Rajaei birau pok tagok Quoc hoi pasang iek ramik veik Hukum Taneh riya, Hukum Snag daok, Hukum pablei salih taneh riya hu pandar meng harei 1/8/2024, oh lac harei 1/1/2025. Rajaei mboh lac, bruk brei adat ka Hukum Taneh riya hu ba tame pandar aval jang meda ramik pasiam bruk daok tavak ka yaom taneh, mek veik taneh, bayar jien taneh, daong brei labik daok nan lac bruk kayua urang jakar plaik bruk, huac trach nhiem, oh khin ngak. Bruk nan hu ngak brei hukum, peih taneh, jhul pakhang darak pasar tanrh riya patagok saong jhul samar bruk peih ngak dom danak dak di karja, sang daok xa hoi.

Tui Mintri pato magru, mbang pakacah tamat THPT thun ini hu labaih 66.000 anek saih tut angan oh pakacah môn Ngoại ngữ, tagok jang 20.000 anek saih dut saong thun blaoh. Thun ini, mbang pakacah tamat THPT hu labaih 1 trieu anek saih tut angan tame, tagok jang 45.000 anek saih dut saong thun blaoh. Dalam taneh ia peih 2.323 labik pakacah ngan haong 45.149 bilik pakacah. Mbang pakacah tamat THPT hu peih tabiak dalam dua harei lac 27, 28/6 anak tal. Meng di tuk tamat blaoh mbang pakacah, dom tinh ban peih bruk chấm pakacah meng harei 29/6. Mintri pato magru meda khan brei thau diem pakacah di harei 17/7 saong pasang iek tamat THPT di harei 19/7.

Piah langyah bruk hareik klak tabiak daok kandaong veik bika rilo yaok pluh thun tapa di dom labik pataom hareik di tỉnh Tiền Giang, tỉnh ini birau brei thau angan iew da-a buh jien tame ngak Danak dak Sang mac Paralai hareik Tân Lập 1 ngan haong phun jien buh tame 640 tỷ đồng. Danak dak padang ngak di taneh praong 13,66 ha ngan haong prein ngak bruk labaih 750 tấn hareik dalam sa harei melam. Bruk kham merat di Danak dak lac padang ngak sang mac piah ngak hacih hareik khagn klak tabiak yaok harei saong ngak ralai hareik khang kong nghiep yaok harei meng hữu cơ, tui nan langyah hareik urak di mblnag caik hareik meng kong nghe cuh.

Akaok UBND tỉnh Cà Mau hu brei padang labik khik iek dom janih cim brim saong mbaok mata tasik pakat tinh, ngan haong mblang taneh praong 27.000 ha vil val dom kaoh pulao. Labik khik iek pamaong tal khik ramik dom kaya tasik, abih di nyu nan lac dom janih quý hiếm, hu yaom kinh te. Labik khik ramik jeng daong khik alam moi truong, dom janih hệ sinh thái, mbaok mata bhum taneh cak rok patagok du lịch sinh thái khang kajap, pasiam veik bruk ngak mbang duah jien di rahra daok pak ini, rik tame cak rok patagok kinh te tasik.

Tỉnh Vĩnh Long bahrau tabiak bruk samar drah glut jaleih takai kraong Măng Thít labik palei Gò Ân, xã Tân An Luông, huyện Vũng Liêm. Labik glut jaleih takai kraong Măng Thít atah 265 m, dalam dalam palei Gò Ân, xã Tân An Luông. Labik glut jaleih di tanut kan kandah. Urak ini glut jaleih oh hu thei njauk hagait, min ngak khut sang danaok, kan kandah tal bruk nao mai, ngak mbang di 13 baoh sang, dalam nan hu 2 sang jaleih abih sang tiền chế, paga saong ar pacang atah 40 m. Khat lahik tui kuhria mboh lac 500 triệu đồng.

Kanja negar Ecuador daok kham marat ngak pasiam bruk lahik dien di dalam taneh ia – ngak kan kandah tal 18 trieu rahra negar ini. Pasak pasang iek Năng lượng negar Ecuador brei thau lac, bruk lahik dien di dalam taneh ia lac kayua bala di jalan truyền, ba tal klaih klaoh tui tal. Di bilan 4 bahrau blaoh, Tổng thống negar ini hu tabiak panuac samar drah ka nang luong saong brei thau ka jalan cakak điện. Taneh ia Nam Mỹ ini daok jar var, glaih glar haong langik pandiak ngak kan kandah tal bruk ngak thủy điện.

Urang jakar ngak praong New South Wales, Australia khan lac, hu sa mbang tamuh anek ruak menuk ada độc lực glaong H7N8 di bhum Greater Sydney, hadei di tuk sa trang trại menuk ada di bang ini njauk pacang veik kayua mboh lac njaom kum menuk ada. Anek ruak H7N8 oh dreih yau anek ruak H5N1 daok ngak suh sah dunya saong jeng oh pambuak tal mbang tamuh anek ruak H7N3 saong H7N9 di bang Victoria. Akaok Mintri ngak nong bang này brei thau, ini lac sa bruk njaom mbak karei, meda mai meng dom janih cim glai. 

Hu takik di nyu 12 urang metai saong jaik 60 urang karei njauk tame sang iek ruak dalam harei kabroi kayua manyum gaok alak ja di bang Tamil Nadu, gah maraong negar Ấn Độ. Jaik abih dom urang njauk bala hu brei thau lac dom urang ngak, sang kan kathaot. Njauk jru mek alak rahtabiak dalam tuk alak ja hu pablei biak rilo di Tamil Nadu. Dom kapul y te hu samar drah nao tal dom labik rahtabiak labik njauk jru mek alak piah taong ruak siam jang ka dom urang njauk jru mek kayua manyum alak ja.