# Tui Mentri Ngak nong saong patagok palei pala, meng akaok bilan 2/2017 tal ini, yaom hadang tamo di bhum taneran kraong Cửu Long tagok khang kayua dom sang mac ngak hadang piah pablei tabiak negar langiu daok ngak veik hadei di tukvak padeih Tết. Tui nan, pak dom labik  raong ralo yau tỉnh Kiên Giang, Cà Mau, Sóc Trăng... yaom hadang sú tamo janih  30 con/kg hu urang blei meng 230.000 - 240.000 đồng/kg, tagok 20.000 đồng/kg dut haong tuk dahlau Tết. 

      # Ngak tui Nghị định ka 67/2014/NĐ-CP di rajaei ka dom sarak patagok kaya ikan, urak ini, ban Đà Nẵng hu  8 kapal hu ngak barau; dalam nan hu 4 kapal kanduh thép hu hạ thủy, 3 kapal  daok hu ngak barau (1 kapal kanduh kayau, 2 kapal kanduh thép). Đà Nẵng hu 317 kapal hu daong blei bảo hiểm thân tàu saong 5.418 thuyền viên hu daong blei bảo hiểm thuyền viên, ngan saong yaom jien abih tih labaih 10 tỷ đồng.

       # Urang taong mek kaya ikan jaik ar tasik di huyện Tuy An, tỉnh Phú Yên hu jien mek tame ralo meng mek hu ralo ruốc. yaok harei hu meng 40 tal 60 suh gilai di urang taong ikan,  mboh ralo pak dua xa xã An Hòa saong An Hải dalam huyện Tuy An taong mek. Kayua bahrau tame bilan, nan ye ruốc hu urang blei yaom glaong,  8.500 đồng/kg. Hade di kaoh abih jien buh tame, yaok sruh gilai nao taong mek hu laba meng  12 triệu đồng tagok.

      # Tui taong yaom di dom sang beir pala thanh long dalam tỉnh Bà Rịa-Vũng Tàu, bruk pala thanh long suan bilan rilo thun iini ba mai kein laba glaong jang dua mbang duk saong bilan njauk, yau nan ye, tame bilan thu di gah meraong ye mikva pataom tame pala thanh long suan bilan. Urak ini, yaom thanh long tai mbong hu urang blei meng 17.000-18.000 đồng/sa kg, thanh long tai bhong hu yaom 50.000 đồng/sa kg. Ini lac yaom glaong abih meng dahlau Tết Nguyên đán 2017. 

      # Page harei 6/3, ong Nguyễn Thành Phong, Akaok Ủy ban Bhap bani bal raya Hồ Chí Minh hu jao harak quyết định pok amuk Phạm Khánh Phong Lan, Phaok Akaok Sở Y tế ngak akaok ban Quản lý An toàn pandap mbang menyum bal raya Hồ Chí Minh. Ban Khik iek An toàn pandap mbang menyum bal raya Hồ Chí Minh lac mô hình ngak iek piah ba gah khik iek an toàn pandap mbang menyu di 3 sở: Y tế, Ngak nong saong patagok palei pala, Công thương mai tame sa labik. Jabat ini meda hu duk kiểm nghiệm, ginup ilamu piah dut iek saong brei thau samar dom chất độc hại, hóa chất pakauk.

     #Meng jaik meteh bilan ini mai, yaom hadang sú dalam tỉnh Trà Vinh tagok hamiet. Tui nan, hadang sú janih I (30 drei sa kg), meng 200.000 - 210.000 đồng/sa kg; tagok meng 30.000 - 40.000 đồng/sa kg duk saong meteh bilan dahlau. Tui gah ngak nong tỉnh, yaom hadang tagok khang lac kayua barau tame akaok bilan raong yau nan ye sản lượng hadang nguyên liệu oh ka rilo, dalam tuk bruk pablei tabiak taneh ia langiu daok glaong. Meng akaok thun tal ini, dalam tỉnh barau mek hu jaik 500 tấn hadang sú nguyên liệu.

     # Dalam dom kadha di đề án “Cakak vụ, salih mùa vụ saong janih phun pala gah timur tỉnh Tiền Giang”, tukvak 2016 – 2020, tỉnh ieu pataom dom  phun jien, buh tame labaih  1.384 tỷ đồng piah salih bruk ngak mbang pala drak, lagaih haong biến đổi khí hậu pak dom huyện thị daok tapen tasik Gò Công. Urang dang akaok tỉnh Tiền Giang jeng brei thau, meda hu labaih  30.000 ha taneh pala drak di 38 xã, 3 phường, 4 bal sit hu mbang tui đề án ini. 

      Khaw tin dunya

     # Campuchia tamat bloh tukvak 3 harei piah dom đảng phái chính trị tut angan tabiak ứng cử Hội đồng xã phường dalam taneh ia. Panuac di Ủy mban pilih ruah negar pagaiy harei 6/3 brei thau, dalam mbang pilih ruah urang ka Hội đồng xã phường rah tabiak di bilan 6 tal, Campuchia hu 12 đảng phái chính trị tut angan tabiak ứng cử. Tui Hukum negar Campuchia, Hội đồng xã, phường kayua bhapbini pilih ruah.

     # Gah Y tế Dunya page harei 6/3 brei thau, 25% bruk metai di uranaih umo ala 5 thun angaok dunya nan lac kayua môi trường njom nerak atau oh hacih sa-at, dalam nan hu aia, không khí njom nerak, njuk pakao hala thụ động saong kurang vệ sinh siam, lagaih. Tui pathau khan di Gah Y tế dunya, môi trường nerak saong lahik vệ sinh meda ngak ka uranaih daok njauk ruak aih traoh, pndiak dom, viêm phổi mbuan  metai jang saong yaok thun hu 1,7 triệu uranaih metai kayua môi trường njom nerak.

    # Gah an ninh Anh  ngak tayah hu 13 bruk tấn công khủng bố dalam oh ka tal 4 thun ,  meng hu bhapbini khan brei thau. Cảnh sát Luânđôn khan lac, dom gah tình báo saong an ninh tuk halei jeng jar var phân tích dom  dữ liệu saong peih bruk  điều tra meng dom panuac khan di bhapbini.