# Tui Mentri Ngak nong saong Patagok palei pala, sản lượng taong mek kaya ikan 2 bilan akaok thun hu jaik 389.000 tấn, tagok 1,5% dut haong tukvak ini thun 2016. Urak ini daok tame bilan ikan cơm, sản lượng ikan cơm tagok glaong meng bilan 1 tal bilan 3, trun meneng dalam bilan 4 – 5, hadei di nan tagok veik  meng bilan 6 - 8. Dom bruk mek hu kein laba glaong dalam bilan lac bruk taong mek ikan cơm, nghề cào, lưới menyek... 

#Tukvak jaik ini, gah chức năng tỉnh Quảng Bình patagok bruk pasang iek, langyah bruk duah mek, pablei salih pajeng ba phun hương giáng suan hukum. Min, rilo sang pablei salih kayau di tỉnh Quảng Bình jeng daok pablei kayau hương giáng. Tui yaom urak ini, sa gốc hương giáng hu pablei yaom meng dom triệu đồng tal yaok pluh triệu đồng, tui chất lượng saong tui kayau siam rilo atau takik. Ông Đinh Huy Trí, Phó Giám đốc Beir Quốc gia Phong Nha Kẻ Bàng brei thau: Kayua yau nan ye, bruk khik ramik pacang caga glai saong cakak duah mek hương giáng hu rilo kan kandah. Bruk langyah ngak suan gah kayau hương giáng daok gaok kan kandah dalam bruk parabha kayau, dak nhóm jeng ye tabiak yaom oh ka hu quy dinh halei. Nan ye jalan adat daok kurang .

# Piah daong cakrok patagok bruk ngak gai puh meng kan di bhap bani Vân Kiều, Ủy ban bhap bani xã Đakrông huyện bhum ceik Đakrông, tỉnh Quảng Trị hu ralo bruk ngak piah daong ka bhap bani. Tui nan, Xã hu mboh tangin pambuak bruk haong kapul KOICA (Hàn Quốc) daong brei phun jien ka mikva khik ramik saong patagok bruk ngak ini; anak tal meda pambuak bruk haong Jabat Công thương huyện Đakrông peih pasram bruk ngak ka mikva, pambuak haong dom doanh nghiệp piah pablei pandap.

# Tui dự án khảo sát kayua gah pambuak bruk dunya Nhật Bản (JICA) peih ngak, 4 sản phẩm di Lâm Đồng hu brei thau piah dak padang angan kaya nong saong du lich gah ngak nong lac : njam, bingu, cà phê Aribica saong du lịch gah ngak nong. Bruk ba tabiak lac giá trị then chốt di dom pandap ini njauk hu sangka ye bruk an toàn ka njam, chhất lượng ngoại quan di bingu, bruk nguyên chất di cà phê Aribica saong bruk chuyên nghiệp di du lịch gah ngak nông .

# Đồng Nai lac sa dalam dom tỉnh hu tapol menuk ada prong abih dalam taneh aia, jaik 18 triệu dei. Anak bruk jit cúm menuk ada mbuan njaom mbak saong tamuh khang, gah thú y tỉnh ini daok samar peih ngak dom jalan pacang caga jit, kluak jru pacang caga jit ruak pabak di dom trang trại raong menuk ada hadei di Tết Nguyên đán.

# Harei 1/3, dom huyện, ban dalam tỉnh Bến Tre peih bruk klauk vắc xin caga jit kum menuk ada A/H5N1 di tapol menuk ada. Vắc xin hu klauk saoh ka tapol ada, ada xiêm (ngan) ala 2.000 drei (urang raong glang tok abih 300 đồng ka sa drei), daok tapol menuk urang raong eng drei blei vắc xin mai klauk. 

# Yaom padai di bhum taneran kraong Cửu Long đang daok di tanut glaong nan ye ralo urang nong di bal Cần Thơ hadei di tuk yuak bloh padai Đông Xuân ye am cuh mblang hamu, li-ua taneh piah trun pajaih vụ Hè Thu, oh caik hatai tal panuac kakei di dom gah chức năng lac khik tukvak dua vụ atah di gauk takik abih 3 adit. Tui gah ngak nong bal Cần Thơ, bruk ngak ini takik siam laghaih. Tui lịch thời vụ bo Sở Ngak nong saong patagok palei pala bal Cần Thơ payua nao tal dom puk palei, vụ Hè Thu 2016 – 2017 hu trun pajaih jeng dua mbang. Mbang ka sa meng harei 26 tal harei 31/3/2017. Mbang ka 2 meng harei 12 – 18/4/2017.

Khaw tin dunya

# Tổng thống Mỹ Đô-nan Trăm (Donald Trump) pagaiy harei 01/03 – tui tukvak Việt Nam hu kadha ndom puac akaok meti anak Quốc hội, ndom tal rilo bruk đối nội saong đối ngoại di Mỹ. Tui Tổng thống Đô-nan Trăm, bruk lạc quan meda ngak ka urang Mỹ ba dom caong khin hu jeng bruk, tapa nan, peih tabiak sa chương barau ka bruk vĩ đại di taneh ia  Mỹ. Ông Đô-nan Trăm jeng chỉ trích bruk bạo lực sắc tộc rah tabiak di Mỹ tukvak jaik ini .

# Mentri Quốc phòng Hàn Quốc brei thau, quân đội Hàn Quốc saong Mỹ page harei 01/03 hu peih bruk pathram trận haong gauk yaok thun hu angan iew lac “Đại bàng non”, dalam tuk bruk căng thẳng angaok Bán đảo Triều Tiên daok tagok glaong. Hãng thông tấn Yonhap ba khaw tin di Mentri Quốc phòng Hàn Quốc brei thau, ini lac mbang pathram trận tapak ngan haong bruk hu mbaok di dom gah hải quân, lục quân saong không quân, tui kuhria meda tamat dalam puac bilan 4 anak  tal.

# Tân Hoa xã ba panuac khan barau abih di Sở kiểm soát jit ruak  Đài Loan (Trung Quốc) lac, urang njaom kum H7N9 akaok mereip di thun 2017 angaok pulao ini di akaok bilan 2 barau metai di harei 27/2, hadei di 27 harei hu iek ruak. Ini lac urang ka 2 metai dalam abih tih 5 urang njapm H7N9 di Đài Loan dalam dom thun jaik ini, min ini lac urang Đài Loan akaok mereip metai kayua H7N9.