Patui danak dak Mbang nyaom ka 7, page ini Quoc hoi yer tangin brei tapa Sarak mbaok tangin van kien tame Hiep dinh pambuak bruk taong abih gah saong Tien bo pambuak Thái Bình Dương di Lien hiep Vương quốc Anh saong Bắc Ai-len; jeng dalam page ini dom urang Quoc hoi ginum biai ka danak dak Hukum Công chứng ( pasiam veik). Jala pandiak ini saong biar harei, Quoc hoi ginum biai karei langyah, ba tabiak asar kadha dalam bruk ngak di Quoc hoi.

Công an TPHCM brei padeih ngak CCCD, định danh điện tử di dalam ban raya HCM meng harei ini 25-6 tal harei 30-6. Bruk padeih ngak thẻ CCCD, định danh điện tử piah caga ka bruk ngak Căn cước brei ka rahra tui Hukum Căn cước thun 2023 hu ba tame pandar meng harei 1-7. Kuhria meng harei 1-7 tal, CA TPHCM brei ngak gilac veik Căn cước, định danh điện tử ka rahra njauk tui adat 

Tui jalan ngak lac “ Oh caik ka anek saih halei klak pakacah kayua gaok kan kandah ka raidiuk jien ndo atau radaih jalan mbak nao mai”, dom jabat chuc nang tinh Cà Mau daok peih ngak dom jalan piah khik brei anek saih hu tame pakacah THPT hu lagaih. Dalam tỉnh hu 350 anek saih  di baoh sang kan kandah hu tame pakacah. Tỉnh hu buh brei 100 trieu đồng jien mbaok piah daong anek saih nan, brei ginup jien nao mai. Langiu di nan, di dom labik pakacah, meda hu 35 Kapol daong prein pakacah, ngan haong labaih 450 urang halan hatian hu mbaok piah daong anek saih. Tui nan, dom urang nan meda ngak bruk daong lisei, ahra bánh mì brei saoh; labik padeih padei, bilik daok oh mek jien  di anek saih saong urang nao tui anek saih.

Sở Ngak nong saong Patagok palei pala Bến Tre bahrau hu Kapul tasik dunya (MSC) brei harak chứng nhận ka bruk raong nghêu Bến Tre. Bến Tre hu mbaok taneh raong nghêu daok kuac mek lac 4.200 ha, nghêu hu chứng nhận MSC yaok thun meng 7.500-8.000 tấn, yaom jien mek tame meng 200-250 tỷ đồng. Bruk chứng nhận veik mbang ka 3 bruk ngak nghêu di tỉnh jeng lac bruk kham merat di dom Hợp tác xã, urang taong ikan dom huyện tapen tasik, lac harak nao jalan brei ka drei nghêu Bến Tre nao tabiak darak pasar dunya 

Rilo bhum palei di tỉnh Bình Phước daok khin blei phun durian pajaih piah pala birau. Yau nan min, dalam dom harei puac bilan 6 takik hu pajaih pablei, durian  pajaih di dom labik palei phun takik. Yaom phun pajaih  jeng tagok meng 10.000 – 30.000 đ sa phun. Dalam tuk nan, mikva urang nong  daok blei pajaih  durian mai pala. Tukvak tapa, So NN & PTNT  tỉnh Bình Phước kakei urang nong juai  mblah gauk pala durien kayua ini lac phun njuak brei thau cambaic ilamu biak glong dalam taong abih  dom bruk. Langiu di nan, durian biak mbuan njom ruak kik, halak bimao tuk langik oh lagaih.  Bruk taong ruak ka phun biak kan saong abih rilo jien.

Gah tui iek bruk langik tasik Trung Quốc hu tabiak panuac brei thau dahlau ka bruk hajan rabuk dalam tuk rilo labik dalam taneh ia tui kuhria mboh lac daok hu hajan khang dalam dom harei tal. Di tỉnh gah kreh Hồ Nam, hajan khang meng puac adit blaoh, haong ia hajan tagok tal labaih 110 mm, ngak brei dauk rilo labik dhaong, ngak kan kandah tal bruk nao mai, ngak mbang ngak huak di bhap bini. Karja tỉnh Hồ Nam hu peih bruk panduan ba dom rahra daok gar veik nao tal labik salamat. Dom tỉnh gah Timur lac Chiết Giang, An Huy saong Giang Tây jeng patagok tanut caga ia dauk ia sua tal pakat  3.

Hãng tin TASS di Nga brei thau, takik abih 8 urang metai kayua apui khuah di biar harei kabroi di sa sang glong 8 tal jaik ban ine Matxcova, dalam nan 2 urang metai kayua chat meng tal glong trun. Urak ini oh ka thau cambaic laic kayua halei ba tal apui khuah. Min jabat khik iek bruk samar chip brei thau ka bruk patuh dalam sang glong rilo tal saong lac kayua binh ga. Labaih 100 urang daong padam apui khuah, daong urang gaok bala saong 40 pandap, gam haong 2 sruh kapal haok  hu ba tame padam apui.

Khối Rubik, sa dalam dom pandap me-in bhian randap abih di dunya haong yaok ratuh triệu pandap hu pablei tabiak di dunya, bahrau yam tapa umo  50 thun. Meng sa pandap pato bac dalam tal bac di Hunggari dalam zaman Chiến tranh Lạnh, khối Rubik hu jeng pandap me-in bhian randap haong yaok triệu menuac angaok dunya. Tui panuac khan di urang ngak tabiak khối Rubik, lac Giáo sư gah kiến trúc urang Hunggari angan Erno Rubik, pandap ma-in ini oh lac daong ka urang ma-in hu bui sambai chreih chrai, bo daok daong paglaong hatai sahneng kuhria, patagok akaok sahneng saong prein langyah dom bruk, dom kadha./.