# Pacang caga hoàn lưu ribuk ka 10, page harei 28/12, Jabat Ban tacei pato Trung ương ka bruk pacang caga bala meng langik tasik hu panuac pandar, dom puk palei di bhum Trung saong Nam Trung bộ samar peih ngak dom jalan pacang caga hajan prong kayua áp thấp nhiệt đới saong angin  đông bắc.  Gah biên phòng dom tỉnh tapen tasik meng Quảng Bình tal Kiên Giang pambuak haong puk palei, baoh sang po gilai hu khan brei thau, yaok iek, tacei pato ka jaik 81 ribau gilai, ngan haong 404 ribau urang ngak thau ka jalan nao di ribuk piah caga plaih, nao tabiak truh labik nguy hiểm.

# Meng harei 1/1/2107 tal ini, 17 janih phí meda salih tapa cơ chế yaom kayua karja tabiak yaom. Daok veik meda tui cơ chế yaom di darak pasal. Tui mintri jien padai, dalam abih tih 17 kapul dịch vụ, pandap panda salih tapa cơ chế yaom kayua karja tabiak yaom hu dịch vụ pandar  jalan nao mai dom dự án đầu tư padang ngak jalan nao mai piah ngak mbang; dịch vụ pandar đò, phà; Dịch vụ pandar cảng, sang ga; Dịch vụ di gah chứng khoán…Langiu di nan daok hu dom  dịch vụ jaik taphia saong bhapbini ye khik radaih, pataom pajeng hareik, dịch vụ pandar taneh pablei pandap di darak…

# Thun 2016, pak Việt Nam, Cục Thú y, Mentri Ngak nong saong patagok palei pala hu brei thau ka dom sruh jit ruak cúm menuk ada A(H5N1) saong cúm A(H5N6) pak dom baoh sang. Tukvak puac thun saong mùa lễ hội pandar ralo menuk ada, pandap panda meng menuk ada patagok nan ye  mbuan njauk ruak cúm menuk ada angaok anek manuac, meyah oh pandar dom jalan pacang cakak njaom mbak vi rút meng menuk ada tapa manuac urang. Mentri Y tế brei thau: Piah pacang cakak bruk njaom mbak di vi rút cúm menuk ada tapa manuac urang meng puac thun 2016 saong dalam lễ hội akaok thun 2017, bhap bani juai mbang menuk ada, dom janih pandap hu ngak meng menuk ada ruak, metai, oh thau cambaih asal di nyu; njauk mbang tasak, menyum tasak; rao tangin meng japol dahlau tuk mbang. 

# Urak ini tỉnh Đăk Lăk hu taong abih 184 dom xã, phường, ban sit saong labaih 97% dom sang di palei pala hu pandar menyek negar, duh siam ka bruk pala drak, mbang ngui bhapbini dom bangsa dalam tỉnh. Dalam dom thun tapa, meng rilo phun jien karei di gauk, Công ty Điện lực Đắk Lắk buh tame yaok rabau tỷ đồng apdang ngak barau, ramik pasiam 360 km jalan talei 35 kV, jaik 3.700 km jalan talei 22 kV, labaih 4.600 km jalan talei hạ áp. 

# Thun ini, Kapul urang nong saong Rayo papar binguk Bal raya Hồ Chí Minh jak ba hu 6,3 tỷ đồng meng danak dak "Tết ngak kadha siam" piah daong ka urang nong kan kathaot mbang Tết. Thun ini, danak dak hu peih ngak meng harei 10/11/2016 saong tamat dalam melam 6/1/2017. Tal tukvak ini, danak dak "Tết ngak kadha siam” daok taduan mek hu bruk sangka, daong brei di ralo urang ngak pahla, ralo kapul nyaom dalam saong langiu negar. Bruk mek hu 6,3 tỷ đồng yau kuhria dahlau di danak dak nan meda ngak hu. Ngan haong yaom jien ini, danak dak "Tết ngak kadha siam" thun ini meda alin brei ka urang nong kathaot 1.500 pok pandap Tết, 50 sổ tiết kiệm saong 1.500 pok jien bac Lương Định Của ka anek saih kan kathaot...

# Di ban sit Long Xuyên, tỉnh An Giang, pasak xúc tiến Thương mại saong Đầu tư tỉnh An Giang hu peih nyaom darak pablei salih salam uan thun barau ban sit Long Xuyên - An Giang 2017. Nyaom darak hu mbaok di 126 doanh nghiệp dalam taneh ia gam saong 250 gian pandap hu dom janih pandap ye : kaya nong, ikan dalam ia, kaya nong công nghệ glaong saong pandap mbang menyum chế biến, jamraik, gah jhik pet, takhaok, dép, dom pandap công nghiệp, pablei salih saong dịch vụ. Nyaom darak rah tabiak tal harei 1/1/2017.

#Tỉnh Trà Vinh hu mblang taneh pala la-u dang ka dua dalam negar (hadei di tỉnh Bến Tre), ngan haong jaik 20.000 ha, brei sản lượng jaik 150 triệu baoh sa thun; pataom tame ralo di dom huyện Châu Thành, Tiểu Cần saong Càng Long. Amuk Trần Thị Oanh, Phaok Akaok Dự án patgaok doanh nghiệp sit haong mbiah tỉnh Trà Vinh brei thau, la-u nan lac padap  hu darak pasar  tani tanat, pren meriak gauk khang, hu nguyên liệu pabak brei grap tanat di puk palei. Pandap ini jeng mek veik hu samar phun jien, ba jien mek tame ka urang ngak, abih di nyu lac ngan haong urang kamei, bhap bani bangsa takik.

Khaw tin dunya

# Mintri ngoại giao Nga brei thau, bruk thị thực ka bhapbini Nga saong Nhật Bản hu pambuan  meng harei 1/1/2017 anak tal . Bruk nan hu brei ngak dalam mbang gaok  thượng đỉnh Nga-Nhật harei 15-16/12 barau blaoh. Tui nan, dom jabat lãnh sự taneh ia langiu di Nga hu brei dom janih thị thực du lịch rilo mbang dalam 6 bilan ka bhapbini Nhật Bản, thị thực ka menuac urang rilo mbang tukvak tal sa thun jeng ye thị thực pablei salih rilo mbang saong thị thực nhân đạo tukvak tal 5 thun.

# Harei 27/12, Hãng kapal haok karja di Mêhicô In-tơ-dét hu brei padeih par takik abih 25 mbang par piah pasang iek an toàn ngan haong dom sruh kapar haok kayua Nga ngak. Tui Jabat khik caga urang pandar Mêhicô, dom sruh kapal haok di Hãng kapal haok In-tơ-dét hu pasang iel tui panuac brei thau dahlau di urang jakar Nga. Jaik 650 tuai njauk pambak tal  kayau  dom mbang par njauk brei padeih. Jabat khik caga urang blei pandar Mêhicô sanya lac meda daong ka dom tuai damuai ini par dom mbang par hadei atau ba dom urang ini nao tapa mblang kapan haok karei. Meyah dom jalan ngak ini oh hu siam lagaih, Jabat khik caga urang blei pandar Mêhicô meda bayar veik abih jien blei harak par.

# Sa janih jru barau hu angan Cimaglermi daok hu ngak iek brei mboh lac daong pasiam chức năng tim mạch ka dom urang gaok chứng suy tim. Dalam công trình roh duah vak angaok harak tạp chí di sang bac Đại học Tim mạch Mỹ tabiak harei 26/12, dom urang alamu hu peih bruk phân tích dữ liệu di 40 urang ruak suy tim hu iek ruak meng dom jalan tối ưu dalam takik di abih 3 bilan dahlau di tukvak roh duah. Tapa nan brei mboh duk saong dom urang ruak hu iek ruak meng giả dược, dom urang ruak hu klauk sa liều jru  Cimaglermi hu pasiam bruk bơm darah di tim hadei 90 harei, dalam nan, chức năng ini ngak hu tanut harei glaong abih di harei ka 28./.