Khaw tin 6h30 harei 7/2/2018

          # Meng puac bilan 1 tal ini, di gah brak hu rilo mbang li-an khang. Ini jeng lac tukvak urang ruak tame sang iek ruak kayua ruak cúm rilo, dalam nan rilo di abih lac uraniah. Tui Cục Y tế dự phòng (Mintri Y tế), lingik la-an urak ini biak lagaih ka dom janih virus cúm tamuh tabiak, chủng virus daok hu mboh bhian lac cúm mùa thông thường, hu cúm A/H3N2 saong cúm B. 

         # Tui mBan khik ramik Dự án menyek palei pala di Sở Công Thương tỉnh Đắk Lắk, peih ngak (tukvak I) dự án ba menyek ka palei pala meng jalan talei menyek negar tỉnh Đắk Lắk barau ngak blaoh, ba menyek ka 29 palei, buôn bhapbini bangsa takik bhum kan kandah dalam tỉnh, daong ka labaih 2.000 sang bhapbini hu menyek raok Tết Nguyên đán. Dự án hu yaom jien buh tame ngak abih tih 887 tỷ đồng; dalam nan kadung jien Trung ương jaik 754 tỷ đồng, daok veik lac jien đối ứng di tỉnh. 

# Bahrau ini, Chủ tịch Ủy ban Trung ương Mặt trận negar Việt Nam Trần Thanh Mẫn saong kapul urang jakar tỉnh An Giang mai rivang, tadhau ayuh Tết, alin pandap ka urang jakar, urang lin đồn Biên phòng Nhơn Hưng, Bộ đội Biên phòng An Giang saong dom sang sarak karja, sang kan kathaot di dua huyện biên giới  lac Tri Tôn saong Tịnh Biên.

         # Tui Sở ilimo, padhih saong Du lịch tỉnh Bến Tre, dalam bilan 1/2018, Bến Tre taduan raok saong duh ka 128.867 mbang tuai du lịch, rilo jang 15% duk saong dom bilan ini thun dahlau, dalam nan tuai dunya hu 54.500 mbang, rilo jang 17% duk saong dom bilan ini thun dahlau. Jien mek tame meng tuai du lịch hu labaih 115 tỷ đồng.

# Urak ini, tỉnh Đồng Tháp salih bruk pala craih angaok taneh padai hu labaih 100 ha bilan Đông Xuân 2018. Kuhria rah tapa yaok  ha pala craih mek catai atau mek gha laba hu labaih 100 triệu đồng saong pala rilo abih di huyện Tháp Mười, Cao Lãnh , Tam Nông saong Thanh Bình.  

Khaw tin dunya         

# Ủy ban Chính sách tài khóa –mintri jien padai Thái Lan (FPO) barau brei thau, patagok kinh tế thun 2017 di taneh ia ini hu 4%, glaong jang duk saong kuhria mboh dahlau nan di tanut 3,8%. Ủy ban Chính sách Tài khóa jeng kuhria mboh dahlau patagok GDP di Thái Lan thun ini mek hu jaik 4,2% kayua hu dom bruk đầu tư, blei pandar saong pablei tabiak taneh ia lingiu.

# Ban ine Gia-các-ta di Inđônêsia harei 5-2 daok hu ia sua khang hadei di tuk hajan praong ngak jaleih haluk di tỉnh tây Gia-va (Java) jaik taphia nan, ngak brei takik di nyu 2 urang metai. Yaok rituh menuac, dalam nan hu cảnh sát, urang lin, bhap bini ba gauk tame duah 4 urang daok lihik. Radaih ủi haluk, máy kéo jeng hu ba mai tal labik gaok bala trak abih lac palei Ri-ung Gu-nung piah daong bruk cứu hộ.

# Ấn Độ barau hu panuac caong bruk daong brei di Hải quân Nigiêria saong Bê-nanh (Benin) dalam bruk duah daong sa kapal pajeng menyek lihik haong 22 thủy thủ đoàn di lingiu tasik Bê-nanh. Ngoại trưởng Ấn Độ Su-sma Sơ-oa-rai (Sushma Swaraj) brei thau kapal pajeng menyek Ma-rin Ích-xprét (Marine Express) lihik di vùng vịnh Ghi-nê (Guinea). Sruh kapal daok dalam quyền sở hữu di 1 công ty Mumbai lihik meng harei 31 bilan 1 saong meng di nan oh daok hu liên lạc saong thủy thủ đoàn./.