Pahadar 76 thun Harei Thuong binh – Liet si (27/7/1947 - 27/7/2023), melam blaoh 26/7, di labik taneh Kubo liệt sĩ Cần Thơ, Cục Chính trị Quan khu 9, Thành đoàn Cần Thơ pambuak bruk peih ngak Adat druac dian pahadar dom Anh hùng, liệt sĩ saong danak dak  nghe thuat  “ Sap iew di taneh ia – Caong khin ba brei tame ngak bruk”. Dam dara  Ban Cần Thơ  hu brei truac  5.200 mbaih dian  di kubo di dalam dom nghia trang liet si di ban. Var ini, Mban peih bruk hu daong jien padang ngak  3 baoh sang, yaok baoh sang  yaom 80 trieu dong; alin 150 paok pandap, yaok paok  meng 1trieu dong tal 1,5 trieu dong ka dom urang dalam sarak karja, anek saih sang kathaot kham merat bac da-a naih joi.

Tui bruk pilih ruah anek saih tame đại học thun 2023, mon 5 biar harei 30/7,  anek saih tamat bruk tut angan, ramik veik, pabak hatai caong pilih ruah ngan saong dom ngành, dom gah atau danak pato pakai.  Urak ini, dom gah xã hội yau di Sang bac Đại học Khoa học Xã hội & Nhân văn TP.HCM, dom gah yau báo chí truyền thông, truyền thông đa phương tiện…jeng daok 60- 70% chỉ tiêu ka jalan pilih ruah iek tui điểm pakacah tamat THPT, dom gah karei daok meng 70 - 90%. Tui dom urang ilamu gah pilih ruah anek saih ye dom gah hu điểm chuẩn thun dahlau meng 26 tagok di khối A00, A01, C00 meda khik tamo atau trun hasit, langiu di gah daok biak "hot".                                                         Enam bilan tapa, gah điều pa-ok blait  pablei tabiak negar langiu jaik 280.000  tấn  asar pa-ok blait yaok janih jien mek tame labaih 1,6 tỷ USD, tagok jaik 9,5% asar pa-ok blait. Yau nan min, yaom asar pa-ok blait pablei tabiak negar langiu  trun 1,73% dut saong tukvak ini thun dahlau. Bruk palei asar tabiak negar langiu tagok min yaom trun dut saong tukvak ini thun dahlau nan kayau langik hajan ralo saong kayua pambu thu, khik piah  hadei paik mek asar oh ka siam. Langiu di nan, kayua suai ba pa-ok tabiak njauk khik piah dalam gilang yau nan ye dom lô pandap pa-uak tathak, moh halak halin palai…Meng ini tal pauc thun, yaom pa-ok blait meda kan tagok gilac veik, kayua pa-ok blaih daok kandong dalam gilang ralo.

UBND TP.HCM bahrau tabiak adat ka bruk khik ramik, pandar meneing mbaok jalan, takai jalan. Adat ini hu ba tabiak pandar meng harei 1/9. Tui nan,  TP ba tabiak bruk pandar tạm thời sa binah mbaok jalan, takai jalan brei hu jabat hu thẩm quyền brei atah atau. Kapul nyaom, menuac urang pandar tạm thời sa binah mbaok jalan, takai jalan brei nộp phí tui adat. Gam haong nan, taduan bruk khik ka siam mekre, salamat jalan mbak nao mai. Rilo bruk oh cang hu harak adat yau ye ngak lakhah, ndam metai... min brei khan ka UBND pakat xã, phường thau piah hu tacei pato, daong brei.

Phaok akok UB bhap  bini tỉnh Đồng Nai birau mbaoh tangin tame harak brei mek veik labaih 5 trieu 400 met vuong taneh  di huyen  Xuân Lộc kayua D.N suai peih ngak danak dak. Cambaic laic taneh labaih 5 trieu 400 met vuong taneh di dom xã Xuân Tâm, Xuân Hưng di danak dak Khu liên hợp công nông nghiệp kayua  Tổng Công ty Công nghiệp Thực phẩm Đồng Nai (Dofico) khik iek, pandar min suai peih ngak, ngak khat lahik di bhum palei. Dahlau di nan, bilan 7 thun 2018, UB bhap bini tỉnh Đồng Nai patabiak harak van ban 6991 ka bruk brei padeih danak dak buh jien tame ngak hạ tầng ky thuat labik 3B, 3C di huyen Xuân Lộc tui Harak chứng nhận buh jien tame ngak hu brei ka Dofico.

Cục Dự trữ Liên bang Mỹ (Fed) bahrau brei tagok yaom jien laba cơ bản 0,25% saong ini lac mbang tagok yaom jien laba ka 11 kuhria meng bilan 3 thun blaoh. Oh daok langiu bruk kuhria mboh dahlau, hadei di 2 harei ginum biai, Fed harei 26/7 brei tagok yaom laba cơ bản rilo jang 0,25% tagok jeng 5,25% tal 5,5%, tanut glaong kuhria abih dalam 22 thun tapa. Ini lac mbang tagok yaom jien laba ka 11 kuhria meng di tuk Fed jhul samar bruk kham merat pacang lạm phát kuhria meng di bilan 3 thun blaoh saong bruk ini rah tabiak 1 bilan hadei di tuk Fed brei padeih tagok yaom laba. Chủ tịch Fed Jerome Powell brei thau: Dom sarak jien padai di Fed piah jhul patagok bruk ngak saong tani tanat yaom kaom ka rahra Mỹ.

Pathau khan di LHQ birau ba tabiak brei mboh lac dom taneh ia di bhum  châu Á-Thái Bình Dương njauk brei pakhang bruk buh jien tame  dom he thong kuhria mboh dahlau bala meng langik tasik saong dom pandap karei karei piah caga bruk khat lahik ralo kayua BĐKH. Labik nan khin hu 145 tỷ dola Mỹ piah padang dom mac jamraih dut  mboh dahlau aval piah takik metai lahik saong khat lahik  kayua ia ribuk sua, megei baoh taneh, pandiak bhang tua riya jeng yau dom bala karei. Harak pathau khan nan brei mboh trí tuệ nhân tạo, vệ tinh, viễn thám saong dom công nghệ karei meda daong kuhria mboh dahlau, aval ka bruk ngak chip saong pabak dom dich vụ karei.

Jalan pachreih glo akaok haong bruk tacei pato di trí tuệ nhân tạo (AI) meda daong pasiam bruk kanal, hadar di dom urang ruak njauk laka sọ não (TBI). Bruk roh duah nan hu khan brei thau di angaok tap chí Brain Stimulation, brei mboh bruk pachreih điện di dom urang ruak njauk TBI hu daong kanal hadar veik meng 19%. Kapul roh duah kayua Giáo sư tâm lý học Michael Jacob Kahana di Đại học Pennsylvania (Mỹ) dang akaok, hu roh duah dom urang ruak TBI hu pagam điện cực saong langyah dữ liệu thần kinh. Kapul jeng hu pandar ilamu ngak toán dalam jamriak piah kuhria mboh dahlau bruk oh kanal hadar di anak meta./.