Phó Thủ tướng Rajaei  Phạm Bình Minh bahrau mbaoh tangin tame harak brei angan  20 xã, phường, ban sit di quận Tân Phú song dom huyện Cần Giờ, Nhà Bè, Bình Chánh di ban raya  Hồ Chí Minh lac dom  xã An toàn khu  di Trung ương dalam saman mesruh pacang Mỹ. Dom xã ini hu peih ngak sarak dong brei tui dom adat hukum yau urak ni.

Kapul Urang ngak nong Viet Nam pakat negar pambuak bruk saong tỉnh An Giang birau peih pakak dhu pakacah puac abih Urang ngak nong naih joi pakat negar mbang ka V saong Harei pataom Tam Nông hu mbaok di 20 tỉnh, ban bhum Đông saong Tây Nam bộ. Ong Đỗ Văn Chiến, Bí thư TW Đảng, Akok  Ủy ban Trung ương Mặt trận Negar Việt Nam brei thau: Ini lac dom bruk ngak siam pambuak pagam dom bruk ngak mbang, pablei salih di dom kapol nyaom, menuac urang saong urang ngak nong; padang bruk pambuak gauk ngak saong pablei kaya nong, dom pandap kinh tế praong, dom đặc sản palei di darak pasar dalam saong langiu negar, rik daong jhul pakhang  bruk Jak ba “Urang Viet Nam pandar pandap Viet Nam” kayua UB Trung uong MTTQ Viet Nam peih tabiak.

Harei ni (30/9), Ủy ban Mặt trận negar Việt Nam tỉnh Cà Mau peih tabiak bruk Bilan tabung glong  “kayua urang kan kathaot ” thun 2022. Dahlau di nan, mBan Thường trực Ủy ban Mặt trận negar  Việt Nam tỉnh Cà Mau hu panuac ieu urang jakar, công chức, viên chức, urang ngak dalam tỉnh halan hatain rik dong brei kadung jien “kayua urang kan kathaot” piah dong palagaih ka urang kan kathaot kham merat yam tagok tabiak truh kan kathaot khang kajap. Urak ni, tỉnh Cà Mau dok labaih 16.500 boh sang kan, jiak kankathaot caong hu dong, klah rabha meng bol bhap rahra.

Akok UBND Ban raya HCM birau hu công văn samar chip payua Mentri Ke hoach saong Đầu tư ka bruk pabak phun jien karja tukvak 2021 - 2025 meng phun jien caga dahlau hu tagok di ban raya piah peih ngak danak dak jalan vành đai 3  TP.HCM. Jalan ini atah labaih 76km nao tapa  4 tỉnh, ban Ban raya HCM, Bình Dương, Đồng Nai saong Long An hu QH saong Rajaei brei tapa jalan peih ngak, phun jien buh tame ngak. Danak dak hu 8 binah, yaok tỉnh, ban  peih ngak 2 danak dalam nan hu padang ngak saong peih praong taneh.

Dalam 2 harei tapap, hajan khang gam tui ngin rabuk di dom  quận, huyện di ban Cần Thơ ngak jaleih, par tabung 34 boh sang, dalam nan hu  4 boh sang jaleih abih . Tui kuhria khat lahik drap ar  jiak  660 triệu đồng. Meng di tuk bala meng langik tasik rah tabiak , dom puk palei hu peih bruk rami ramik, nao rivang tangi sua, pachreih ba dom boh sang njauk khut, khat. Meng akaok thun tal ni, Cần Thơ rah tabiak  33 mbang hajan  ribuk ngak brei 14 boh sang jaleih, par tabung  77 boh sang, tui kuhria khat lahik labaih 1,7 tỷ đồng.

Bol bala Hàn Quốc brei thau, Triều Tiên birau cuh sa tên lửa đạn đạo oh thau lac janih hagait tabiak takai tasik gah Timun taneh ia ini. Ini lac mbang ka 3 Triều Tiên cuh tên lửa đạn đạo dalam adit ini. Bruk cuh bahrau abih di Triều Tiên dalam tuk Hàn Quốc saong Mỹ birau tamat blaoh bruk pasram lin tasik pakat glong, di tasik biển Đông, di harei Jip saomng tui kuhria meda peih bruk pasram lin pacang kapal njuk ia haong Nhật Bản harei ini (30/9). Dahlau di nan, harei 28/9, Triều Tiên cuh tên lửa đạn đảo katut panak tabiak tasik biển Đông Hàn Quốc.

  Dalatuk bruk lạm phát ngak ka yaom kaoa pandap pandar tagok glong di abih dalam labaih  30 thun tapa, rilo “gilang pandap mbang ” piah dong yaom saong daong pandap mbang ka dom boh sang kan kandah di  Tây Ban Nha laik tame bruk kurang takik pandap panda, ngak ka rilo urang kan kathaot gaok rilo kan kandah . Gah khik ramik pandap panda hu panuac ieu rajaei padeih kak je ngan song bruk pablei dom janih pandap mbang yaok harei, yau sa jalan dong dom boh sang kathaot njauk kan kandah kayua yaom pandap panda tagok khang.

Ribuk lan ngak brei dauk dalam ia trak abih dalam 500 thun tapa di  bang Florida – Mỹ, ngak tayah dom ban tapen tasik, ngak dauk rilo baoh sang saong labik pablei salih saong pacang dom labik daok di bhap bini di kaoh pulao. Labaih 2 trieu baoh sang saong labik pablei salih lahik điện; ribuk daok ngak khut tayak tatua, jalan mbak, ngak jaleih phun kayau di ralo labik./.

  Urang lang: H.Pha & A.Nghiem - 30/9/2022