Khaw tin 6h30 harei 9/2

          # Harei 8/2, lac harei 23 bingun bilan Mat thun sak menuk, Pasak Khik ramik inem krung medil Huế peih ngak dalam praong prang adat Thướng Tiêu (lac adat padang phun Nêu) di Thế Miếu, Đại Nội Huế. Ini lac sa bruk ngak piah brei mboh veik adat meng kan di bangsa Việt Nam jeng ye di dom patao nhà Nguyễn, lac kadha praong dalam dom bruk ngak uan raok thun sak sau 2018, pachreih hu hu rilo bhap bini saong tuai du lịch . 

 # Harei ini (8/2), lac harei 23 bingun bilan Mak saka ia bilan, darak pasal duh ka harei Tết ông Công ông Táo dalam ban Hà Nội daok biak chreih chrai. Urak ini, ikan chép saong pandap hàng mã lac dom janih pandap hu blei rilo abih dalam dom harei ini. Thun ini, dom janih pandap  cúng ông Công, ông Táo hu ngak kheih jang, mekre jang min yaom oh karei jang duk haong dom thun dahlau, dalam tuk nan ikan chép tagok yaom saong pablei suai jang.

# Ông Trần Minh Mẫn, Phó chủ tịch Hội sinh vật cảnh huyện Chợ Lách brei thau, bilan bingu tết thun 2018, dalam huyện Chợ Lách ngak hu labaih 12 triệu sản phẩm bingu, phun cảnh piah pablei tết. Thun ini, yaom dom janih bingu, phun cảnh Tết tagok meng 15-30%,  urang pala bingu saong phun cảnh di huyện Chợ Lách (Bến Tre) biak uan tabuan kayua tapa nan, thun ini mbang Tết hu rilo jien padai jang.

  # Dalam dom harei jaik si Tết Nguyên đán Mậu Tuất, yaom thanh long pablei tabiak taneh ia lingiu di tỉnh Tiền Giang tagok khang, mikva bhum pala thanh long biak chreih chrai kayua jien mek tame glaong. Tui ông Lê Văn Long, urang nong pala thanh long huyện Chợ Gạo, yaom thanh long hatai bhong urak ini hu urang blei meng 58.000 đ/sa kg janih siam, tagok jang duk saong tukvak puac thun meng bloh jaik 10.000 đồng/sa kg. Ông Long barau pablei jaik 2 tấn thanh long hatai bhong, mek jien tame hu jaik 120 triệu đồng. 

 # Sang iek ruak Nhi đồng Đồng Nai brei thau, tal harei 8/2, pren yava di anek kamar N.H.G (ndih tapui hu 18 harei, daok tạm trú di xã Hóa An, ban sit Biên Hòa, Đồng Nai) njauk dị tật meng tian amaik, gar tung pruac meda daok hu siam veik. Anek kamar nan daok mum ia tasau hu siam, daok tagok kilo. Tui bác sĩ Công Tầm, Trưởng khoa Phẫu thuật, gây mê, hồi sức – Sang iek ruak Nhi đồng Đồng Nai, tgar tung pruac meda lac ruak biak takik mboh, tok hu 1/2.500 mbang ndih tapui.

Khaw tin dunya

# Rajaei Hàn Quốc hu panuac caong Liên hợp quốc yah klak lệnh pakauk taneh ia ka sa urang dang akaok di Cộng hòa dân chủ bhapbini Triều Tiên piah urang jakar ini meda hu mbaok tame peih pakak Thế vận hội bilan la ar Pi-âng Chang hu peih tabiak di harei  9/2. Karja Triều tiên dahlau nan khan brei ka gah Hàn Quốc thau, ông Chô Hi, akaok Ủy ban tacei pato thể thao negar Triều Tiên meda hu mbaok dalam kapul taneh ia ini pataom tame Thế vận hội kayua akaok Quốc hội Triều Tiêm Kim Châng Nam ba akaok.

# Dom gah truyền thông puk palei di Trung Quốc harei 8/2 brei thau: melam bloh, sa bruk glut jaleih jalan rah tabiak di ban sit Phật Sơn, tỉnh Quảng Đông, gah meraong Trung Quốc, ngak brei takik abih 8 urang metai, 3 urang lihik, dalam tuk hu yaok pluh urang karei hu sraong daong.

  # Lambaok karja bang U-ta Pra-đét Ấn Độ brei thau, gah chức năng di bang ini daok peih bruk nao duah sa urang ngak gah y, tình nghi lac  urang ngak brei 33 urang njaom HIV saong ngak brei ka yaok pluh urang karei duh hatai cang kết quả xét nghiệm. Urang gaok ba la sit thun abih di "ông thầy lang" ini bahrau 6 thun.