Khaw tin 6h30 harei 9/10

  # Meng ni tal harei 14/10, Muinyim  Mỹ thuật Đà Nẵng pambuak bruk song  Dự án Trúc chỉ Việt Nam song họa sĩ Phan Hải Bằng peih parang iek  nghệ thuật hu angan: “Trúc chỉ – panuac di kraong” – Phiên bản 2017 di muinyim Mỹ thuật  Đà Nẵng.

# Mban peih bruk pakacah Hoa hậu Hoàn vũ Việt Nam 2017 barau brei thau top 70 thí sinh xuất sắc abih di dua gah Brak – meraong piah yam tame vòng bán kết pakat negar. Vòng Chung kết rah tabiak meng harei 5/11 tal harei 2/12 di tỉnh Khánh Hòa. 

 # Jalan nao takai di  “phố Tây” ban Huế hu peih tabiak meng gdi bilan  10/2017 pachreih hu rilo bhap bini song tuai damuai hu mbaok tame. Tui bruk ba tabiak, tal thun  2018, jalan ni hu pambuak song dom mblang bein di gah  merong song gah barak krong  Hương .

 # Thun 2016, du lịch Bình Thuận raok jaik 4,5 triệu mbang tuai damuai saong jien mek tame labaih 9 rabau tỉ đồng. 8 bilan akaok thun ini, du lịch Bình Thuận raok labaih 3 triệu mbang tuai ngan saong jien mek tame kuhria hu labaih 7.082 tỉ đồng, tagok lac 9,7% saong 22% duk saong dom bilan ini thun dahlau.

        # Kapul Điện ảnh Việt Nam hu mbaok tame  Harei pataom Phim Ba Lan mbang ka 42 hu peih  tabiak di ban Gdynia. Kapul hu var taom gaok  song Hiệp hội dom urang ngak phim Ba Lan piah caga  ka bruk mbaoh tangin pambuak bruk  di dom urang  ngak phim VN song  Ba Lan tui kuhria dalam bilan  11/2017 di Đà Nẵng.

# Công ty cổ phần Phát hành sách ban raya Hồ Chí Minh ( Fahasa) barau brei thau bruk padang hu 100 libik pablei tapuk dalam taneh ia, hu mbaok meng thành thị tal bhum palei pala. Kuhria tal harei ini, Fahasa hu 25 libik pablei tapuk di ban raya Hồ Chí Minh; 19 libik di bhum taneran kraong Cửu Long; 19 libik di Đông Nam Bộ; 6 libik di Bắc Trung Bộ saong 15 libik pablei tapuk di Hà Nội saong dom tỉnh gah Brak...

          # Hu rah tabiak meng harei  23 tal harei  31/12, Adit ilamu - Du lịch Đồng Tháp lac tuk piah ka  dom đơn vị ngak mbang gah du lịch taom gaok ndom nyai nao mai, pambuak bruk patagok du lịch song yaih khan angan je, palei ngak thủ công meng kan piah patagok du lịch Đồng Tháp jeng sa labik pachreih urang nao tal

Khaw tin dunya

         # Nga saong Mỹ barau mek hu thoả thuận pambuak bruk padang ngak trạm vũ trụ akaok mereip angaok ia bilan. Ini lac sa binah dalam bruk ngak suai livik piah ba anek menuac tagok Sao Hỏa.

         # Liên minh châu Phi (AU) hu panuac ieu dom đảng phái chính trị di  Kenya langyah siam mekre dom mâu thuẫn, bế tắc chính trị  dahlau di tuk rah tabiak mbang palih ruah tổng thống bahrau, tui kuhria hu peih tabiak dalam harei 26/10 anak tal./.

# Tòa án Hiến pháp Tây Ban Nha barau tabiak lệnh brei padheih sa mbang nyaom harei 9/10 di cơ quan lập pháp vùng tự trị Ca-ta-lăng. Tui kuhria, dom urang dang akaok Ca-ta-lăng meda eng drei tabiak panuac độc lập tabiak truh Tây Ban Nha di mbang nyaom ini.