185.700 mbang vaccine 5 dalam 1 brei ka uranaih kayua UNICEF saong WHO daong ka taneh ia Viet Nam drei hu mai tal paje. Dom jru vaccine nan hu daong langyah bruk kurang pabak vaccine nan di Viet Nam. Jru nan lac vaccine DTP-VGB-Hib hu daong samar chip di Mentri Y tế piah pasiam bruk trun takik klauk jru caga ruak saong kurang vaccine 5 dalam 1. Vaccine 5 dalam 1 meda daong uranaih pacang hu dom janih ruak bạch hầu, uốn ván, ho gà, viêm gan B saong Haemophilus Influenzae loại B (Hib). 

Di tuk pahadar 94 thun harei padang Công đoàn Việt Nam (28-7-1929 - 28-7-2023), LĐLĐ tỉnh Tiền Giang, Đồng Nai saong Bà Rịa -Vũng Tàu peih ngak rilo bruk hu makna. LĐLĐ huyện Gò Công, Gò Công Tây caik bảng angan pakat ban sit ka jalan Miễu Bà, angan pakat tỉnh jalan xã Yên Luông. Daok di tỉnh Bà Rịa -Vũng Tàu saong Đồng Nai, công đoàn dom doanh nghiệp pok meyaom anek di urang ngak bac joi, diukrai siam, peih ngak harei pataom “Amaik saong Uranaih”… LĐLĐ 2 tỉnh ini jeng peih Harei pataom pakacah Công đoàn viên chức, haong yaok rabau công chức, viên chức, urang ngak hu mbaok tame pakacah dom janih: cầu lông, bóng bàn, cờ tướng,nduac việt dã, caoh mbanh mini... 

Page ini 28/7, Mban Chỉ huy Pacang caga bala meng langik tasik saong  Duah daong  urang gaok bala huyện Bù Đăng, tỉnh Bình Phước jak ba urang daong bhap bini ramik ngak brei hacih sang daok  hadei mbang hajan khang ia dauk. Melam kabroi 27/7, di huyen Bù Đăng hu hajan khang di ban sit Đức Phong, xã Đoàn Kết saong xã Bình Minh. Hajan khang  ngak dauk labah 60 baoh sang di bhap bini daok tapen craoh ia Đak Woa di ban sit Đức Phong saong xã Đoàn Kết dauk dalam meng 1-2m; dauk 35 ha padai birau tam drak  bilan Hè thu. Bù Đăng samar ja ba bol lin , kong an  hu mbaok brei pamduan ba  bhap bini  tal labik salamat, daong pajeng ba pandap panda hu yaom , tacei ba jalan. Tapa yaok kuhria, ia dauk ngak khat lahik drap ar  bhap bini labaih 600 trieu dong.

Meng thun 2010 tal ini, tỉnh Hậu Giang hu 468 labik glut jaleih takai kraong, atah labaih 10km. Abih di nyu lac meng thun 2015 tal ini, bruk glut jaleih takai kraong biak khang. Piah pacang caga saong pasiam veik bruk glut jaleih takai kraong dalam tukvak anak tal, dom urang ilamu gah kraong ribaong mboh lac, Hậu Giang njauk peih ngak samar drah dom bruk, nan lac ngak kè sinh thái, kè khang kajap, panduan ba ar pacang, patagok sarak daong ka sang rahra saong doanh nghiệp gaok bruk glut jaleih. Tỉnh njauk padang dom labik daok piah ba menuac meng labik glut jaleih tabiak daok di labik salamat, oh padang sang daok, jalan mbak jaik kraong, ribaong hu ia nduac khang

Pambuak tal bruk urang ngak kong mblung khí tuk kuac ala lubang tathuak ia  di jalan pak huyện Bình Chánh, TP.HCM ngak sa urang metai, Sang iek ruak Chợ Rẫy mboh lac, 2 dalam 4 urang ngak kong daok diuk hu nao sang haadei sa harei tame iek ruak. Tui nan, 2 urang hu brei nao sang nan lac sa-ai T.T.B (umo 43 thun) saong  N.K.M (umo 22 thun). Langiu  2 urang ruak angaok nan, hu 2 urang karei  jeng hu ba tame iek ruak di Sang iek ruak Chợ Rẫy, hadei di nan hu taong ruak di Khoa Nội phổi. Hadei di tuk rao hlang phế quản,  mbuan suak yawa saong daok tui iek rauk. Sa dalam 2 urang ruak kan suak yawa trak jang, njauk pataok oxy mask.

Mesup ini (28/7), rabuk Doksuri tuh tame tỉnh Phúc Kiến, gah đông nam Trung Quốc, hu ngin khang saong hajan praong. Ini lac rabuk ka 5 dalam thun ini tuh tame Trung Quốc haong prein ngin khang 180 km sa tuk. Dahlau di nan, rabuk nyu nao tapa Đài Loan, ngak jaleih rilo phun kayau, ngak lahik điện di yaok ratuh sang. Piah caga ia dauk saong jaleih taneh, karja pak nan daok hu panuac ieu dom sang bac saong jabat ngak bruk di labik ini kreik pabah mbang. Rabuk jeng ngak ka labaih 186.000 baoh sang di labik ini lahik điện. Labaih 300 mbang par njauk padeih veik, jalan pasei nao mai di gah meraong saong gah Timur Đài Loan jeng brei padeih.

Tổng thư ký Liên hiệp quốc Antonio Guterres brei panuac ka bruk BĐKH di labik ngak bruk di LHQ di ban  New York, Mỹ birau ini khan lac BĐKH  daok rah tabiak biak trak, birau camereip min blaoh yau nan paje. Ong sahaneng lac,  meda pacang hu  nhiệt độ tagok di dunya 1,5 độ C saong plaik njiak bruk BĐKH rah tabiak jhak abih. Ong Antonio Guterres hu panuac lac yau nan hadei di tuk dom urang ilamu mboh lac klau adit tapa lac tukvak pandiak abih kuhria meng dahlau mai tal ini.

Takik di abih 8 urang metai saong jaik pluh urang njauk rambus hadei di bruk patuh lubang caik ngũ cốc rah tabiak harei 27/7 di sa HTX ngak nong di gah meraong Braxin. Bruk patuh di HTX  C.Vale di ban sit Palotina, atah di pasak Curitiba di bang Parana jaik 600 km. Parana lac sa dalam dom bang hu rilo trang trại di Braxin. Yaok pluh urang njauk tame sang iek ruak hadei di patuh.  7 dalam dom urang metai lac urang ngak negar langiu, rilo meng lac urang Haiti. Lubang patuh nan, hu jaik 12.000 tấn đậu nành saong 40.000 tấn tangei./.