# Dự án “Paglaong pren pacang caga haong bala langik tasik” meda hu peih ngak pak Gia Lai meng ini tal abih bilan 10/2016 piah daong ka bhap bani pasiam veik dom khut khat di tua riya pandiak bhang, pacang caga siam jang haong biến đổi khí hậu. Ngan haong yaom jien jaik 1,4 tỷ đồng, dự án “Paglaong pren pacang caga haong bala langik tasik” hu peih tabiak tapa dom bruk ngak di Hội Chữ thập đỏ Việt Nam tỉnh Gia Lai pak huyện Kông Chro, labik njauk khat lahik trak abih di tua riya. Ini lac labik hu ralo bhap bani Jarai, bhian mek aia di dom baoh craoh, kraong piah pandar, piah mbang menyum. 

      # Tết trung thu thun ni, kadung jien dong ka uraniah tỉnh Đắc Lắc pambuak bruk song dom DN peih bruk jao 450 pok pandap ka uranaih kan kathaot di dom huyện Ea Kar, Krông Búk, Krông Pắk. Dom pok pandap hu har kẹo, saradang , ia tasau song lồng đèn yaom abih tih labaih 100 triệu đồng, dong ka dom adei uan raok Tết trung thu dalam bui sambai. Ong Lâm Đình Nhiên, Giám đốc kadung jien dong ka uranaih Đắc Lắc brei thau: Hadei di tuk hu dom kapul XH, dom DN dong ye kadung jien dong ka uranaih hu trun tapak dom palei pala, bhum atah bayah, bhum kan kandah. Abih di nyu nan lac bhum hu rilo uranaih bangsa takik piah brei dom pok pandap yaom 200 ribau đồng dalam nan hu har, kẹo song dom pandap karei karei ka boh sang dom kamuan.

       # Tuikvak tapa, bal Nha Trang, tỉnh Khánh Hòa taduan raok biak ralo tuai negar lingiu, abih di nyu lac tuai Trung Quốc. Pak dom labik inem mek ilamo, dak rao sajarah, dom hướng dẫn viên suan adat hukum lac manuac Trung Quốc hu ndom panuac suan, xuyên tạc ka dak rai sajarah. Ralo tuai ngak rul sil, angui cuk khan ao oh njauk dom labik tôn giáo, tín ngưỡng. Ong Đinh Văn Cường, Akaok Jabat ilamo, thông tin bal Nha Trang brei thau: Nyu mai baha Long Sơn nyu lac baha ini kayua Trung Quốc padang ngak, hu dom thaot binguk dreih yau pak Trung Quốc. Dom phiên dịch nyu yau nan bo ndom. Hadei di tuk mboh, hu dom mbang samar pacang cakak, hu dom mbang urang mai rivang ma-in tabiak truh labik bloh. Piah rút kinh nghiệm ye bal hu panuac pahadar, pathau khan haong tuai damuai du lịch.

       # Bahrau ni, Thủ tướng rajaei hu  tabiak Chỉ thị 26/CT-TTg ka bruk patagok kỷ luật, kỷ cương dalam dom jabat hành chính karja dom pakat, dalam nan hu bruk oh brei menyum alak, mbia dalam tuk ngak bruk, tuk padeih jalan pandiak. Peih ngak chỉ thị ni, urang jakar, công chức, viên chức tỉnh Sơn La njauk hatai pachreih tui song sinya ngak siam oh menyum lak, mbia dalam tuk ngak bruk , tuk padeih jalan pandiak.

      # Dalam thun 2016, tỉnh Bình Thuận ba tabiak bruk lac, hu 11 xã tra mek hu chuẩn palei pala bahrau, patagok abih tih dom xã mek hu chuẩn palei pala bahrau dalam tỉnh tal puac thun nan lac 37 xã. Tui panuac khan di Ban tacei pato Danak dak pakat negar padang ngak pala bahrau tỉnh Bình Thuận, dalam 6 bilan akaok thun, 11 xã tui kuhria mek hu chuẩn palei pala bahrau dalam thun 2016 hu peih ngak tagok jang 6 tiêu chí dut haong puac thun 2015, kuhria rah tapa mek hu 14,8 tiêu chí sa xã. 

       # Tui chi cục kaya ikan tỉnh Thừa Thiên-Huế, urak ni dalam tỉnh dok labaih 600 tấn  tấn kaya ikan ngak liar oh ka pablei hu. Dalam nan hu kho đông lạnh Tám Thế song cơ sở đông lạnh Chính Thủy  di mblang ikan Thừa Thiên-Huế dok di ban sit Thuận An, huyện Phú Vang dok labaih 600 tấn ikan nục, ikan sòng song mực. Ong Trần Văn Châu, po kho đông lạnh Tám Thế di mblang ikan  Thừa Thiên-Huế brei thau: Tuk vak hadei di sự cố môi trường tasik drei blei jiak 550 tấn rilo meng lac ikan nục, ikan bánh lái, hadei di nan pablei hu  jiak 100 tấn dok veik 450 tấn urak ni dok labaih, hu panuac pok tagok jabat chức năng peih bruk dut iek piah samar pablei, samar mek hu phun jien.

      # Hadei di meteh bilan iek ruak pak sang iek ruak Đa khoa tỉnh Quảng Ngãi, urang ruak angan Đinh Văn Nguyên, umo 46 thun, daok di xã Sơn Ba, huyện Sơn Hà, sa dalam dua urang njauk Hội chứng viêm da dày sừng hu duah mboh meng puac bilan  8 tapa ruak jeng oh trun bo dak harei dak trak jang. Sang iek ruak đa khoa Quảng Ngãi hu panduan ba urang ruak Đinh Văn Nguyên tabiak Sang iek ruak Đa khoa Đà Nẵng piah iek ruak saong peih bruk halang darah. Dahlau di nan, dut iek men gan di urang ruak Đinh Văn Nguyên tagok jaik 10 mbang dut haong bình thường. Suy gan nặng hu ngak tổn thương tal dom cơ quan nội tạng karei di rup babhap. Mbuan ba tal metai lihik.

        Patui di ini dom khau tin dunya:

      # Tui số liệu kayua liên hợp quốc brei thau, harei 6/9 hajan khang ba tal ia sua di Cộng hòa dân chủ bhap bini Triều Tiên ngak brei 60 urang metai saong labaih 44 ribau urang lahik sang danaok. Hadei di 4 harei hajan khang, ia meng kraong Tu-men ngak ka ia sua praong saong khat lahik trak ka dom bhum jaik taphia. Dalam nan, bhum Mu-san saong Hô-ê-ri-ông njauk palai pajoa trak.

       # Raja-ei Trung Quốc brei thau jalan ngak piah pacang chip pakat 4 anak tua riya pandiak bhang trak di tỉnh Cam Túc, gah Tây Bắc negar ini. Ủy ban patrun bala meng langik tasik pakat negar Trung Quốc saong Bộ Dân chính negar ini hu peih dom bruk ngak tal dom labik njauk tua riya trak piah daong ka bhap bani. Tui urang jakar tỉnh, ralo labik pak tỉnh Cam Túc oh hu hajan kuhria meng akaok thun ini mai. Labaih 6,2 triệu bhap bani gaok kan kandah, nan ye raja-ei Trung Quốc njauk pabak brei dom  janih pandap cần thiết.

      # Dom urang ilamu barau brei thau, vi rút Zika meda diuk dalam meta menuac, hadei di tuk peih ngak iek di takuh piah duah thau makna yau habar dom janih ruak njom Zika njauk dom janih ruak ka meta saong ba tal taglaoh meta. Dom urang ilamu hu peih ngak iek tui jalan cấy vi rut Zika tame drei takuh tapa klik di nyu, yau jalan anek menuac njom Zika kayua jamuok kiak. Saong mboh vi rut Zika diuk dalam meta di takuh 7 harei hadei di nan./.