# Di Hà Nội, ong Uông Chu Lưu - Phó Chủ tịch Quốc hội  hu mbaok pahadar 40 thun harei padang sang bac Mẫu giáo Việt - Triều Hữu Nghị (1978-2018) saong taduan mek Huân chương Độc lập Hạng Ba.  Brei panuac pak nan, ong Uông Chu Lưu - Phó Chủ tịch Quốc hội taong yaom glaong bruk dak padang saong praong tagok dalam dom thun tapa di sang bac Mẫu giáo Việt - Triều Hữu Nghị.

# Taduan panuac daa di Đại sứ quán Hoa Kỳ di Việt Nam, meng harei 3- 4/3, kapul urang jakar rilo gah di Việt Nam hu ravang kapal mblang par Hoa Kỳ USS Carl Vinson tuk kapal ini nduac tapa bhum tasik dunya jaik Việt Nam. Angaok kapal mblang pal USS Carl Vinson, kapul urang jakar dom gah di Việt Nam hu khan brei thau ka bruk ngak di kapal saong taom gaok piah paglaong bruk thau gauk di dua gah, tui jalan pambuak taong abih bruk di Việt Nam saong Hoa Kỳ .

# Dalam siam mekre hadah hadai di bruk pablei tabiak negar lingiu di gah ngak nong 2 bilan akaok thun, saong yaom jien pablei pandap tabiak negar lingiu hu 6,1 tỉ đô la Mỹ, rilo janih kaya nong pablei tabiak negar lingiu hu patagok rilo yau ye: brah, cà phê, tea, asar pa-ok blait, njam patam, baoh kraoh, bei plom saong dom kaya pandap ngak meng bei plom.

# Harei 4/3, UB bhapbini huyện Phong Điền saong gah Điện lực tỉnh Thừa Thiên - Huế hu pataom tame daong urang bhapbini ramik pasiam veik sang danaok saong ramik pasiam veik jalan điện piah pabak điện veik ka urang bhapbini hadei mbang angin ribuk. Dom kapul nyaom dam dara, kapul urang nong daong urang bhapbini harei ngak piah drah samal padang veik sang daok gaok papaok tabung.

# Harei 4/3, tỉnh Khánh Hòa peih bruk parabha 2 ribau tấn brah di rajaei Hàn Quốc daong ka bhap bini gaok ribuk ka 12 di puac thun bloh. Urang hu taduan brah nan, lac: sang kan kathaot, sang jaik si kan kathaot, sang kan kandah, sang sarak karja, sang urang bangsa takik

Khaw tin dunya

# Đại sứ quán Mỹ di ban ine An-ca-ra di Thổ Nhĩ Kỳ brei thau meda kareik pambang dalam harei ini kayua huac kanda ka bruk an ninh. Tui panuac di Đại sứ quán, tok hu dom dịch vụ khẩn cấp hu daong dalam harei ini. Dom bruk tangi sua thị thực saong dịch vụ karei meda yah klak. Đại sứ quán jeng brei thau, meda hu khan thau tuk peih pambang.

# Sa mbang megei baoh taneh khang 6 độ Rích-te rah tabiak tuk dah page 5/3 di bhum ceik gah meraong Hai-len di Pa-pua Niu Ghi-nê. Tui gah pasang iek địa chất Mỹ, labik megei daok di labik dalam 10 ki-lô-mét. Ini jeng lac bhum rah tabiak mbang megei baoh taneh khang 7,5 độ Rích-te, ba tal dom mbang jaleih haluk, tayah tayac rilo sang danaok, kreik pabah mbang dom bruk ngak gah khí đốt saong ngak menyek di taneh ia ini

# Kapul khik caga takai tasik di Hy Lạp harei 4/3 brei thau barau mek khik 1,3 tấn gai dầu sơ chế paduak di sa kapal taong cap ikan hu angan "Celine Star" di bhum tasik gah meraong pulao Crete. Ini lac bruk ngak hu di chiến dịch caga ma túy dui atah 3 harei di gah chức năng taneh ia ini.