Mentri Pato megru birau khan brei thau hu 139 anek saih hu mien pakacah THPT saong hu palih ruah tapak tame đại học, cao đẳng dalam thun ini. Ini lac dom adei hu ieu tame kapol pakacah Olympic dunya saong bhum taneh ngan haong mon Toán, Lý, Hóa, Sinh học và Tin học. Bruk ngak nan di Mentri Pato Megru hu ngak tui adat pakacah tamat pakat bac saong palih ruah đại học, cao đẳng. Dom adei  hu hạnh kiểm siam saong bac megru khá joi tagok  di hoc ky II tal bac 12, daok dalam nyaom điểm glong dalam mbang pakacah anek saih bac naih joi pakat negar. Thun bac dahlau, 140 adei hu palih ruah tapak.

Thun 2024, tỉnh Vĩnh Long daok pilih ruah tame tal 10 THPT meng jalan pilih ruah deih yau dom thun dahlau. Taeng Sang bac THPT Chuyên Nguyễn Bỉnh Khiêm jeng daok peih bruk pilih ruah. Điểm pilih ruah di anek saih lac taong abih điểm hạnh kiểm saong diem bac taa dalam 4 thun bac di pakat THCS parabha veik, gam diem ưu tiên. Piah peih ngak siam bruk pilih ruah, Sở pato magru tỉnh Vĩnh Long ieu kakei dom sang bac mayaih khan danak dak, dom mon bac bắt buộc, tự chọn di pakat THPT daong ka anek saih lagaih dalam bruk kuhria pilihi ruah sang bac piah tut angan pilih ruah tame tal 10.

Thun ini, tỉnh Đồng Tháp hu veik sa janih pandap birau pablei tabiak negar langiu lac akaok caraih -sen. 15 tấn akaok sen hu palei tapa Nhật Bản. kaoh mek hadei di 135 harei pala, hadei tuk ngak hacih, akaok caraih hu kaoh jeng candiah, buh la-ar nhiet do am 25 độ meng kong nghe IQF. Piah hu pablei tapa negar Nhật Bản, caraih pala mek kaok hu dut iek taneh, ia, langik labik pala saong quy trinh ngak tabiak di snag mac. Tui kuhria mboh dahlau, dalam thun ini, Nhật Bản brei pabak veik 8  container akaok sen kuhria tui yaom jien lac labaih 7 tỷ đồng.

Harei Vía Bà Ceik Sam thun 2024, hu peih tabiak meng harei 22/5-3/6; Harei peih pakah hu peih tabiak di maong 7, 20 minit melam 28/5 (lac harei 21/4 saka ia bulan), di phường Núi Sam, TP.Châu Đốc, tỉnh An Giang. Tui ong Trần Quốc Tuấn, Phó Akaok UBND TP.Châu Đốc, harei Vía Bà Ceik Sam thun 2024 pamaong tal bruk patagok kinh te, xa hoi saong tani tanat salamat ka rahra, tuai damuai. Peih ngak dom adat cambat ilamo meng kan, padang labik ilamo, siam gheih, hadah makre. Tapa nan, paglaong bruk pato pakai ilamo meng kan siam gheih, pathau khan, mayaih khan thaot binguk di bhum taneh, anek manuac saong dom yaom glaong ilamo angan je, siam gheih di bhum palei.

Tuk kreh melam 24/5, sa baoh snag glong 5 tal di jalan 119 Trung Kính, phường Trung Hòa, quận Cầu Giấy, Hà Nội hu pui khuah khang, gam haong rilo sap patuh. Baoh snag nan brei menuac pah daok, yaok tal hu dua duk bilik, tal ala pablei salih saong pasiam radaih điện. Mbiah tal mong 1, apui hu padam, tuk camereip mboh hu takik di nyu 14 urang metai. Urak ini gah chưc nang daok samar pasang iek, duah thau, ngak brei cambaic laic.

Dom urang pan akaok negar Hàn Quốc, Trung Quốc saong Nhật Bản meda peih Mbang nyaom pakat glaong di klau gah pak ban ine Seoul di adit anak tal. Ini lac mbang taom gaok pakat glaong camriep di klau taneh ia dalam 4 thun mateh tapa. Mbang nyaom meda ginum biai 6 gah pambuak gauk, dalam nan hu kinh te saong pablei salih, cak rok patagok khang kajap, dom bruk gah y te, ilamo saong kong nghe, khik ramik salamat saong bala praong, talei pambuak gauk di rahra, gam haong nan ba tabiak sa panuac ndem  haong gauk.

Rajaei Trung Quốc birau ini hu ba tabiak rilo jalan ngak piah pachreih patagok veik darak pasar taneh riya, dalam nan hu bruk cakak trun biar abih jien bayar dahlau ka urang blei sang daok, jeng yau ngak iek sarak salaih sang klak mek sang birau. Tui nan, dom urang hu sang klak jao brei sang ka dom kong ty taneh riya, gam bayar jien pabak ginup piah hu dom baoh sang birau. Urak ini, Rajaei Trung Quốc pasang iek bruk blei yaok trieu baoh sang meng dom kong ty taneh riya saong hadei di nan pablei tabaik veik haong yaom lap.

Klau urang negar langiu saong 8 urang ngak ky thuat negar Tanzania metai di melam kabroi (23/5) dalam sa bala patuh di sa sang mac ngak saradang di bhum Morogoro, gah timun negar Tanzania. Bala patuh rahtabiak di bilik khik ramik tacei jalan, lac labik dom urang ky thuat daok ngak iek sa dalam dom jamraik pakhang bahrau khang kajap piah ngak tabiak saradang. Urak ini, kanja Tazania hu ba tabiak harak brei kareik pabah mbang sang mac ngak saradang dalam klau harei piah daong duah urang njauk bala saong pasang iek makna ba tal bala./.