Tỉnh hu jao brei Mban bangsa dang tabiak ngak, pambuak haong dom sở, mban, gah hu pambuak tal saong UB bhap bini dom huyện, ban padang ngak, peih ngak tui bruk ba tabiak, rivang  dom baoh sang sarak karja, urang taha hu ngak bruk cách mạng, baha Phật giáo Nam tông Khmer hu angan. Sở Ilamo, The thao saong Dulich tacei brei tabiak nội san sap Khmer, peih ngak dom bruk ilamo lagaih haong raidiuk. Dom tapon pan phao kraong di tỉnh hu jalan khik kajap salamad chinh tri, siam mekre xa hoi, khik brei tani tanat jaln mbak dalam tuk peih ngak Sene Đôlta thun ini.

Ngan haong urang Khmer, phleing ngũ âm hu labik dang praong dalam raidiuk. Phleing ngũ âm hu 5 janih alat ragam lac bộ ban, bộ kayau, bộ kalik, bộ phách, bộ hơi lai srau tame gauk. Dom janih ngak jeng dom alat ragam ini meda hu mboh di dom phleing karei di rilo bangsa karei, min bruk gheih mekre di phleing ngũ âm Khmer lac pambuak haong rilo janih sap yava karei saong hu rilo bruk salih karei. Meda lac jaik abih dom baha di urang Khmer jeng hu kapul me-in phleing ngũ âm di drei piah duh ka dom rija roya. Ini lac labik khik ramik saong patoa veik ka dom rai hadei tapa dom bruk ngak agama di baha Khmer.

HĐ bhap bini tỉnh Cà Mau mbaoh tangin brei ngak bruk “Patagok pato bruk ngak tal thun 2030 pamong tal thun 2045”. Tui nan, tỉnh Cà Mau brei buh jien tame labaih 565 tỷ đồng piah pato pakai, pabak ilamu ngak bruk yaok thun  lac 28.000 urang, dalam nan, pato bruk ngak ilamo sơ cấp tagok hu 12.000 urang. Kham merat pachreih hu meng 40 tal 45% anek saih bac tamat THCS saong THPT tame bruk pato pakai bruk ngak; anek saih, sinh vien kumei hu labaih 30%. Tỉnh Cà Mau kham merat, tal thun 2045 gah pato megru  bruk ngak pabak hu manuac hu ilmao naih joi,  sumu ilamo dom taneh ia dalam khoi ASEAN.

UBND xã Đạ Tồn, huyện Đạ Huoai, tỉnh Lâm Đồng pambuak haong gah daong, bahrau peih bruk jao sang anit ranam brei ka 3 sang kathaot dalam xã. Jien padang ngak sang anit ranam kayua Công ty VITRAC Lâm Đồng (daok di huyện Đạ Tẻh) daong brei. Tui nan, 3 sang hu daong jien ngak sang lac sang kathaot, kurang taneh pala nan ye nao ngak mbang pah duah jien ka raidiuk, lac: sang ong Trần Văn Ban (umo 62 thun), sang ong Huỳnh Ngọc Vóc (umo 42 thun) saong sang ong Nguyễn Bảy (umo 47 thun). Taong abih 3 baoh sang nan jeng oh hu jien padang ngak sang bahrau.

Di huyen Tuy Phong, Bộ Tư lệnh Bhum Cảnh sát tasik 3 pambuak haong tỉnh Bình Thuận peih dhi chung ket bruk pakacah “Adei ranam tasik, kaoh pulao palei negar thun 2024”. Mbang pakacah  hu mbaok di 100 anek saih naih joi mai meng 14 sang bac THCS dalam tỉnh. Anek saih hu pakacah dom kadha: Tabiak tasik, Tapa riyak, Pataok tame ar, Padang Got ngak po; anek saih javap calei kadha trac nghiem ka kaoh pulao tasik Việt Nam…Tapa pakcah, adei Huỳnh Lê Hiếu Trân, Sang bac THCS Võ Thị Sáu mek hu giải Nhất mbang pakacah. Tapa nan,  Bộ Tư lệnh Vùng Cảnh tasik 3 hu alin 60 paok jien bac saong 15 sruh radaih juak ka dom adei hu raidiuk kan kandah.

 Tal bilan 9 yaok thun, bhap bini ban Barcelona, Tây Ban Nha haong tuai damuai hu ba drei tame harei pataom La Merce – harei pataom jalan phố praong abih dalam thun di ban ini. La Merce, daok ieu lac Harei pataom “dak tháp menuac” hu meng abap 18. Harei pataom mbang camereip hu peih ngak piah pok meyaom thánh pacang khik ban hu prein praong dalam bruk khik pacang bhap bini yam tapa jit praong di Châu Âu di abap 17. Langiu di bruk dak tháp menuac biak gheih, di Harei pataom, tuai daok hu maong iek menuac sia Barcelona cuk ngui ngak jeng jin saong nao vil val ban.

 Thái Lan daok jeng sa dalam dom pasak điện ảnh di dunya hu rilo prein khang dui pachreih dom urang ngak phim dunya. Taphia dom kein lagaih ka langik tasik gheih mekre, Thái Lan jeng daok dang anak oh takik kan kandah angaok jalan  ba  kong nghiep dien anh di paleitaneh baha ameh tagok samu pakat dunya. Piah jhul tagok gah kong nghiep điện ảnh, Thái Lan ba tabiak hatai sahneng ngak ka Pattaya, ban danei angan chreih chrai di melam, hu jeng ban điện ảnh  saong lac pasak hadah karah di điện ảnh dunya.

 Sa dalam takik thẻ Pokémon takik mboh saong hu urang duah rilo abih di mangaok dunya hu laik tame tangin po bahrau hadei di mek hu yaom 360.000 USD di sa mbang pablei to yaom di Sotheby's daok di New York, Mỹ bahrau ini. Blah thẻ Pokemon ini hu ngak thun 1998, in rup thaot Pikachu dane angan di thương hiệu Pokémon saong lac blah duy nhất hu chữ ký di Takumi Akabane – sa dalam 3 urang padang tabiak bruk me-ini thẻ bài Pokémon. Urak ini, angan di menuac pablei saong urang blei jeng daok hu khik kandauk./.