# Meng harei 25 tal 29/4/2018, harei pataom ahar bhap bini gah meraong mbang ka 7 ngan saong kadha "halau gha baoh ahar palei negar" hu peih tabiak di pasak Xúc tiến Đầu tư thương mại saong Hội chợ Triển lãm Cần Thơ. Harei pataom hu 200 gian hàng, dalam nan hu 100 gian hàng parang tabiak dom janih ahar bhap bini gah meraong, 100 gian hàng daok veik hu parang tabiak dom janih kaya pandap di dom bhum palei. 

 # Tui rilo po cửa hàng bingu that di ban Biên Hòa,tỉnh Đồng Nai,  darak pasal bingu that harei 8-3 thun ini hu biak rilo janih. Dalam nan, rilo janih bingu ye: bingu hồng bhong, bingu ly, trạng nguyên, mẫu đơn…tui kuhria tagok hasit meng 15-20% duk saong yaok harei;  menuac blei jeng rilo jang duk saong harei 14-2. Rilo libik du lịch jeng hu dom danakdak ưu đãi ka urang kumei dalam harei dunya urang kumei 8-3.

# Dalam dom harei tapa, ruak laka cambuai tapaok kakau di tapon limo nyu patuh khang di xã Hòa Thắng, huyện Phú Hòa, tỉnh Phú Yên. Tal tukvak ini hu yaok pluh drei limo metai ngak ka urang raong biak duh hatai. Langyah ka bruk tamuh ruak saong limo metai samar, Chi cục Chăn nuôi và Thú y tỉnh Phú Yên brei thau, dalam dom thun 2016, 2017, huyện Phú Hòa daok dalam bhum takik njom ruak laka cambuai tapaok kakau nan ye oh hu daong vắc xin klauk pacang caga. Dalam tuk nan, tui quy định, bruk klauk jru pacang caga yaok thun brei hu meng 80% tapon tagok.

# Tui Sở ngak nong saong patagok palei pala tỉnh Cà Mau, dom harei akaok bilan 3, glai di Beir negar U Minh Hạ saong Công ty trách nhiệm hữu hạn sa thành viên Lâm nghiệp U Minh Hạ khik iek daok thu ia. Rilo taneh glai pala tui jalan kê líp saong dom libik mbok glaong daok thu ia min độ ẩm jeng daok glaong. Dalam dom harei tal, rilo taneh glai karei daok thu nao, biak mbuan si khuah glai, tui kuhria urak ini  daok di pakat 2. Mban khik ramik glai negar U Minh Hạ jeng hu peih bruk pathau khan, jak ba labaih 5000 sang bhapbini daok di bhum glai tràm, bhum đệm mbaoh tangin tame sanya pataom tame khik caga saong pacang caga khuah glai.

 # Dom harei tapa, urang ngak nong dua xã Hòa Điền saong Kiên Bình, huyện Kiên Lương, tỉnh Kiên Giang “mbang oh tame, ndih oh hu” kayua yaok pluh ribau padai Đông Xuân 2017 - 2018 daok njom mbak oh ka hu jalan langyah. Ông Trần Bình Trọng, Trưởng phòng Kinh tế huyện Kiên Lương brei thau, bruk ia mbak njom tame dalam huyện Kiên Lương (Kiên Giang) di akaok thun 2018 rah tabiak khang, ia mbak njom dalam tame mblang hamu labaih 20 km. Taneh ngak padai njom ia mbak labaih 20.000 ha daok dalam tuk sraoh neran, dua xã Hòa Điền saong Kiên Bình gaok trak di abih. 

Khaw tin dunya

# Mintri Quốc phòng Campuchia barau tabiak  harak brei thau, mintri Quốc phòng dua taneh ia Campuchia saong Trung Quốc meda pambuak bruk pasram haong gauk dalam15 harei di tỉnh Com Pong S-pư. Mbang pasram meng harei 15/3 hu angan “ anek inegrai ameh” hu cuh đạn biak di huyện Som Rôn Tông ngan saong kadha “ pacang caga khủng bố saong daong nhân đạo”. Harak nan jeng hu kakei bhapbini dalam tỉnh oh nao tal libik pasram, dom kapal ahaok dân sự jeng oh brei par tapa libik ini. Min, harak nan oh brei thau bruk pasram nan ieu pataom hadom lin saong pandar dom janih phao ndao hagaiyt.

# Tui dom roh duah di dom urang ilamu Nga, jru halak kandaong veik rilo jang dalam rup dom janih sinh vật hu rilo mô mỡ. Panuac nan hu ba tabiak hadei di tuk dom urang ilamu roh duah dom janih cim tasik di bhum Ô-khốt-xcơ (Okhotsk) saong Bơ-rinh (Bering) dalam rilo thun. Dom urang ilamu hu panuac brei thau ka bruk pataom veik di jru halak dalam rup dom janih cim tasik daok di bhum Tây Bắc Thái Bình Dương. Dalam rup di cim tasik, dom janih cim mbang ralo dom drei cim mbang janih ikan nan jeng hu mboh jru halak kandaong veik rilo jang, kayua nyu hu rilo chất béo jang dalam rup.

# Tổng thống Pháp Em-ma-nuy-en Ma-crông (Emmanuel Macron) hu panuac lac, bruk Mỹ brei thau Giê-ru-sa-lem lac ban ine di Ixraen oh daong hu hagaiyt ka bruk langyah srau kadau di Trung Đông. Brei panuac di sa bruk ngak di kapul dom tổ chức Do thái di ban ine Pa-ri, Tổng thống Pháp Em-ma-nuy-en Ma-crông jeng hu panuac lên án dom bruk tẩy chay urang Do thái atau dom pandap di Ixraen, tabhia nan, sanya lac rajaei Pháp meda peih bruk piah pacang cakak dom panuac ndom jhak urang Do thái angaok mạng ./.