Mesup ini, ong Tô Lâm - akaok negar, hu ngak adat tuyên thệ mala hala dok taneh ia, anak Quốc hội saong bhap bini, cử tri taneh ia. Bruk pilih ruah, pok ong Tô Lâm ngak akaok negar CHXHCN Việt Nam hu dom urang QH brei tapa haong 472/473 urang QH hu mbaok pilih ruah njauk hatai brei tapa. Brei panuac taduan bruk hadei meng adat tuyên thệ, akaok negar Tô Lâm sanya ngak jauk, ngak ginup bruk di akaok negar hu tacei tabiak dalam hukum negar; kham merat ngak siam bruk dalam taneh ia, bruk pambuak talei rohim haong negar langiu, bruk quốc phòng, an ninh di taneh ia. 

Di tuk uan harei Phật đản Phật lịch 2568 - thun 2024, dah page ini, Thủ tướng Rajaei Phạm Minh Chính hu nao tadhau ayuh Urang pan akaok Trung ương Giáo hội Phật giáo Việt Nam saong hu mbaok tame Đại lễ Phật đản haong dom ong bik, tăng ni, phật tử di paha Quán Sứ, Hà Nội. Tapa nan, Thủ tướng caong khin saong jia lac, Giáo hội Phật giáo Việt Nam daok ngak hu rilo jak jeng dalam bruk Phật sự; ngak bruk saong cak rok patagok tui jalan “Kỷ cương - Trách nhiệm - Jumpataom - patagok” bo Nyaom roya Phật giáo pakat negar mbang ka IX hu ba tabiak, pato tacei tăng ni, dom urang tui agama Phật di Phật giáo Việt Nam tui jalan ngak siam bruk “Agama - Bangsa - Chủ nghĩa xã hội”, rik daong rilo jang ka bruk dak padang saong khik iek taneh ia, palei negar.

HĐND tỉnh Bà Rịa - Vũng Tàu mbang VII hu brei tapa dom sarak brei ramik veik bruk đầu tư công thun ini saong bruk đầu tư công vaktu mbiah tukvak 2021-2025 meng jien di kadung jien karja tỉnh. Dalam nan, HĐND tỉnh brei pandar labaih 2.300 tỷ đồng piah pabak phun jien brei ka danak dak ramik ngak jalan Thùy Vân (Bãi Sau, TP. Vũng Tàu) saong danak dak jalan praong Vũng Tàu (jalan pambuak haong jalan nduac samar Biên Hòa - Vũng Tàu). HĐND tỉnh Bà Rịa - Vũng Tàu jeng brei tapa sarak brei rami ramik 800 tỷ đồng piah peih praong, ngak pasiam jalan Hội Bài - Phước Tân (ĐT 992) labik meng jalan roya 51 tal jalan nduac samar Biên Hòa - Vũng Tàu.

Harei pataom baoh kayau Nam bộ thun ini hu peih tabiak meng harei 1/6 tal harei 31/8 anak tal, di Labik Yu lit Ilamo Suối Tiên, ban Thủ Đức, TPHCM. Bruk njauk caik hatai abih di harei pataom lac danak dak “darak pasa baoh kayau angan je” meda pataom yaok ratuh janih baoh kayau akaok bilan di dalam taneh ia. Langiu di nan, darak pasa baoh kayau angan je daok hu dom pandap panda OCOP di rilo bhum palei dalam taneh ia, gam haong dom janih baoh kayau bahrau, ka oh bhian mboh hu pala di Suối Tiên Farm daok tame bilan paik baoh. Di Harei pataom ini jeng hu peih tabiak Harei pakacah ilamo ngak thaot meng baoh kayau, dui pachreih hu rilo urang ngak mai meng TPHCM, Đồng Nai, Bình Dương saong dom tinh, ban jaik taphia tut angan hu mbaok tame.

UBND tỉnh Kon Tum bahrau tabiak harak pok brei angan Palei du lịch bhap bini Đăk Răng, xã Đăk Dục, huyện Ngọc Hồi. Đăk Răng lac palei daok di bhum tapen negar camereip abih di huyện Ngọc Hồi hu pok brei angan lac Palei du lịch bhap bini. Ini lac labik daok di urang Gié-Triêng haong 110 baoh sang saong 348 menuac. Pak ini daok khik hu ilamu gheih mekre karei ka bruk padang ngak di sa palei urang Gié-Triêng, gam haong dom yaom glaong hadah krah ka ilamu meng kan, ngak jeng kadha praong dui pachreih gah du lịch.  

Kanja Tổng thống Mỹ Joe Biden brei pandar 1 trieu thung xang meng labik khik piah, piah patrun yaom xang dalam bilan pandiak ini. Bruk ini hu ba tabiak hadei di tuk Quốc hội ieu kakei pandar saong kareik pabah mbang labik khik piah xang di bhum Đông Bắc. Mỹ bhian pandar labik khik piah xang manyek di thun 2022 hadei di tuk Nga ba tabiak danak dak quân sự đặc biệt di Ukraina. Mỹ urak ini daok hu labik khik piah manyek tamo praong abih di dunya ngan haong 367 triệu thung.

Tập đoàn Hạt nhân negar Trung Quốc (CNNC) tabiak harak brei thau, danak dak điện ia harei praong abih di taneh ia ini hu peih bruk padang ngak meng 19/5 di ban Liên Vân Cảng, tỉnh Giang Tô. Danak dak hu phun jien buh tame ngak abih tih 9 tỉ 880 triệu nhân dân tệ (lac jaik 1 tỉ 400 triệu USD), tui kuhria hu  ba tame jalan điện mbang camereip di bilan 9 tal saong ba abih công suất tame di thun 2025. Dom chuyên gia Trung Quốc mboh lac, prein khang cakrok dom labik ngak điện meng ia harei langiu tasik di taneh ia ini jeng daok biak praong.

Gah Y te Dunya hu panuac brei thau dahlau ka bruk mbuan patagok dom janih ruak njom mbak tapa pandap mbang njam nerak di Kenya kayua bruk sarau kadau di hajan ia sua daok rahtabiak. Hu tal labaih 260 urang metai saong labaih 378.000 urang karei njauk panduan ba nao daok di labik karei kayua hajan ia sua pak Kenya, tuk hajan khang tagok ral 200 mm yaok harei. Mbang sarau kadau kayua hajan ia sua ngak kan kandah tal 41 dalam 47 quận, jaik abih rahra njauk panduan ba nao daok di labik karei saong daok dalam dom labik plaih bala di anak meta./.