Thun 1952, Chu tich HCM vak kada “Tự phê bình và phê bình” haong angan lac C.B. angaok báo “Nhân dân” tabiak harei 14/2/1952. 70 thun tapa bloh, min dom asal hu Wa ndom tal dalam kadha vak jeng daok tamo yaom glaong di nyu. Dalam Di chúc caik veik ka urang urang Đảng, abih bhap bini saong abih urang lin drei dahlau di tuk nao atah, Chủ tịch Hồ Chí Minh jeng hu kakei lac: “Dalam Đảng, peih ngak dân chủ praong dalam, gam gam saong ngak catang bruk eng drei phê bình saong phê bình urang karei, lac jalan siam di abih piah pakhang saong patagok bruk jum pataom, yasa di Đảng”.

Mintri Công Thương bahrau likau Thủ tướng Rajaei pato tacei dom tnh, bal padieh bruk buh jien tame dom danak dak ngak điện hangin, điện ia harei dak hu dalam quy hoạch cak rok patagok điện lực pakat negar hu brei adat ngak min ka oh hu peih ngak kuhria tal harei 26/1/2022, piah cang pasang iek dalam tuk padang ngak, ngak salah bruk Quy hoạch điện VIII tui  pato tacei di Rajaei.

Mesup ini 14-2, labaih 1 triệu anek saih meng mầm non tal tal bac 6 di TP.HCM hu nao bac veik hadei di 9 bilan daok di sang bac online piah pacang, plaih jit COVID-19. Anek saih meng tal 7 tal tac bac 12 di TP.HCM hu nao bac dahlau di nan.Tui Sở Pato Megru TP.HCM, hu labaih 80% amaik ame di anek saih tiểu học saong jaik 70% amaik ame di anek saih  meng 3 - 6 thun tut angan brei ka anek nao bac tapak mbang ini. Daok dom anek saih oh ka nao bac tapak ye daok brei bac meng atah, ngak salah bruk bac da-a tui tacei pato di gru pato.

Tui Sở ngak nong saong patagok palei pala tỉnh Bến Tre, tal urak ini hu 03 huyện tapen tasik lac: Bình Đại, Ba Tri saong Thạnh Phú hu pambuak bruk haong Công ty cổ phần raong glang CP Việt Nam piah daong ka urang taong ikan gah ilamo, pabak pandap panda, pajaih, pandap mbang saong pablei tabiak piah raong hadang công nghệ glaong. Tapa nan, taong abih mblang taneh raong glang ini labaih 2 rabau ha, năng suất tui kuhria lac 60 - 70 tấn/ha, tui kuhria sản lượng mek hu 40 ribau tấn. Yaom lac bahrau raong hadang công nghệ glaong 2 thun min kein laba di bruk raong ini mek hu biak glaong, jaik 90% danao raong hu laba saong mblang taneh danao raong dak harei dak tagok glang.

Ong Nguyễn Đức Bình, Akaok mban khik ramik inem krung ilamu sajarah đền Trần - chùa Tháp brei thau, kayua jit COVID-19 di Nam Định jeg daok srau kadau nan ye thun ini jeng oh ka peih hu Lễ hộiHarei pataom ngak adat đền Trần. Yaom lac yau nan, min piah hadar dhar phor dom patao Trần, di melan 14 bilan 1, dom ong taha praong thun dalam đền jeng peih ngak adat, oh hu mbaok urang jakar ngak praong, oh hu tuai damuai saong menuac gah langiu. Ini lac mbang ka 3 tỉnh Nam Định oh peih ngak adat khai ấn đền Trần.

Tui kuhria, harei ini 14/02, Thủ tướng Đức Ô-láp Xôn (Olaf Scholz) meda hu mbang rivang tal Ki-ép (Kyiv) saong hu mbang taom gaok Tổng thống U-crai-na Vô-lô-đi-mia Giê-len-xky (Volodymyr Zelenskiy), dahlau di tuk tal Mát-xcơ-va (Moscow) 1 harei hadei di nan piah taom gaok Tổng thống Nga Vla-đi-mia Pu-tin. Tui kuhria, ong Ô-láp Xôn meda ieu Nga trun bruk ngak khang piah pacadu bruk daok catang tagok, gam haong nan, duah tabiak jalan khik tani tanat saron mbon ka dom gah. 

Dalam panuac khan angaok blah cá nhân di drei, Akaok Mintri Nội vụ Ba Lan Mariusz Kaminski brei thau, taneh ia ini daok caga dom jalan ngak karei di gauk  meyah Nga taong tame Ukraine. Sa dalam dom bruk nan, lac caga dom jalan ngak pambuak tal bruk rilo menuac nduac mai meng Ukraine. Ba Lan urak ini lac labik daok di 1 tal 2 triệu urang Ukraine, rilo menuac dalam dom urang nan urak ini daok ngak bruk di Ba Lan. Dahlau di nan, tuk puac bilan 1, Thứ trưởng Nội vụ Ba Lan brei thau lac Ba Lan daok caga ka bruk 1 triệu menuac nduac mai meng Ukraine.

Harei ini 14/2 lac Harei Lễ tình nhân. Harei ini hu asal meng jaman La Mã, hu pagam haong Valentine, lac angan di sa urang thánh dalam Kito giáo. Lễ pahadar ini piah ka dom dom urang anit ranam gauk hu peih praong di grauk dunya min oh hu uan rok di taneh ia Saudi Arabia, lac labik njauk pahadar dom harei lễ tui agama Islam saong harei negar di bilan 9 yaok thun. Min, taeng di bruk yaih khan dom pandap panda hu sambo bhong brei thau lac bruk ainit ranam gauk hu brei mboh bruk salih di taneh ia vùng Vịnh ni. Langiu di btuk yaih khan pablei salih dom pandap panda khan aw saong pandap hadaih hu sambo bhong, dom cửa hàng di Saudi Arabia ba tabiak rilo khuyến mại yaom lac oh ndem tal angan di Lễ tình nhân./.

Urang lang : Thu Thảo & M.Phuong - 14/2/2022