Rajaei birau tabiak Sarak Danak dak bruk ngak di Rajaei ka patagok ilamo meng kan, prein khang jum pataom bangsa, padang taneh ia dak harei  dak siam mekre, haniem phol. Sa dalam dom bruk di Danak dak bruk ngak lac dom asar kadha, bruk ngak cambaic laic piah Rajaei saong dom mentri, jabat sumu mentri, jabat di Rajaei, UB bhap bini dom tỉnh, ban di Trung ương pataom tame  tacei pato, peih ngak njauk tui bruk ba tabiak.

Tui Mintri Nội vụ, Mintri Chính trị brei  peih ngak 4 asal kadha ngak pasiam veik jien bilan, nan lac peih ngak paglaong jien bilan cơ sở; njauk gauk dom phun jien piah tani tanat ngak pasiam veik jien bilan saong pato tacei khik ramik jien bilan saong jien mek tame. Dalam nan, meng harei 1/7 anak tal, tanut jien bilan cơ sở meda tagok 30%, meng 1 triệu 800 ribau dong tagok 2 triệu 340 ribau đồng; tmin, ka oh biyah jien bilan tui labik ngak bruk.

Sở Y tế TP.HCM brei thau, meng akaok thun tal ini, dom urang ruak patuk tagok rilo, hu 30 urang ruak. Bruk njauk duh hatai nan lac jaik abih dom uranaih njauk ruak ka oh tal umo klauk jru vacxin atau ka oh hu klauk ginup vaccine pacang caga ruak. Ngan haong bruk patagok dom urang ruak patuk, gah y tế TP.HCM hu paglaong dom bruk pathau khan, pato pakai jalan pacang caga ruak patuk, pathau khan ka harei klauk jru vaccine hu janih pacang caga patuk ka uranaih sit saong urang kumei matain; paglaong bruk klauk jru yaok harei.

Parang iek asal kadha “Hoàng Sa, Trường Sa – tasik, pulao ginreih” urak ini daok hu peih tabiak di Labik inem krung Sang Công quán, huyện Côn Đảo, tỉnh Bà Rịa - Vũng Tàu dui pachreih hu bruk caik hatai di rilo rahra saong tuai damuai. Parang iek mayaih khan jaik 200 thaot binguk, harak gar, bản đồ khik piah quý hiếm, hu pilih ruah meng dom bilik khik piah di Việt Nam saong yaok pataom meng negar langiu. Bruk siam lagaih di harei parang iek ini lac dom kadha di gah Châu bản, Mộc bản zaman patao Nguyễn, hu UNESCO vak angan lac Inem krung Tư liệu Dunya. Parang iek meda rahtabiak tal abih bilan 8 thun ini piah pabak ka manuac sia mai tal rivang iek.

Bruk caga ka mbang pakacah tamat THPT thun ini di tỉnh Tiền Giang hu caga biak tani tanat. Dom sang bac THPT daok pataom prein tame pasram ka anek saih ngan haong hatai caong lac dom adei pakacah mek hu siam lagaih glaong abih. Mbang pakacah tamat THPT thun ini, dalam tỉnh Tiền Giang hu labaih 16.300 anek saih tut angan tame pakacah, di 30 labik pakacah ngan haong 705 bilik pakacah. Urak ini dom sang bac THPT dalam tinh daok samar drah pasram, pasang iek veik dom ilamo di anek saih, peih mbang pasram ka dom anek saih bac mbaih piah mek hu siam mekre di abih dalam mbang pakacah.

Rajaei Israel bahrau brei thau tanut pah urang ngak lac urang negar langiu dalam gah ngak nong meda lac 70.000 urang ka thun 2025, lac tanut glaong abih meng dahlau mai, piah pabak ka bruk kurang urang ngak. Mbang mesuh metak di Dải Gaza ngak ka labaih 10.000 urang ngak negar langiu tabiak truh Israel, gam tui di nan, yaok piluh ribau urang ngak Palestine meng Bờ Tây saong Dải Gaza jeng njauk pakauk tame negar kayua bruk saron mbon, siam makre di taneh ia. Bruk ini nyu jhul gah ngak nong pak Israel laik tame bruk sarau kadau, kurang urang ngak rilo abih meng di tuk kanja Israel hu padang tagok.

Di Mỹ, daok sa adit tra, dua urang ứng cử lac Tổng thống urak ini ong Biden saong Tổng thống dahlau deih ong Trump meda gaok gauk dalam mbang ndem mayai nao mai tapak camriep di truong quay di kênh papar binguk CNN. Tal urak ini, taong abih dua urang nan daok samar drah caga ka dom bruk, meng bruk thei lac urang javap jaloi puac abih tal dom bruk pandar micro. Tui kuhria, asal kadha ndem mayai nao mai meda pataom tame dom bruk pandiak daok hu manuac sia pak Mỹ caik hatai urak ini yau prein khang di gah kinh te, bruk sarau kadhau urang nhập cư saong bruk umo thun di dua ứng cử viên.

Sa sruh gilai du lịch hu daong sraong yaok piluh urang di cu daok di jalan nao tal pulao Canary di Tây Ban Nha, tuk hu sa sruh gilai taong ikan gaok bala ngak ka 5 urang metai. Kaoh pulao Canary pak Tây Ban Nha jeng labik tame Tây Ban Nha di dom urang di cu suan adat hukum meng châu Phi dalam dom thun jaik di ini. Kapul urang khik quyen di cu Walking Borders adit blaoh yaok pataom mboh hu jaik 5.000 urang di cu metai di mangaok jalan nao meng labik jalan ini dalam 5 bilan akaok thun ini./.