# Thun 2017, tỉnh Khánh Hòa buh tabiak labaih 85 tỷ đồng piah peih bruk panduan ba tái định cư tập trung, jang yau peih ngak rilo danak dak dự án tái định cư pablah song tani tanat  labik dok di bhum gaok bala meng langik tasik.

      # Ủy ban bhapbini tỉnh Lâm Đồng barau phê duyệt bruk kaoh mek abih kaok labaih 746ha glai pala thông 3 lá  pala meng 25 thun tagok, taphia nan brei thau, bruk ini oh ngak jhak tal alam môi trường dalam libik. Meng ini tal thun 2020, 5 Công ty  lâm nghiệp dalam tỉnh hu mek abih taneh glai thông 3 lá ini ngan saong trữ lượng kuhria abih tih labaih 103 rabau mét khối kayau vil. Hadei tuk kaoh mek, dom kayau ini gaok pakauk pablei tabiak lingiu libik tok duh ka bruk chế biến dalam tỉnh.

        #  Vụ Hè Thu 2017 urang nong di tỉnh An Giang hu juak abih 232.596 ha taneh padai, tagok năng suất tui kuhria labaih 5,40 tấn/ ha, dalam nan rilo meng lac taneh pala meng dom pajaih padai siam di puk palei, chất lượng brah siam, pabak ka bruk pablei tabiak negar langiu song dalam negar.

       # Tổng Liên đoàn Lao động Việt Nam pambuak bruk saong Liên đoàn Lao động tỉnh Bến Tre peih mbang ginum biai patagok phúc lợi ka urang đoàn saong urang ngak. Di mbang ginum biai, urang jakar di dom pakat công đoàn cơ sở jeng sangka rilo bruk ka phúc lợi di đoàn viên saong urang ngak ye : chế độ bảo hiểm y tế, bảo hiểm thất nghiệp.

        # Thun ni, tỉnh Sóc Trăng ba tabiak labaih 60.000 ha njam patam song phun công nghiệp takik harei. Dalam bruk pala njam patam, gah ngak nong tỉnh quy hoạch, tacei ba ka urang pala njam hacih saat tui jalan kein lagaih siam mekre song khang kajap. 

         # Pasak ilimo tỉnh Đồng Nai barau peih var parang iek brei thau dom tiết mục di libik piah kuhria caga pataom tame harei pataom pathau khan lưu động pakat negar ka bruk khik caga alam môi trường kuhria rah tabiak di tỉnh Thanh Hóa meng harei 21 tal 24/9.

         # Kapul Famtrip (sa jalan du lịch duah thau, krein randap, tiếp thị) dunya dalam nan hu dom công ty lữ hành, du lịch, urang blei song urang vak mai meng dom negar  Ấn Độ, Mỹ, Pháp, Mexico, Ý… hu mai tui iek song roh duah dom janih pandap du lịch di Bình Thuận. Mbang tui iek lac sa jalan ngak piah ka gah  du lịch Bình Thuận jhul pakhang bruk yaih khan thaot nbinguk, pandap panda, jalan ngak “ Labik mai rivang siam mekre anit ranam”

          Khaw tin dunya

# Tui khan brei thau meng thành viên Hội đồng lập pháp negar Thái Lan (NLA), bruk tổng tuyển cử di taneh ia ini meda rah tabiak dahlau abih di kreih bilan 10/2018 saong suai abih di bilan 12/2018.

# Urang brei panuac Mintri Ngoại giao Nga Ma-ri-a Da-kha-rô-va (Maria Zakharova) bahrau ni brei thau, Nga meda salih jalan khik ramik blah web di dom đại sứ quán, lãnh sự quán song dom văn phòng lambaok di Nga di negar langiu. Tui jalan ngak bahrau ni, tong abih blah web di dom jabat nanmeda hu  Nga salih tapa pandar hệ thống máy chủ caik piah dalam negar, yaom lac pandar máy chủ di negar karei.

         # Harei 11/9, Đại sứ Việt Nam di Nhật Bản Nguyễn Quốc Cường saong kapul ngak bruk di Đại sứ quán hu nao tal thị trấn Cô-ma-gên (Komagane) di tỉnh Na-ga-nô (Nagano) piah ndua dhar phuan ông Thị trưởng, Giám đốc saong dom bác sỹ, y tá sang iek ruak Xô-oa I-nan (Showa Inan) hu abih hatai iek ruak 2 thực tập sinh Việt Nam lac N.A.T gaok bala di ôtô saong N.H.N gaok ruak ung thư, yau nan ye dom urang ini hu siam veik saong mai taneh ia siam./.