Pasang iek mblang taneh labik padang ngak danak dak, Thu tuong Phạm Minh Chính ndom lac ini jalan praong, hu makna dalam suai lavik, pambuak bhum Tay Nguyen, Dong Nam Bo, mblang kapal haok Long Thành saong daom jalan peih drah samar, pabah lamnge tasik…Thu tuong caong khin 2 tỉnh Bình Dương, Bình Phước pambuak bruk khang kajap, daong ka gauk piah jhul pasamar bruk peih ngak danak dak, dalam nan hu jalan tapa tỉnh Bình Phước hu 7km tui jalan ngak meng kadung jien Karja njauk samar peih ngak saong ngak salah dalam samar drah.

Tỉnh Trà Vinh urak ini hu labaih 44.000 urang dalam Kapul Liên hiệp dam dara Việt Nam; dalam nan hu labaih 13.000 urang bangsa Khmer. Piah daong ka dam dara Khmer hu jalan patagok bruk ngak mbang, nhiệm kỳ blaoh, Kapul Liên hiệp dam dara haong Tỉnh Đoàn pambuak bruk haong Gilang pariak sarak karja peih phun jien brei ka 177 dam dara urang đoàn mesraiy abih tih labaih 7 tỉ đồng; daong 143 dam dara cakrok bruk ngak mbang. Tapa nan, daong ba bruk ngak, palagaih ka dam dara bangsa Khmer yam tagok tabiak truh kan kathaot, tani tanat raidiuk.

Mban Bangsa tỉnh An Giang pambuak haong phuong Mỹ Long, ban Long Xuyên birau peih bruk alin brei pandap ka bhap bini bangsa Cam dalam tỉnh. Ong Nguyễn Phú, Akok Mban Bangsa tỉnh An Giang khan lac: Danak dak  nan yau brei mboh bruk sangka di dom pakat, dom gah ngan haong bol bhap bangsa takik, abih di nyu lac dom urang mbuan gaok kan kandah, rik tame ngak brei khang kajap, pakhang prein yawa di Bruk jum pataom taong abih bnagsa; tui nan, salam uan Nyaom roya dom bangsa takik tỉnh An Giang  mbang IV, thun 2024. Danak dak hu alin brei 15 paok pandap ka urang bangsa Cam, dalam nan hu brah, mì, dom pandap karei karei…kayua Mban Bangsa tỉnh daong brei.  

Huyện Cát Tiên, tỉnh Lâm Đồng daok peih ngak danak dak bruk ngak negar tukvak 2019 – 2024. Huyện pataom tame padang ngak 28 danak dak jalan mbak, daong dom sang bhap bini DTTS ngak sang saong ramik veik pasiam 185 baoh sang, peih ngak dom danak dak daong sang daok, taneh daok, ia pandar…., peih 42 tal pato bruk ngak ka urang ngak palei pala saong ba bruk ngak brei ka labaih 2.700 urang ngak. Tal urak ini, dom sang DTTS kan kathaot dalam huyện Cát Tiên trun daok 2,94% saong baoh sang jaik kathaot daok 3,64%.

Tỉnh ủy Đồng Nai birau hu tacei pato pambuak tal biệt thự “ sang lau ong Phủ” daok dalam quy hoạch Danak dak jalan saong ar pacang kraong Đồng Nai. Tui nan, Tỉnh ủy Đồng Nai hu jao brei Mban Cán sự Đảng UBND tỉnh tacei ba dom jabat pambuak tal brei khik ramik, patagok dom ilamo, sajarah dakrai, kien truc di baoh biệt thự. Tui nan, hu jalan peih ngak Danak dak ar pacang saong jalan tapen kraong Đồng Nai tui njauk bruk ba tabiak, khik brei njauk tui hukum karja. Danak dak ar pacang saong jalan tapen kraong Đồng Nai atah 5,2 km, kuhria abih tih jien buh tame ngak jaik 2.000 tỷ đồng.

Japon daok gaok kan kandah haong bruk kurang brah mbang dalam dom bilan jaik ini kayua langik oh siam, saong dom tuai mai rilo, dom sarak brei takik ngak pambuak tal bruk ngak padai di taneh ia ini. Dalam luac bilan  Hè meng blaoh, Japon kurang brah biak rilo tuk dom siêu thị oh hu brah pablei. Đài NHK ndom lac, sa binah di bruk kurang brah lac kayua tuai yu lit tagok glaong ba tui bruk pandar brah tgaok tui piah ngak dom pandap mbang. Taphia nan, bhap bini Japon jeng patagok bruk khik piah brah mbang anak dom bala meng langik tasik.

Tui kuhria mboh di Kapol dom taneh ia pablei menyek tabiak negar langiu (OPEC), bruk pandar menyek di Ấn Độ, lac taneh ia blei menyek dang ka 3 di dunya, meda tagok labaih 8 trieu thung yaok harei meng 5,3 trieu thùng sa harei di thun 2023 tagok tal 13,3 trieu thung sa harei di thun 2050.  Harak pathau khan bruk pandar menyek di dunya tal thun 2050 di OPEC kuhria mboh dahlau lac  jalan radaih lac gahk pandar rilo menyek, labik kuhria mboh meblah meteh bruk patagok di taong abih gah. OPEC mboh lac, yaom lac bhap bini  Ấn Độ sumu Trung Quốc, min bruk pandar menyek urak ini di taneh ia ini tok sumu sa dalam klau binah dut haong Trung Quốc.

Dom phi hành gia châu Âu daok tame pasram ka dom bruk ngak di angaok Ia bulan di labik hu padang ngak dreih yau LUNA daok di Cologne, negar Đức. Ini lac dom bruk kuhria caga praong di châu Âu piah ba menuac tagok ia bulan di thun 2030. LUNA hu Jabat vũ trụ châu Âu saong Jabat hàng không vũ trụ Đức dang ngak, duh ka rilo bruk yau ye ngak iek kapal thám hiểm saong pasram nao takai angaok Ia bulan. Danak dak ini piah padang bruk hu mbaok suai lavik camereip abih angaok Ia bulan, tui kuhria, hu ba urang kumei saong urang kalik sambo camereip abih tagok Ia bulan./.