# Piah ngak jeng bruk dui pachreih tuai damuai tuk mai rivang iek Inem krung Ilamo Dunya Hội An, Quảng Nam, harei 5/1, Pasak Ilamno – Padhih bal Hội An pambuak haong Ủy ban bhap bani xã Cẩm Hà peih Harei pataom quất cảnh Cẩm Hà thun 2017.  Bruk njauk biai nan lac, dalam danak dak Harei pataom quất cảnh, dom nghệ nhân hu ngak iek jalan pala phun quất (dalam nan hu bruk cakak, tỉa dhar, tạo dáng…); peih bruk pablei to yaom phun quất cảnh; parang iek quất cảnh; jalan  ngak quất jeng dom janih pandap yau aia quất, quất ngào, alak quất…

# Tỉnh Thừa Thiên - Huế brei pabak 270 tỷ đồng ka dom puk palei peih bruk bayan jien đền bù ka dom urang gaok kan kandah kayua sự cố alam môi trường tasik. Tapa pasang iek bruk bồi thường hu mblo tabiak dom urang njauk hu  đền bù ye : urang ngak bruk gah tasik hu umo meng 80 thun tagok saong urang ngak thời vụ di dom doanh nghiệp oh hu jien mek tame tani tanat, urang ngak chế biến kaya ikan...

# Dalam tỉnh Gia Lai urak ini hu labaih 10.000ha pala njam hijao, pataom ralo pak bal Pleiku saong dom huyện gah Pai nan lac Đăk Pơ, An Khê, Kbang. Ini lac sa dalam dom labik pala njam prong abih di Tây Nguyên, oh lac pablei ka darak pasar pak Gia Lai bo daok pablei ka darak pasar dom tỉnh jaik taphia saong dom tỉnh gah kreh negar. Yau nan min, kayua hajan ribuk tukvak tapa ngak khat lihik tal bruk pala saong pablei njam di tỉnh Gia Lai, ba tal kurang njam pablei di dom darak pasar dom tỉnh gah kreh negar tukvak  Tết ini.

# Kapul khik ramik darak pasal Đắk Lắk mek khik sa sruh radaih pajeng tuai hu pajeng jaik 200kg rilo bruk, mbau bruk oh ka thau cambaih makna di bruk ba nao pablei. Radaih tuai daok mek khik nan hu biển kiểm soát 81B-010.32 kayua tài xế Bùi Văn Tần (daok di huyện Đức Cơ, tỉnh Gia Lai) ndik tui jalan ban sit Buôn Ma Thuột  nao Gia Lai. Tài xế Tần oh ba tabiak hu harak ba-ar, hóa đơn njauk hukum di dom janih ralo nan, bo tok ba tabiak harak kiểm dịch pandap mbang di Chi Cục Y tế min abih tukvak. Kapul khik ramik darak pasal ka 4 hu mek khik, peih bruk langyah tui hukum.

# Công an tỉnh Khánh Hòa bahrau taduan mek hồ sơ, peih bruk duah thau bruk ong Đỗ Hồng Hải, Akaok Công ty trách nhiệm hữu hạn Một thành viên Khai thác công trình thủy lợi Nam Khánh Hòa hu dấu hiệu tham ô 6,3 tỷ đồng. Thượng tá Phạm Văn Cường, Akaok duk Tham mưu gam lac urang brei panuac di Công an tỉnh Khánh Hòa brei thau, Phòng cảnh sát điều tra tội phạm gah kinh tế saong chức vụ daok thụ lý bruk ini: Công an Khánh Hòa jeng bahrau taduan mek hồ sơ dalam adit bloh. Tapa nan urang dang akaok jabat điều tra hu tacei pato Phòng PC 46 peih ngak. Asal kadha bruk ini daok hu jabat điều tra peih ngak.

# Urak ini, urang nong dom xã : Mỹ Phong, Tân Mỹ Chánh, phường 9, Trung An, Đạo Thạnh tỉnh Tiền Giang daok pataom tame pasang iek labaih 1.300 ha njam patam, phun mbang baok pablei Tết Nguyên đán Đinh Dậu  ngan saong sản lượng labaih 11.000 tấn kaya nong dom janih. Pandap pablei tabiak darak pasal rilo meng hu : bingu cảnh, njam patam, li u that, darang, phun mbang baok hu múi…pala pabak jaik 1 triệu yot bingu, labaih 20.000 chậu phun  cảnh dom janih pabak ka darak pasal tuk Tết. 

# Thun 2017, huyện pulao Phú Quốc, tỉnh Kiên Giang kham merat dui pachreih labaih 1,8 triệu mbang tuai damuai mai rivang ma-in angaok pulao, tagok jaik 25,5% dut haong thun 2016. Dalam nan tuai dunya labaih 300.000 mbang urang, tagok jaik 42,7%. Taong abih jien mek tame meng bruk rivang ma-in labaih 11.150 tỷ đồng, tagok 25% dut haong thun 2016. 

Khaw tin dunya

# Rajaei Hàn Quốc daok pamaong tal bruk taong bih yaom pablei tabiak taneh ia langiu di thun ini mek hu 510 tỷ USD tapa bruk ramik pasiam veik gah ngak công saong pataom tame doom janih pandap pandar saong dich vu hu yaom tagok glaong jang. Piah ngak hu bruk ini, rajaei  Hàn Quốc meda pilih ruah 80 hãng hu tiềm năng, daong dom hãng ini ngak tabiak dom janih pandap hu angan je di dunya, dalam tuk patagok bruk pablei tabiak taneh ia lingiu di 9 gah dịch vụ ye sở hữu trí tuệ, phần mềm máy tính, logistics saong asal kadha ilimo.

# Truyền thông di Myanmar bahrau brei thau, Pakistan hu panuac lac haong Myanmar ka bruk caong blei brah di negar Đông Nam Á ini. Dalam tuk nan, Myanmar jeng pamong tal darak pasar Pakistan dalam kham merat pablei brah tabiak negar langiu.

# Rajaei Israel harei 4/1 brei thau, Trung Quốc njauk hatai payua yaok rabau công nhân xây dựng tapa ngak bruk di Israel, bruk ngak ini jia lac meda rik daong ngak cadu mbang khủng hoảng sang daok di taneh ia Trung Đông ini./.