# Pak jabat Trung ương Đảng, Tổng Bí thư Nguyễn Phú Trọng bahrau taduan raok Kapul urang lambaok Đảng Lao động (PT) Mê-hi-cô kayua ong An-béc-tô A-na-gia Gu-tia-rết, Tổng Bí thư Đảng ba akaok daok hu mbang rivang saong ngak bruk pak Việt Nam. Tổng Bí thư Nguyễn Phú Trọng taong yaom glaong talei pambuak bruk nao mai dua đảng; caong khin dua đảng patui veik pambuak bruk prong dalam saong biak biai jang, siam laghaih jang.

     # Lingiu nyom biai pakat glong ASEAN 28-29 song dom nyaom biai pakat glong pagam tal di ban ine  Viêng-chăn (Lào), Thủ tướng Nguyễn Xuân Phúc hu taom gaok thủ tướng New Zealand John Key.  Di mbang taom gaok, 2 Thủ tuong brei thau bruk iek prong talei pambuak bruk tong abih gah di Việt Nam – New Zealand; njauk hatai pambuak kajap piah ngak siam bruk ngak mbang, ba talei rohim di 2 negar patagok dalam jang song kein lagaih jang dalam tuk vak anak tal.

      # Meng harei 29/9 tal harei 2/10 tal, pak Labik inem mek Hoàng thành Thăng Long - Hà Nội meda rah tabiak Harei pataom du lịch palei ngak meng kan Hà Nội - Việt Nam thun 2016 ngan haong kadha “Hà Nội - Tinh hoa nghề meng kan”. Harei pataom thun ini meda hu ralo bruk ngak hu ralo makna: parang iek; nyaom biai ngan haong kadha ‘‘palei ngak Việt Nam pambuak pagam haong patagok du lịch saong mbeik drei yam tame dunya”; adat raok dom tổ nghề, nghệ nhân nghề; bruk ngak ilamu, daoh tamia, ngak iek pandap thủ công meng kan, ma-in kadha ma-in bhap bani; danak dak  du lịch chuyên đề ka phố nghề, palei nghề di Hà Nội…

     # Piah caga ka bilan an toàn vệ sinh lao động thun 2017, Mban tacei jalan adit pakat negar an toàn vệ sinh lao động pacang caga patuh khuah TƯ hu panuac ieu dom DN patagok siam lagaih dom bruk pasram megru an toàn, vệ sinh lao động; pasang iek duah thau dom bruk nguy hiểm, oh siam ka labik ngak bruk song hu jalan ngak njauk tuk vak pacang cakak  dom bala, khik caga siam mekre dalam bruk ngak.

     # Pak Hà Nội, Trung ương Kapul urang nong Việt Nam peih ngak adat mboh tangin tame harak pambuak bruk haong Kadung jien patagok bruk ngak nong Dunya (IFAD) tukvak 2016 – 2020. Dalam harak sanya ini, IFAD saong Kapul urang nong Việt Nam patui veik pambuak bruk catang saong peih ngak dom bruk ngak yau: paglaong pren khang hu mbaok tame dak padang saong phản biện rasak ka urang jakar Kapul Urang nong dom pakat; paglaong pren khang hu mbaok tame ngak dom bruk tui định hướng darak pasar, dak padang dom chuỗi giá trị, patagok dom mô hình ngak nong khang kajap saong dịch vụ dalam bruk ngak nong palei pala. 

     # Di Bình  Định, meng thun 2014 mbiah tal ni, tỉnh hu pala labaih 5 ha glai njom mbak. Ni lac sa dalam 2 bruk prong di dự án tagok hệ thống đê Đông song pala glai njom mbak pacang caka biến đổi khí hậu bhum  đầm Thị Nại, tỉnh Bình Định. Meng nan, dong pacang pacang ia mbak, pacang ia ndik, khik caga ka labaih 45 ribau urang dalam bhum song khik ia taba ka labaih 500 ha taneh pala drak. 

     # Pasak iek glang pren yava Family Medical Practice Vietnam (FMP) pambuak bruk haong Đại sứ quán Israel pak Việt Nam peih ngak danak dak pasang iek ruak saong alin brei pandap thaoh "Brei ka sa Kon Plông siam mekre jang" ka bhap bani dalam 9 xã kathaot di huyện bhum ceik Kon Plông, tỉnh Kon Tum, meng harei 11-18/9. Kapul urang halar hatian pasang iek ruak hu 20 bác sỹ ralo negar, 30 y tá saong 70 urang daong bruk meda hu peih bruk pasang iek ruak, tiêm phòng, brei sraoh jru saong tacei pato peih ngak bruk vệ sinh cơ bản ka labaih 3.500 baoh sang daok diuk rai pak dom puk palei kan kandah ini.

      Patui di ni dom khau tin dunya:

     # Trung Quốc song Hiệp hội dom negar Đông Nam Á (ASEAN) bahrau brei tapa bộ nguyên tắc tacei ba ka jalan talei pandiak di dom urang ngoại giao pakat glong di 2 gah piah langyah dom bruk di angaok tasik. 2 gah jeng hu ba tabiak sa tuyên bố chung dalam nan njauk hatai pandar Bộ quy tắc ka bruk Plaih meriak gauk di angaok tasik (CUES), sa thỏa thuận dunya mek hu dalam thun 2014 piah patrun bruk meriak gauk di angaok tasik biển đông. TQ song ASEAN mek hu bruk nan dalam nyaom biai urang pan akaok   TQ ASEAN mbang ka 19 di ban ine Viêng Chăn di Lào.

     # Dalam tukvak peih ngak Nyaom biai pakat glaong Hiệp hội dom negar  Đông Nam Á (ASEAN) mbang ka 28 – 29, peih tabiak pal Lào, dom urang pal akaok dom negar ASEAN hu dom mbang ndom biai tapak saong ba tabiak  định hướng ka harei hadei di ASEAN. Abih di nyu dom urang pal akaok ASEAN jeng hu thau dom kadha huac kanda di dom akaok mentri ka bruk tôn tạo, bồi đắp saong bruk patagok dom bruk ngak di khu vực, ngak patrun hatai jia, patagok căng thẳng song meda ngak kanjah jhak tal bruk sron mbon, an ninh saong tani tanat di khu vực; brei thau veik kadha prong glaong di bruk patui khik saong jhul pakhang sron mbon, tani tanat, an ninh saong an toàn hàng hải saong hàng không di Biển Đông. 

     # Akaok Mintri Y tế Malaixia Xa-tha-xi-vam (Subramaniam Sathasivam) bahrau brei thau, negar ni bahrau hu sa urang kamei metain camereip njom vi rút Zika. Akaok mintri Xa-tha-xi-vam hu panuac khan lac, meda mboh rilo urang njom Zika karei di Giô-hô Ba-hru kayua hu labaih 200 ribau urang Malaixia meng labik ni nao mai tal Xinh-ga-po yaok harei./.