# Mesup 6/7, nyaom biai mbang ka 17 di mban chấp hành Đảng bộ TP.HCM mbang 10 tukvak 2015 - 2020 yam tapa harei ngak bruk ka 3 ngan saong bruk ginum biai di hội trường. Breri panuac di var ginum biai, PGS-TS Huỳnh Thành Đạt, Ủy viên T.Ư Đảng, Giám đốc Đại học Quốc gia TP.HCM ndom lac njauk pataom tame bruk panduan ba dom dom sang bac đại học tabiak lingiu ban, kayua ini lac jalan di dunya, tui nan, dom sang bac đại học hu labik piah patagok. 

 # Truyền thông di Facebook di Việt Nam hu tabiak panuac likau ampul kayua ngak tabiak bruk nhầm lẫn ka urang pandar tuk caik Trường Sa, Hoàng Sa di bhum taneh Trung Quốc dalam bản đồ quảng cáo. Dalam panuac ba tabiak nan, urang brei panuac Facebook ndom lac: “ kol dahlak hu dut iek saong duah mboh ini lac lỗi kỹ thuật. Kol dahlak hu ramik pasiam saong daok peih ngak bản cập nhật di dunya. Kol dahlak likau ampul kayua ngak tabiak bruk nhầm lẫn ini ka urang pandar ". 

# Thun 2018, Karja hu buh labaih 718 tỷ đồng meng danak dak patagok kinh tế - xã hội dom xã biak kan kandah bhum bhap bini bangsa takik saong bhum ceik (Chương trình 135) daong dom tỉnh gah kreh negar, Tây Nguyên. Dom tỉnh hu brei saoh phun pajaih, athur raong, pandap ngak nong, padang dom mô hình patagok ngak mbang, pala drak, peih dom tal pachreih nông, pachreih glai…daong sang kathaot hu jalan patagok bruk ngak mbang, pala drak, raong glang, paglaong jien mek tame, tabiak truh kathaot, yam tagok ngak kaya meda. 6 bilan akaok thun, tỉnh Lâm Ðồng lac tỉnh peih jien brei rilo di abih dalam bhum, hu 62% bruk ba tabiak.

# Mintri pato megru brei thau, urak ini dom puk palei daok peih bruk chấm bài pakacah THPT pakat negar thun 2018 saong ba tabiak kết quả pakacah harei 11-7. Dalam nan, bài pakacah trắc nghiệm hu chấm angaok mac quét.

# Bruk “Me-in hè hu ilamu bangsa tapa lăng kính VR” hu peih tabiak di miuyim dân tộc học Việt Nam harei 8-7 anak tal, di Hà Nội. Bruk ini hu ba mai mblang me-in siam mekre, cvhreih chrai ka anek saih meng tal bac 3 tal tal bac 9, gam saong dom amaik ame dalam bilan hè ini. Tapa nan, dom adei anek saih hu ravang iek miuyim, duah thau ka ilamu di 54 bangsa Việt Nam tapa dom pandap panda hu parang iek. Lingiu di nan , dom adei hu ba drei tame không gian bảo tàng 3D tapa camin thực tế ảo.

# Barau ini hu biak rilo urang takre maong hu nao tal piah maong mboh di anak meta sa phun cam sành min tabiak baoh hu dua sambo màu: sambo màu hijao mengkan saong sambo màu kanyik jangaih biak kheih meta. Po phun cam sành nan lac saai Nguyễn Tấn Long (daok di ấp Vĩnh Sơn, xã Hựu Thành, huyện Trà Ôn, tỉnh Vĩnh Long). Rilo urang blei di ban raya Hồ Chí Minh hu bayan 500.000 đ/sa baoh min saai oh pablei saong khik veik piah ka urang mai maong, chup thoat lưu niệm. Saai hu khan brei ka sang bac ĐH Cần Thơ thau saong hu javap calei makna lac kayua biến đổi gien.

# Hải quân Thái Lan brei thau, sa thợ lặn lac urang dahlau daih ngak lin Hải quân metai tuk tame duah daong kapul caoh mbanh uraniah gar dalam lubangTham Luang. Urang nan angan Samarn Kunan, metai tukvak 2 tuk page harei 6/7 kayua kurang dưỡng khí tuk mai veik pasak chỉ huy daok dalam 2km gah dalam lubang, labik 12 uraniah kapul dit blong saong huấn luyện viên gar dalam 2 adit tapa. Rilo menuac tagok Facebook brei thau hatai anit sa-ai.

# Hu takik abih 24 urang metai saong 40 urang karei njauk rambuac di rilo mbang patuh rah tabiak di sa libik sang mac ngak pháo bingu di ban Tun-tê-pếc (Tultepec), gah kreih negar Mê-hi-cô. Mbang patuh akaok meti rah tabiak di 9 tuk 30 minit (tukvak puk palei lac 23 tuk 30 minit tukvak Hà Nội, harei 5/7). Min, mbang patuh praong abih  rah tabiak tuk kapul cảnh sát saong padam khuah taom gaok hu dom urang gaok bala akaok meti di mblang bala. Dom sang kho vil tam dhar sang mac nyu patuh hadei nan ngak ka rilo urang metai, hu gam kapul cứu hộ.

# Sa roh duah ilamu di Ixraen ba tabiak harei 5/7 brei thau, menyum ia tasik khử muối  meda ngak brei mbuan njauk dom ruak tim mạch. Makna lac kayua ia khử muối kurang ma-giê, sa khoáng chất pambuak tal yaok rituh phản ứng dalam rup pabhap anek menuac. Bruk nan hu thau meng roh duah praong iek tui dom dữ liệu duah pataom di kapul Clalit (sa kapul di gah y tế Ixraen) saong hu peih nghak meng thun 2004 tal 2013 tapa bruk duah thau, pasang iek178 urang meng 25 tal 76 thun.