹ (CDC) bahrau ba Xinh-ga-po tame angan dom negar njauk tacei ba tuk nao mai, dalam nan hu panuac kakei urang Mỹ brei khik ka rup drei jhui caik ka jamuk kaik atau dom jalan karei ba tal njom mbak vi-rút Zika./.