# Akaok Ủy ban Trung ương Mặt trận negar Việt Nam Trần Thanh Mẫn, bahrau nao rivang saong alin brei pandap ka mikva dom bangsa takik di xã Mường Phăng, huyện Điện Biên, tỉnh Điện Biên njauk khat lahik ka manuac urang saong drap ar kayua ribuk aia sua, glut jaleih taneh meng blaoh. Klah raba haong dom kan kandah di bhap bani, ong Trần Thanh Mẫn hu pok brei pandap ka 10 baoh sang kathaot njauk pambak meng hajan ribuk meng blaoh, caong khin dom baoh sang nan yam tapa dom kan kandah, kham merat yam tagok grap tanat rai diuk.

  # Tukvak jaik ini di phương tiện thông tin, báo chí khan brei thau hamiet dom bruk ngak suan hukum ka trật tự, an toàn giao thông ye nduac samal, nduac ẩu, nduac suan canah jalan, katok radaih jalan atah ngak gar jalan mbak, pajeng vật liệu tavak tave ngak lihik an toàn giao thông, nerak alam môi trường di radaih ô tô tải ben dalam ban Đà Nẵng saong tỉnh Khánh Hòa. Yaom lac bruk dut hatai ini hu rilo mbang urang bhapnini pok panuac ndom saong dom gah langyah catang, min urak ini bruk ini oh ka mboh salih yau nan ye rah tabiak rilo mbang bala di jalan mbak pambuak tal radaih ini.

# Thanh tra Chính phủ bahrau khan brei ka Thủ tướng raja-ei thau ka kết quả kiểm tra bruk chấp hành adat hukum ka khik iek padang ngak ngan haong dom dự án pambuak pagam tal bruk panduan salih mục đích pandar glai phòng hộ tapa mục đích karei di tỉnh Phú Yên. Tapa pasang iek 20 dự án, Thanh tra Chính phủ duah mboh hu ralo bruk ngak suan adat hukum, trak di abih nan lac dự án New City.

    # Kapul daong bala tỉnh Ninh Thuận gam urang bhapnini puk palei barau duh mboh 2 urang gaok bala daok veik dalam mbang hu 3 urang lihik dalam kraong Cái, canah tapa xã Mỹ Sơn, huyện Ninh Sơn kayua gaok ia xua theik nao. Ủy ban bhapnini huyện Ninh Sơn hu daong yaok urang gaok bala 4 triệu đồng. Ủy ban bhapnini xã Mỹ Sơn daong yaok urang gaok bala 2 triệu đồng.

# Labaih 7 thun tapa, darak Long Hòa, xã Long Hòa, huyện Bình Đại, tỉnh Bến Tre daok klak balau biak palai pajua. Ini lac baoh darak mek hu chuẩn xã palei pala bahrau kayua ong amuk Nguyễn Văn Dũng - Trần Thị Kim Xuân buh jien tame ngak labaih 4 tỉ đồng. Mblang taneh padang ngak baoh darak ini jaik 5.000m2 ngan haong labaih 20 ki-ốt soang yaok pluh quầy sạp, sang lồng biak siam duh ka bruk pablei salih di labaih 200 baoh sang pablei salih. Amuk Trần Thị Kim Xuân, po buh jien tame ngak brei thau, hu bayar veik dom harek ba-ar dom jabat karja brei meng dahlau diah ka darak piah panduan salih công năng: Drei caong suai ralo min oh mboh khả thi nan ye ta-eng drei langyah. Xã giải tỏa hamiat bo oh hu, bhap bani oh khin tame ini. Urak ini drei brei pah, brei pah  ye khan si mek veik hu phun jien. Darak ini hu ngak harak hợp đồng brei pah paje.

# Tòa án nhân dân tỉnh An Giang barau peih phiên tòa sơ thẩm xét xử vụ án “pametai menuac” saong klaik drap ar tui quy định di paka 93 saong paka 133 Bộ Luật Hình sự ka Cao Quốc Phong (angan ieu karei lac Tý), ndih tapui thun 1983, daok pak ấp Kiến Quới, xã Kiến Thành, huyện Chợ Mới, tỉnh An Giang. Tuyên phạt bị cáo Cao Quốc Phong tử hình ka tội “pametai menuac”, 8 thun guk ka tội “klaik drap ar”, abih tih hình phạt lac tử hình.

# Gru saih huấn luyện viên Hoàng Anh Tuấn hu hu mbang jayak 8-1 anak Brunei dalam mbang tabiak quân di giải U18 Đông Nam Á. Ngan haong jayak ini U18 Việt Nam tạm khik vị trí ka 2 di bảng B tuk di mbang caoh hadei nan Indonesia jayak 9-0 anak Philippines piah yam tagok dang akaok ngan haong 6 điểm hadei di dua mbang caoh. Di mbang caoh hadei dalam harei 9/9 gru saih huấn luyện viên Hoàng Anh Tuấn meda taom gaok U18 Philippines đội bóng daok dang puac bảng  ngan haong 0 điểm hadei di dua mbang caoh.

  Khaw tin dunya

  # Thủ tướng Đức An-giê-la Méc-ken (Angela Merkel) saong Chủ tịch Trung Quốc Tập Cận Bình barau njauk hatai gauk ka bruk njauk paglaong trừng phạt ka  Cộng hòa dân chủ bhapnini Triều Tiên, pambuak tal bruk thử hạt nhân barau abih di Triều Tiên jaik ini. Bruk di bán đảo Triều Tiên jeng lac asal kadha praong dalam danakdak nghị sự di mbang nyaom Ngoại trưởng Liên minh châu Âu rah tabiak di ban ine Estônia.

# jabat an ninh hàng hải Malaixia brei thau, negar ini bahrau pacang cakak hu sa mbang co klaik gilai pajeng menyek di Thái Lan saong cap khik 10 urang nghi lac co klaik tasik. Sruh gilai pajeng ba 2,2 triệu lít diezen, kuhria tabiak yaom jien 7 triệu ring-git (samu 1,66 triệu đôla) hu hộ tống nao tal bal sit Ku-a-la Tơ-reng-ga-nu piah daong ka bruk duah thau. Bala co klaik tasik di mblang tasik gah Đông Nam Á, dalam nan hu dom canah pajeng ba angaok tasik dunya biak ralo, daok hu jeng mục tiêu di kaol co klaik tasik dalam dom thun jaik di ini.

# Cuba hu kuhria caga dom bruk njauk ngak ye ba tuai du lich nao plaih, khik piah padai brah piah caga hajan xua Ơ-ma ( Irma). Tui kuhria, mbang hajan xua praong abih mengkan mai di Đại Tây Dương meda mai tal Cuba, nduac tapa tasik gah Brak taneh ia ini di harei 8/9. Tuai du lịch hu ba nao plaih, dalam nan rilo lac tuai du lịch Ca-na-đa./.