Khaw tin 6h30 harei 7/11/2016

   # Cục Cảnh sát giao thông di mintri Công an pambuak bruk saong dom gah chức năng ngak iek  hệ thống dut iek,  xử lý ngak suan an toàn giao thông di canah jalan cao tốc Nội Bài - Lào Cai. Hệ thống ca-mê-ra di cao tốc Nội Bài - Lào Cai  tự động ghi hình ảnh ka bruk ngak suan di jalan nao mai piah cảnh sát giao thông xử lý tui dua jalan lac “phạt chip” saong “phạt hadei”. Hadei tuk ca-mê-ra tự động ghi veik thoat binguk radaih nao suan di jalan cao tốc, urang jakar pasak điều hành hu khan brei gah khik iek di jalan thau piah padheih radaih piah xử lý. 

    # Di ban sit Long Xuyên, tỉnh An Giang barau rah tabiak nyaom biai sơ kết bản ghi nhớ “Dak apdang jalan tapeng negar hòa bình, hữu nghị, pambuak bruk saong gauk gam patagok ” di Ủy ban Mặt trận negar Việt Nam tỉnh An Giang saong Mặt trận Gul pataom cakrok negar Campuchia tỉnh Kandal saong tỉnh Takeo tukvak 2015-2016 saong mbaoh tangin tame bản ghi nhớ pambuak bruk di klau tỉnh An Giang (Việt Nam) saong tỉnh Kandal, tỉnh Takeo (Campuchia) thun  2017.

   #Parang iek bruk pakacah thoat binguk inem mek Việt Nam 2016 hu angan “ dom baok kraong Việt Nam” daok rah tabiak di tỉnh Khánh Hòa kayua  Tạp chí Vietnam Heritage di kapul inem krung ilimo Việt Nam peih ngak. Ngan saong 100 tác phẩm gheih abihc parang iek hu pilih ruah meng jaik 5.500 tác phẩm pataom tame mbang pakacah thaot binguk inem krung Việt Nam 2016, hu dom  nhiếp ảnh gia duah piah brei thau dom ghieh mekre di lingik tasik, ilimo vật thể saong phi vật thể, raidiuk pambuak gam saong dom dom kraong ribong di puk palei VN. Tapa nan, daong urang maong thau hu dom gheih mekre di yaok baok kraong ribong di taneh ia Việt anit ranam.

     #/ Bộ tư lệnh Quân chủng Hải quân pambuak bruk song kapul urang njauk jru mek klik kroic /dioxin Việt Nam bahrau peih pakak song jao brei Sang phục hồi chức năng, Pasak dong ba XH  song raong ba, pasiam veik chức năng urang njauk jru mek klik kroic /dioxin Việt Nam di xã Yên Bình, huyện Thạch Thất, ban Hà Nội. Sang pasiamveik chức năng hu Bộ tư lệnh  Quân chủng Hải quân dong 1 tỷ 600 triệu đồng. Ini lac labik main giải trí, pasiam chức năng, dong patagok pren yava, pamedeih hatai anit rai duik, khang hatai yam tagok ba drei tame bhap bini di dom urang njauk jru mek klik kroic

  #/ UB bhap bini tỉnh Quảng Trị brei thau quyết định di Thủ tướng rajaei brei  padang ngak Khu kinh tế Đông Nam tỉnh Quảng Trị tal thun 2035, pamong tal thun 2050. Tui nan, khu kinh tế ni  prong jiak 23.800 ha, hu tong abih địa giới hành chánh di 17 xã, ban sit di dom huyện Hải Lăng, Triệu Phong song Gio Linh.

       #/ Sở ilamu Thể thao Hà Nội brei thau, meng harei 11 -13/11 hu rah tabiak “Harei pataom urang gheih doh trù Hà Nội thun 2016”. Urang hu mbaok lac dok bac megru song ngak bruk di HN song urang di dom kalup kapul doh trù dok di ban ine, dalam umo meng 6 tal 30. Asal kadha di harei pataom hu kak kajap song bruk di dom kalup kapul, palagaih  ka dom urang ranaih umo di kalup kapul doh trù di HN brei mboh bruk naih gheih di drei, tapa nan hu sa mblang main siam mekre, taom gaok bac megru, meyaih khan nghệ thuật ni tal bhap bini, khik ramik song patagok inem krung ilamu phi vật thể doh trù di ban ine HN 

       Patui di ni dom khau tin dunya:

    # Sa sruh radaih apui jalan atah barau ginuh njauk sa radaih pui pajeng tuai daok padheih di ban cảng Karachi, Pakistan, ngak takik abih 20 urang metai, dom urang jakar sang iek ruak brei thau, ini lac sa mbang bala radaih apui trak ka dua oh ka tal dua bilan di taneh ia ini. Dom thaot binguk hu ba tagok di rayo papar binguk brei mboh, dom toa radaih apui tayah tayac saong pableih tuk dom urang cứu hộ daok ngak bruk piah daong urang daok gar.

    #/ Tui Thông tấn xã Việt Nam, Yonhap song dom khau tin negar langiu, urang dahlau deih ngak Thư ký pakat glong di Tổng thống Hàn Quốc An Giông-biêm njauk chap kreik kayua pagam tal bruk padang  2  quỹ phi lợi nhuận di muk Choi Xun Xin, ayuh sahabah di Tổng thống Pắc Cưn Hê song jeng lac urang ba tal bruk bê bối chính trị di Hàn Quốc dalam tuk vak tapa. Harak brei adat  cap kreik hu ba tabiak dalam 48tuk. Min urang dahlau deih ngak Thư ký Tổng thống Hàn Quốc oh taduan dom panuac cáo buộc

    #/ Piah pacang cakak jit ruak kayua vi-rút Zika, Rajaei Braxin brei thau, blei 3,5 triệu  liều jru du iek samar duah tabiak vi-rút kayua jamuk Aedes aegypti njom mbak song ba tal jit ruak ni. Dom liều jru thử hu parabha ka urang kamei metain song uranaih umo ala 2 thun. Dom janih thử samar brei thau dalam 20 minite, song hu jia tame tal 95%./.