Harei 27/2, Mintri Ilamo - Thể thao saong Du lịch, Ban Tuyên giáo Trung ương, Hội đồng Lý luận Trung ương, Học Viện Chính trị Quốc gia Hồ Chí Minh peih Nyaom biai ilamo pakat negar ngan haong kadha "80 thun Đề cương ilamo Việt Nam – peih bruk saong ba prein khang cak rok patagok". Nyaom biai hu 2 mbang: yaom lý luận saong thực tiễn di Đề cương ka ilamo Việt Nam; Ilamo, anek manuac Việt Nam - Nền tảng tinh thần, prein khang piah cak rok patagok taneh ia dalam tukvak bahrau. Đề cương ka ilamo Việt Nam thun 1943 lac cương lĩnh camriep di Đảng ka ilamo, lac gom hadah pamadeih ka dom rai văn sĩ trí thức saong dalam rahra di melam dahlau di Cách mạng Bilan 8.  Rah tapa 8 piluh thun, Đề cương ini brei mboh dom yaom glaong praong, pataom rilo ilamo siam gheih ngan haong thực tiễn padang ngak saong cak rok patagok ilamo, anek manuac di Việt Nam.

 Di tỉnh Cà Mau, Sở Ilamu The thao & Du lịch jeng bahrau peih parang iek thaot binguk, pandap panda, harak gar saong tapuk siphau ngan saong kadha 80 thun tabiak rai “Đề cương ilamu Việt Nam”. Labik parang iek hu rami ngak biak mekre meng rilo tapuk, harak gar ka ilamu Việt Nam jeng yau ilamu di tỉnh Cà Mau. Bruk ini brei mboh jak jeng, dom yaom glaong sajarah, yaom glaong lý luận saong thực tiễn di “Đề cương ka ilamu Việt Nam” thun 1943. Tapa nan, daong paglaong hatai sahneng di bhap bini dalam bruk khik ramik saong patagok dom yaom glaong sajarah saong ilamu di taneh ia, palei negar.

 Piah pachreih tui Bilan dam dara thun 2023 ngan haong kadha “Dam dara ba akaok nao dahlau dalam bruk salih so”, di TP.HCM, Thành đoàn hu peih ngak rilo asal kadha, danak dak, bruk ngak cambaih laih. Thành đoàn TPHCM meda padang ngak “jabat meng kan kapul dam dara Cộng sản Hồ Chí Minh TP.HCM online”; daong 25.000 dam dara, uranaih gaok kan kandah, dam dara, uranaih njauk kan kandah di jit ruak COVID-19, pala bahrau takik di nyu 40.000 phun hijao... Langiu di nan, Thành đoàn daok peih Harei umo ranaih haong bruk salih số, pamaong tal hu 1 triệu dam dara, uranaih hu pambuak saong dom bruk paglaong prein số kayua kapul dam dara, Hội, Đội dom pakat hu peih ngak.

 Di tỉnh Bình Phước daok hu bruk bhap bini ba gauk kaoh klaak phun amriak kalu, cà phê piah pala durian. Kuhria tal puac thun 2022, taneh pala durian hu labaih 4.800 ha, tagok 1.364 ha duk haong thun 2021. Hu taong yaom lac sa dalam dom janih phun pala ba mai kein laba glaong, kayua yau nan ye, rilo rahra daok klaoh klaak phun amriak kalu, phun cà phê piah pala durian. Bahrau ini, Cục Pala drak hu panuac brei thau dahlau lac, meyah taneh pala durian samar tagok rilo, oh tui jalan ba tabiak, ngak brei  baoh durian pablei oh abih, kandaong labaih rilo, tuk nan, urang ngak nong lac menuac njauk khat lahik biak trak.

Yaom li-u di Trà Vinh daok tagok dalam labaih 10 harei jaik di ini. Urak ini, urang blei li-u di bein  yaom meng 30.000 - 35.000 đồng sa pluh (12 baoh), tagok meng 5.000 - 10.000 đồng dut saong dahlau di nan. Yaom li-u thu tagok lac kayua dom labik pala li-u dapl tame tukvak pala ngak. Urak ini, daok lac tukvak bilan thu, bruk caong menyum ia li-u jeng tagok glaong, yaom li-u that urak ini tagok glaong dua mbang dut saong baoh li-u thu nan ye tui kuhria yaom li-u thu meda daok tagok glaong kayua gah pala kurang brei ka gah caong ngak.

Takik di abih 59 urang metai, dalam nan hu 12 uranaih, tuk sruh ghe kayau pajeng urang di cư tal châu Âu paoh tame patau di jaik takai tasik gah meraong negar Italia tuk saboh mesup harei 26/2. Thủ tướng taneh ia ini brei mboh hatai pandiak harak ka bala nan saong khan lac, meda pacang cakak dom bruk di cư suan hukum nan angaok tasik piah patrun bruk metai lahik angaok tasik.

Rahra negar Anh meda dang anak bruk kurang njam patam dalam sa bilan tra. Hu thau, njam njam patam di Anh hu blei tame rilo meng Bắc Phi saong bhum gah Maraong di Châu Âu. Min, jaik di ini, dom bhum ini rilo mbang gaok langik tasik oh siam ba tal patrun năng suất phun pala. Taphia di nan, dom bruk karei yau ye yaom phun jien khak drak tagok glaong, lạm phát saong bruk mesuh di Nga - Ukraine jeng ba tal bruk kurang njam patam. Di rilo siêu thị praong hu tabiak bruk lac tok pablei ka yaok urang blei 3 paok njam lac baoh traong nde, maraik, tamun saong njam diếp.

Peru brei dui atah bruk samar drah ka prein yava ngan haong cúm menuk ada mbiah tal abih thun ini. Bruk ngak di taneh ia ka dom labik khik ramik di Peru brei thau, meng bilan 11/2022, takik di abih 710 drei sư tử tasik saong labaih 63.000 drei cim metai kayua cúm menuk ada. Urang jakar ngak praong di Peru huac lac, virus cúm menuk ada meda njaom mbak tabiak 11 labik hu mboh dom urang njaom ruak. Mintri Y tế Nông nghiệp Peru hu tabiak adat brei am cuh klaak taong abih janih menuk ada cim brim dalam sruh jit ruak hu duah mboh saong lam dalam haluk takik di nyu lac 2 mét./.