Khaw tin 6h30 harei theim 1/8

#/ Meng phun jien di danak dak  30a, huyện Mường Lát, tỉnh Thanh Hóa  hu buh jien tabiak padang bahrau song pasiam veik, patagok 14 danak dak pabak ka bruk ngak mbang song rai duik, 2.107 boh sang kan hu dong salih janih phun pala , athur rong. Urak ni huyện hu dong 350 drei limo lai sind ka dom boh sang kan tui danak dak 30 a song “ Limo pajaih dong urang kan di tapen negar “ kayua Tập đoàn viễn thông Quân đội Viettel  dong brei, peih tabiak jalan dong ka bhap bini tabiak truh kathaot.

# Ủy ban bhapbini tỉnh Quảng Nam barau mbaoh tangin brei adat peih ngak Dự án daong patagok pren khang palei pala pambak tame bhapbini bangsa takik huyện Nam Giang kayua jabat pambuak bruk dunya Nhật Bản (JICA) daong tapa Tổ chức daong patagok dunya (FIDR). Bruk bo dự án ba tabiak lac piah rik daong pasiam an sinh uarnaih dalam sang saong bhapbini, abih di nyu nan lac uranaih sang kan kandah di huyen bhum ceik Nam Giang. Danadak peih ngak meng bilan 7/2016 tal bilan 6/2020, jien daong abih tih lac 58.554.000 yên Nhật (sumu 11,7 tỉ đồng).

#/ Bahrau ni, tỉnh Phú Yên buh jien tabiak labaih 7 tỷ 500 triệu đồng brei labaih 18.000 pok pandap ka urang dalam sarak karja, boh sang thương bin, liệt sỹ di dom puk palei dalam tỉnh. Jeng dalam mbang ni Kapul dam dara song kapul urang dahlau deih ngak bol lin dom pakat dalam tỉnh peih bruk pasiam veik, truac dhil hadar di dom taneh kubo liệt sỹ.

# Ủy ban bhapbini tỉnh Kon Tum barau tabiak quyết định brei parabha 53 tỉ đồng meng phun jien trái phiếu rajaei thun 2016 ka 10 huyện, ban peih ngak danakdak ngak bruk negar padang ngak palei pala barau thun 2016. Yau nan, meng akoak thun tal ini, uy mban bhapbini tỉnh Kon Tum hu parabha 86 tỉ đồng piah ngak danakdak bruk ngak negar ka padang ngak palei pala barau.

#/ Vụ mùa thun ni, mik va dom bangsa takik di tỉnh Đắk Lắk  pala drak labaih 38.650 ha ratak dom janih di hamu apuh, rilo meng lac ratak naih, ratak haluk. Tui Sở ngak nong song patagok palei pala tỉnh ĐL, bruk patagok dom janih ratak di angaok mblang hamu oh lac dong pasiam taneh, patrun halak halin bo dok tagok jien mek tame ka mik va dom bangsa dok dalam tỉnh. Tuk langik siam lagaih, mik va bangsa takik tabiak hamu pala ratak dom janih tui njauk tuk vak dalam bilan hè thu.

# Tui Hiệp hội Gas Việt Nam, dalam labaih 20 triệu bình gas daok pandar urak ini hu jaik 5 triệu bình gas "dởm", di ban raya Hồ Chí Minh hu jaik  500.000 bình gas “dởm”. Taphia nan, bruk sang chiết gas suan hukum jeng daok rah tabiak,kan si duah mboh. Anak bruk nan, ông Nguyễn Phương Đông, Phó Giám đốc Sở Công thương ban raya Hồ Chí Minh hu pandar dom sang pablei salih njauk mboh tangin pambuak bruk saong tổng đại lý pablei salih gas. Bruk ini piah pacang caga, pasang iek bruk gas ja, sang chiết lậu, abih di nyu nan lac tuk rah tabiak sự cố, bruk quy trách nhiệm mbuan jang ngan saong cửa hàng jeng ye thương hiệu gas. 

#/ Thun 2016, tỉnh Cà Mau hu parabha 44 tỷ đồng phun jien trái phiếu rajaei piah peih ngak danak dak pakat negar padang ngak palei pala bahrau. Meng phun jien ni, tỉnh cà Mau hu padang jalan buh tabiak phun jien song jao ka 28 xã dalam tỉnh

Khaw tin dunya

# Taong abih dom tin tức di angaok mạng di Trung Quốc njauk hu pasang iek cambaih saong meyah oh ka hu pasang iek oh brei đăng tảii” nan lac panuac khan barau abih di Cục khik ramik mạng Trung Quốc.

#/ Dom urang ilamu Mỹ hu duah mboh dom kháng thể dalam takuk  thí nghiệm meda dong pacang caga njom mbak Zika, janih virus (vi-rút) meda  ba tal dom dị tật  ka anek kama, tamuh tabiak  di  Mỹ La Tinh song urak ni hu mboh di labaih 50 negar di dunya. Bruk duah mboh ni hu mong lac sa jalan siam peih tabiak bruk ngak hu vaccine pacang caga janih virus kan kandah ni

#Jru pametai halak Neonicotinoid oh lac ngak jhak tal akaok sahneng, ngak jhak tal bruk sinh tồn di janih darko bo nyu meda ngak patrun lượng tinh dịch, kan kandah tal bruk menek mebaoh di loài vật hữu ích ini. Nan  lac kết quả roh duah hu ba tabiak harei 27/7 angaok tạp chí "Proceedings" di Hiệp hội alamu Hoàng gia Anh./.