Parang iek mbang ni pataom hu doanh nghiệp hu angan gah kayau song thủ công mỹ nghệ di ban raya

Harei 19/7, Mban tacei jalan Pacang caga bala meng langik tasik saong duah daong urang gaok bala tỉnh Bình Thuận, dalam dom harei tapa, labik tapen tasik di tỉnh hu hangin Tây Nam khang ngak brei riyak tasik tagok glong, ngak glut jaleih trak rilo labik tapen tasik di tỉnh. Di huyen Tuy Phong, riyak praong ngak glut jaleih 400m takai tasik Tân Phú (di ban sit Phan Rí Cửa) ngak brei yaok pluh baoh sang di mikva labik ini mbuan njauk riyak tasik ba theik. Urak ini, dom gah chức năng saong bhap bini dalam palei hu pandar yaok ribau kadung cuah, jameng got, talei…piah padang ar pacang riyak, patrun patakik bruk ia tasik mbang tame.

“Adit parang iek pandap thủ công mỹ nghệ song pandap kayau nội thất thun 2022” kayua pasak Xúc tiến Thương mại song Đầu tư TPHCM peih tabiak meng harei 19 tal 25/7, piah dong ka doanh nghiệp pasiam veik kan kandah hadei di jit Covid-19, tani tanat bruk ngak mbang song duah labik pambuak bruk pablei salih, peih prong darak pasa pablei pandap. Parang iek mbang ni pataom hu labaih 32 doanh nghiệp hu angan gah kayau song thủ công mỹ nghệ di ban raya hu ba mai 1.132 pandap mekre meta , hu ngak meng ilamu glong, pandar pandap bahrau, siam ka alam langik tasik.

150 paok jien bac “Gam haong adei yam tapa kan kandah nao tal sang bac” birau hu alin brei dom anek saih sang kan kandah di Ban raya HCM, kayua Đảng ủy khối cơ sở Mentri Ilamu the thao saong du lịch pambuak haong Sở pato megru TP.HCM peih ngak. 150 adei hu taduan paok jien bac mbang ini lac anek saih bac meng tal 1 tal tal 12 di dom quận huyện saong Ban Thủ Đức, yaok paok 2 trieu đồng.

Tui dom doanh nghiệp pablei salih xăng menyek, tui jalan trun yaom yau urak ni song tal harei 21-7, meyah yaom menyek tamo daok trun yaom, ye yaom xăng menyek dalam taneh ia meda trun khang. Daok meyah yaom xăng menyek dunya tagok gilac veik, yaom xăng dalam negar meda trun takik jang . Jeng tui mintri Công thương, urak ni, labik pabak xăng menyek di darak pasa dalam negar hu biak rilo, bruk blei tame dalam quý 2 ginup tapa quý 3.

Di An Giang, bhap bini urang Cam biak takre caoh mbanh. Kayua yau nan ye, xã Khánh Hòa, huyện Châu Phú (lac xã hu ralo menuac lac urang Cam), karja xã hu khik bruk peih Giải dat blong bangsa Cam meng labaih 15 thun ini mai. Ini lac giải pakacah ndung bak bruk jhum pataom gauk, hu mbaok di rilo kapol dat blong mai meng dom palei Cam dalam tỉnh. Meng hatai biak takre dat blong di bhap bini Cam hu daong ka giải pakacah dak harei dak hu peih praong, siam jang saong dui pachreih hu rilo kapol dat blong meng dom palei karei mai me-in dalam jum pataom, bui sambai.

Harei pataom thể thao châu Á (Asiad) mbang ka 19 tui kuhria hu peih tabiak di Hàng Châu, Trung Quốc hu kandun veik sa thun, dut song kuhria dahlau kayua jit Covid-19 rah tabiak srau kadau di Trung Quốc. Tuk vak peih ngak meng harei 23/9 tal 8/10/2023.  Asiad 2022 lac Harei pataom thể thao châu Á mbang 19 dalam dak rai. Ni lac, bruk hu peih ngak praong oh lah hagait Olympic bilan Hè.

Quốc hội Ukraine harei 19/7 hu mbaoh tangin tame sraak di Tổng thống Volodymyr Zelensky ka bruk brei padeih ngak Yam ndoc An Ninh Nội địa Ivan Bakanov saong Tổng công tố Iryna Venediktova dalam tuk hu rilo urang ngak praong di taneh ia ini njauk cap duas lac bleik mbaoh haong taneh ia. Tổng thống Zelensky iew QH taneh ia ini ngak bruk tuk oh ka tal 48 mon hadei di tuk ong tabiak panuac brei padeih rilo urang ngak praong gah hành pháp, gam brei thau lac gah chức trách daok duah thau 650 urang mboh medil lac bleik mbaoh haong taneh ia.

Urang Jakar Bồ Đào Nha brei thau, negar hu labaih 1 ribau urang metai dalam mbang pandiak bhang trak di châu Âu urak ni. Dalam adit bloh, pandiak di Bồ Đào Nha tuk halei jeng mangaok 40 độ C. Gam song Bồ Đào Nha, rilo taneh ia châu Âu karei yau Anh, Pháp, Tây Ban Nha , Đức …. Jeng dok rah tapa mbang pandiak bhang trak, ngak khuah glai di rilo labik./.

Urang lang: Bhumi & Hani Pha – 20/07