# Meng akaok thun tal ini, Sang iek ruak uranaih Trung ương taduan raok saong iek ruak labaih 50 uranaih njauk ruak ho gà, dalam nan hu 4 urang metai. Anak bruk yau nan, Thứ trưởng mentri Y tế Nguyễn Thanh Long tabiak harak pandar dom puk palei patagok bruk pacang caga ruak ho gà. Dalam nan, pasang iek veik dom urang dalam diện tiêm chủng peih prong dalam puk palei, khik ka bruk klauk jru vắc xin hu takik abih 95% di xã, phường.

      # Pagaiy harei 7/3, yaok pluh urang dalam dom sang trọ saong sa xưởng kayau di quận 12, ban raya Hồ Chí Minh ba gauk nduac srau kadau tuk mbaik cần cẩu atah yaok pluh mét di công trình padang ngak dự án căn hộ Topaz labik ka 102 jalan Phan Văn Hớn, phường Tân Thới Nhất, quận 12 jaleih trun. Hu dom urang gar dalam đống đổ nát hu  gah chức năng drak samal ba nao cấp cứu. Hu takik abih 2 urang bọ thương, 3 baoh sang trọ saong 1 xưởng kayau gaok cần cẩu kateik jaleih.

       # Tui Chi cục raong glang saong Thú y tỉnh An Giang, gah thú y daok pambuak haong karja dom puk palei peih ngak ralo jalan patagok bruk pacang, cakak jit cúm menuk ada, oh caik ka nyu pambak prong. Tal urak ini, dalam tỉnh An Giang hu 3 sruh jit ruak menuk ada pak di klau baoh sang raong menuk ada di 2 huyện Phú Tân saong Thoại Sơn. Gah chức năng hupeih bruk am cuh klaak tapul menuk ada njaom ruak, pruh jru pametai anek ruak di labik hu sruh jit ruak.

       # Ủy ban bhapbini tỉnh Đồng Tháp barau pok panuac caong mintri jien padai, mintri ngak nong saong patagok palei pala brei 60 tỷ đồng ka tỉnh piah peih ngak dom  bruk kuac vét caga tua dalam thun ini. Tui nan, bruk đầu tư hạ tầng thủy lợi caga tua lac kuac vét dom kraong praong piah tathuak ia xua saong pabak ia pruh tui jalan pasang iek xua bhum taneran kraong Cửu Long.

      # Ban Tuyên giáo Tỉnh ủy Sóc Trăng pambuak haong Lữ đoàn 167, Bộ Tư lệnh Bhum 2 Hải quân bahrau peih nyaom biai pathau khan ka pulao tasik Việt Nam brei ka labaih 400 gru pato dom môn Lịch sử, Địa lý, Giáo dục công dân di dom sang bac trung học phổ thông dalam tỉnh. Dom urang lambaok saong gru pato hu khan brei thau ka bruk di bhum tasik biển Đông dalam tukvak tapa; jeng yau brei thau dahlau ka bruk meda rah tabiak saong dom jalan ngak piah khik caga chủ quyền pulao tasik di taneh ia.

       #Bộ đội Biên phòng tỉnh Đắk Lắk, Việt Nam pambuak bruk saong kapul  Cảnh sát khik caga biên giới tỉnh Mondulkiri, taneh ia Campuchia peih bruk padang ngak cột mốc ka 41 saong 43. Dua cột mốc ka 41 saong 43 hu padang ngak dalam taneh Đồn Biên phòng Ea H'leo saong đồn Yok Mbre, tỉnh Đắk Lắk. Bruk padang ngak dom cột mốc ini lac kadha praong, brei mboh bruk jum pataom, iek glaong chủ quyền taneh riya di rajaei Việt Nam saong taneh ia Campuchia.

       # Pahadar harei Dunya urang kamei (8/3), DHAR KAPUL Urang kamei Cam ấp Phũm Soài, xã Châu Phong, bal sit Tân Châu, tỉnh An Giang hu PEIH NGAK ralo bruk salam uan. Jasi – urang vak di rayo sap ndom Việt Nam brei thau:

Pak ấp Phũm Soài, xã Châu Phong, thị xã Tân Châu, tỉnh An Giang, labik hu ralo urang Cam daok, dhar kapul urang kamei Cam peih bruk taom mbaok saong daoh tamia. Tapa nan, dom adei sa-ai kumei Cam hu pahadar veik ilamu siam mekre di urang kamei Việt Nam; pok meyaom dom bruk ngak hu dalam dom phong trào saong bruk jak ba yau: “Urang kamei kham merat bac megru, ngak mbang, dak padang baoh sang haniem phol”, “dak padang baoh sang 5 oh, 3 hacih”, daong ba gauk tapa truh kathaot, raong anek mbang bac jeng manuac jeng urang… Tapa nan, tổ “Urang kamei Cam tiến bộ” hu khui ống tapai, rik pataom jien padai ka urang kamei kan kandah dalam tổ mesre. Tỉnh An Giang urak ini hu labaih 5.600 urang kamei Cam umo labaih 18 thun, dalam nan hu labaih 3.526 hội viên hội urang kamei.

        Khaw tin dunya

       # Uỷ ban Y tế saong Kế hoạch hoá gia đình Khu tự trị bangsa Choang Quảng Tây barau duah mboh 2 ca njaom mbak virus H7N9 tra di menuac di ban Bách Sắc saong Ngô Châu, tapa nan, patagok abih tih dom urang njaom ruak di bhum ini dalam thun ini lac 8 urang. Bruk njauk biai nan lac, ban Bách Sắc daok jaik 2 tỉnh Cao Bằng saong Hà Giang di Việt Nam. Dom chuyên gia  kakei bhapbini plaih gaok dom menuk ada diuk saong metai.

      # Tổng thống Mỹ Donald Trump bahrau mboh tangin tame sắc lệnh nhập cư tạm thời bahrau, jaik 1 bilan hadei di tuk sắc lệnh nhập cư akaok mereip di ong njauk dom tòa án negar ini pacang cakak. Sắc lệnh nhập cư bahrau patui veik pakauk taong abih urang tị nạn tame negar Mỹ dalam luac 120 harei, taphia di nan pakauk bhap bani mai meng 6 negar lac Iran, Libya, Somali, Syria, Sudan saong Yemen brei adat tame Mỹ dalam 90 harei. Hu peih ngak meng harei 16/3, sắc lệnh bahrau oh ba tabiak dom hạn chế nhập cư ngan haong Iraq, 1 dalam 7 negar daok dalam angan pakauk nhập cư di sắc lệnh dahlau diah.

       # Yaok pluh rabau menuac pachreih tui ứng cử viên tổng thống François Fillon (Phrăng-xoa Phi-ông) hu mbaok tame bruk biểu dương lực lượng pachreih tui ứng cử viên ini di mblang bein Trocadéro, gah anak tháp Eiffel di pasak Paris. Brei panuac pak ini, ứng cử viên François Fillon hu tố cáo sa “chiến dịch bôi nhọ” pamoang tame ông, saong ngak brei suy yếu phe cánh hữu min ông jeng daok brei mboh hatai khang nao luac jalan saong khik caga bruk tranh cử di drei./.