Khaw tin 6h30 harei 7/9

# Tui Mentri ngak nong saong patagok palei pala, dalam bilan 8/2017, yaom ikan tra tamo di bhum taneran kraong Cửu Long grap tanat di tanut glaong saong hu xu hướng tagok yaom di dom labik. Urak ini, yaom ikan tra daok dao động di tanut 22.000 - 25.000 đồng/kg tùy tui chất lượng ikan saong jalan thanh toán. Taphia di nan,  nguồn cung ikan tame size di tanut biar. 

# Piah peih ngak bruk padang ngak palei pala barau nao tame dalam, hu siam, Quảng Nam hu patabiak bruk pakacah padang ngak palei pala barau. Meng bruk tut angan di puk palei, uy mban bhapnini tỉnh Quảng Nam pilih ruah 55 xã piah padang ngak njauk chuẩn palei pala barau di tukvak 2017 – 2020. 

# Hu tal 43 ha glai tamo di huyện bhum ceik An Lão (tỉnh Bình Định) daok lahik nao dalam tukvak atah min tal urak ini, dom jabat chức năng meng thau. Akaok Ủy ban bhap bani huyện An Lão, ong Phạm Văn Nam brei thau: Mblang taneh glai angaok nan dalam Tiểu khu 1, xã An Hưng, huyện An Lão.

# Dalam harei khai giảng thun bac barau, Gilang pariak thương mại cổ phần Ngoại thương Việt Nam (Vietcombank) hu pambuak bruk saong rilo puk palei peih ngak khánh thành saong jao brei rilo sang bac kayua Vietcombank daong jien dak padang abih tih yaok pluh tỷ đồng. Tui na, dom sang bac hu gilang pariak daong dak padang hu : sang bac mầm non Sao Mai di huyện Kông Chro, tỉnh Gia Lai, sang bac tiểu học Trần Phú -  ban sit Hà Tĩnh, sang bac Trung học cơ sở Quỳnh Giang - xã Quỳnh Giang, huyện Quỳnh Lưu, tỉnh Nghệ An…

# Peih ngak Nghị định 67/2014/NĐ-CP di Raja-ei saong dom sarak cakrok patagok kaya ikan dalam aia (Nghị định 67), Gilang pariak ngak nong saong patagok palei pala dhar tỉnh Trà Vinh saong gilang pariak Thương mại cổ phần Đầu tư saong Phát triển Việt Nam dhar tỉnh Trà Vinh daok giải ngân yaom jien jaik 90 tỷ đồng ka dom po gilai hu mesre jien phun piah ngak bahrau 5 sruh gilai kanduh thép; dalam nan, 3 sruh gilai daok si ngak blaoh dom harak ba-ar đăng kiểm saong blei bảo hiểm piah ba tame pandar. 

# Hadei sa tukvak tagok yaom, urak ini yaom pabui di libik raong glang Đồng Nai gilac trun ngak ka urang raong glang ciuk lỗ meng 4.000 – 6.000 đồng/sa kg.  Ông Nguyễn Kim Đoán, Phó akaok Hiệp hội raong glang Đồng Nai, cbrei thau, makna ngak ka yaom pabui trun di dom harei ini lac kayua nguồn pablei daok dalah.

# Ong Lê Minh Khánh, Phaok Akaok Sở Ngak nong saong patagok palei pala tỉnh Tiền Giang brei thau, tapa pasang iek, yaom blei sa tạ pabui hơi dalam tỉnh jaik  3,8 triệu đồng dalam nan hu gam dom chi phí yau: anek pajaih, pandap mbang, jru cavao, pren raong glang... Ngan haong yaom blei tame pabui hơi yau angaok nan ye urang raong njauk khat lahik.

Khaw tin dunya

# Page harei 6/9, Tổng thống Hàn Quốc Moon Jae-in (Mun Chê-in) hu nao tal Nga piah pataom tame Diễn đàn kinh tế phương Đông mbang yaka 3 rah tabiak di ban Vladivostok (Vla-đi-vô-xtốc) di dua harei 6 saong 7/9. Tui kuhria, ông Moon meda hu mbang gaok saong họp báo chung saong Tổng thống Nga Vladimir Putin (Vla-đi-mia Pu-tin), hu mbaok mbaoh tangin tame hiệp định praong saong  bản ghi nhớ (MOU) ka pambuak bruk di dua gah. 

# Tui Kapul nyaom Di trú Dunya (IMO), labaih 123.000 urang Myanmar pak bang Rakhine, binah prong lac urang Hồi giáo Rohingya, hu nduac duak tapa Bangladesh kuhria meng tuk tamuh bruk methuh gauk di bang gah barak Myanmar ini. 

# Sa roh duah barau tacei patbiak bruk pato pakai di sang daong uranaih pataom hu dom kỹ năng bac megru saong kỹ năng lãnh đạo suai, tapa nan trang bị ka uranaih dom công cụ siam ka harei hadei. Kapul roh duah jeng hu nao roh duah meng dom anek saih di dom sang bac tiểu học jaik Đại học Washington (Mỹ), sa kapul meng tan bac 1 tal tan bac 5 dalam tuk kapul daok veik lac meng tan bac 3 tal tan bac 7. Gam saong dom anek saih pataom tame roh duah dui atah 5 thun lac 241 sang./.