Dalam dom bruk ngak pahadar 76 thun harei Thương binh - Liệt sĩ 27/7, page ini (17/7),  di labik kakuh pak di Côn Đảo hu peih ngak Adat pahadar dom AHLS, urang lin CM saong bhap bini anit ranam taneh ia var klak rup drei ndih trun ka taneh ia dalam 2 mbang mesruh metak peih paha bangsa. Dalam tuk ngak adat, dom urang jakar hu cuh gilau pahadar dom AHLS, urang lin CM saong bhap bini anit ranam taneh ia var klak rup meng thun 1862 - 1975 di huyen Côn Đảo dalam bruk mesruh metak meblah veik bebat, tự do ka bangsa, taneh ia. Dahlau di nan, dom urang jakar cuh gilau  di dom labik sajarah CM lac labik rah tabiak dom bruk mesruh metak, brei mboh jalan sahaneng anh dũng kiên trung, var klak rup drei di dom AHLS, urang lin cach mang saong bhap bini anit ranam taneh ia.

Mintri Pato Megru meda khan brei thau điểm pakacah tamat THPT 2023 di tuk mon 8 harei 18/7. Anek saih duah thau điểm pakacah di mangaok website di Sở Pato Megru tỉnh, ban labik anek saih tame pakacah tui harak angan di Mintri Pato Megru ba tabiak blaoh. Dalam nan, anek saih  TPHCM maong iek blah web di Sở Pato Megru ban raya HCM di labik : https://tracuudiemthibgd.hcm.edu.vn/. Anek saih nhập số báo danh di drei tame labik nhập số báo danh, hadei di nan meda thau hu cambaih laih điểm pakacah di drei. Anek saih jeng meda duah thau di hệ thống khik ramik mbang pakacah tamat THPT di Mintri Pato Megru di website: http://tracuudiem.thitotnghiepthpt.edu.vn.

Mban Tacei ba peih ngak Danak dak binah ka 2 nan lac danak dak buh jien tame padang ngak jalan ka 3 Ban raya HCM brei thau, dom labik daok brei bayar jien , jhul pasamar peih taneh piah jao brei ka po dau tu. Mbiah tal ini, jalan vành đai 3 hu jaik 92% mbaok taneh. Dalam nan, UBND huyen Hóc Môn hu jao brei 100% mbaok taneh, salah abih bruk jao brei ka po dau tu. Kuhria salah blaoh dahlau harei 31/12, dom bhum palei hu jao brei salah abih mbaok taneh ka po dau tu. Urak ini dom bhum palei daok peih ngak njauk tukvak.

Dalam sa thun tapa, dom gah chức năng di tỉnh Tiền Giang hu pasang iek labaih 600 bruk kuac mek, pajeng ba cuah randaih mala kraong. Tapa nan, langyah labaih 200 bruk ngak suan gam haong 369 urang, haong yaom jien taong phạt abih tih 18 tỷ đồng. Min kayua bruk ngak ini hu laba glaong, nan ye kol mek cuah randaih klaak tapa adat hukum, duah rilo jalan ngak piah dauk gah chức năng.  Piah jhul kadun likuk bruk ini, langiu di patagok bruk pasang iek, langyah catang dom urang ngak suan, UBND tỉnh Tiền Giang jao bruk cambaih laih ka karja dom pakat saong dom gah chức năng, brei hu rilo jalan ngak samu gauk, ngak khang jang piah pacang kol blah mek cuah.

Kayua ribuk ka 1 di dom labik dalam tỉnh Hậu Giang rah tabiak hajan khang hangin gaving ngak jaleih saong par tabung rilo baoh sang. Di huyen Phụng Hiệp, hajan gam hangin ving ngak  jaleih 3 baoh sang saong par tabung 2 baoh sang di  bhap bini. Di ban  Vị Thanh hajan gam hangin ving jeng ngak par 3 tabung sang saong ngak jaleih rilo phun kayau hijao kateih talei điện. Urak ini, karja palei jak ba urang jakar saong radaih daong mikva ramik sang danaok, ramik pandap pandar, samar tati tanat raidiuk.

Karja Mỹ jeng daok huac lac Triều Tiên meda daok ngak sa mbang cuh iek tên lửa đạn đạo xuyên lục địa karei. Cố vấn An ninh Negar Mỹ brei thau, urak ini oh hu hagait brei mboh lac jaik hu sa bruk cuh iek tên lửa, min oh hu hagait tatuak drei meyah Triều Tiên peih ngak sa bruk cuh iek karei pambuak tal tên lửa đạn đạo xuyên lục địa. Dom danak dak tên lửa đạn đạo saong vũ khí hạt nhân di Triều Tiên njauk pakauk meng sarak di Hội đồng Bảo an Liên Hợp Quốc. Dom kham merat ginum biai piah ieu Bình Nhưỡng klaak kho vũ khí hạt nhân urak ini oh ka mek hu hagait.

Kayua hajan praong gam gam dom harei tapa, mbiah tal page ini 17/7, di Hàn Quốc hu 40 urang metai saong 9 urang lahik. Tui  Đài KBS, mbiah tal ini, Hàn Quốc hu labaih  10.000 urang brei panduan ba nao labik karei. Kuhria tal ini, hu 139 baoh sang dauk dalam ia, 52 baoh sang tayak abih tih, 6 sruh gilai taong chap ikan , labiah 60 sruh radaih oto  dauk dalam ia. Hu 628 danak dak yau jalan mbak, ar kraong ribong, danieng pacang glut jaleih njuak ia ba theik atau khut…Anak bruk nan, Phủ Tổng thống Hàn Quốc brei gunum biai piah brei thau caga dahlau labik gaok bala biak trak tal dom labik.

Châu Âu daok hu sa mbang pandiak khang di abih dui atah meng rilo harei tapa. Dalam 2 harei puac adit meng bllaoh di Ý saong Hy Lạp…Hu thau, Hy Lạp, Ý, Tây Ban Nha... nhiệt độ tagok tal 40 độ C. Labik Địa Trung Hải daok bak pandiak. Di Tây Ban Nha, meng pandiak biak khang, sa mbang khuah mbang abih labaih 5.000 ha glai. Dom jabat chức năng hu ba labaih 4.000 urang nao daok di labik karei plaih di pui khuah.  Đức saong Ba Lan jeng hu mbang pandiak khang haong nhiệt độ dom labik meng 36 tal 37°C. Tui kuhria mboh dahlau, mbang pandiak khang daok dui atah mbiah tal takik di abih lac puac adit anak./.