Kapol urang jakar ngak bruk di Tỉnh ủy, Hoi dong bhap bini, UB bhap bini, UB Mat tran negar  Việt Nam tỉnh An Giang kayua ong Hồ Văn Mừng, Ủy viên pabak tame di Trung ương Đảng, Pho Bi thu Tỉnh ủy, Akok UB bhap bini tỉnh An Giang ba kaok Kapol mai rivang, alin pandap, tadhau ayuh  Sene Dolta thun ini di bol bhap bangsa Khmer dalam huyen Tri Tôn.  Ông Hồ Văn Mừng brei thau, tukvak tapa, yaom lac gaok rilo kan kandah, min hu bruk jum pataom, kham merat  di abih he thong chinh tri, bhap bini saong dom doanh nghiep, kinh te -xa hoi  tỉnh An Giang patui bruk cakrok patagok, raidiuk jeng yau jalan sahaneng di bhap bini, dalam nan hu bol bhap bangsa Khmer dak harei dak patagok. Tỉnh An Giang urak ini hu labaih 93.000 bol bhap bangsa Khmer.

Mban peih ngak Nyaom roya dom DTTS tỉnh Bà Rịa - Vũng Tàu mbang ka IV, thun 2024 brei thau: Nyaom roya hu peih tabiak di harei 3/10 tal di Pasak Nyaom biai tỉnh haong 245 urang hu pilih ruah meng nyaom roya, nyaom biai dom huyện, ban saong dom sở, ban, ngành.

 Daok Nyaom roya dom DTTS tỉnh Bình Phước mbang ka IV thun 2024 hu peih ngak dalam  2 harei lac 14 - 15/11 hu mbaok 250 urang. Nyaom roya lac bruk ngak hu makna praong dalam gah chính trị, xã hội, brei mboh bruk rik daong di bhap bini dom DTTS tỉnh Bình Phước dalam tuk dak padang, patagok kinh tế, ilamu, khik kajap quốc phòng an ninh di palei.

Tỉnh Kon Tum urak ini hu 498 puk, palei bhap bini bangsa takik. Thun ini, dalam tỉnh hu 620 Urang hu ngan je hu palih ruah, pok ngan. Dom urang Urang hu ngan je dakam tỉnh hu brei patagok bruk ngak di drei anak bhap bini, tuk halei jeng nao dahlau, ngak dahlau dalam bruk peih ngak dom jalan tacei ba di Đảng, sarak hukum di  Karja. Tui nan, pathau khan, jak ba  bhap bini thau cambaic laic Hukum Lakhah caga saong baoh sang, kham merat oh luai ka anek bhik di drei lakhah tuk oh ka tal thun tok diuk tok pasang saong oh lakhah dalam bruk pajaih. 

 Harei pataom sap daoh miền Đông mbang ka XXI thun 2024 ngan saong kadha "Hatai caong tanyak hadah miền Đông" tui kuhria hu peih tabiak meng harei 21 tal harei 24/10 di ban Phan Thiết, tỉnh Bình Thuận. Harei pataom lac bruk ilamu nghệ thuật praong di bhum Đông Nam Bộ, gam piah salam uan pahadar 29 thun Harei Du lịch Bình Thuận (24/10/1995 - 24/10/2024). Tapa Harei pataom piah yaih khan dom janih ilamu, nghệ thuật hadah krah pambuak haong raidiuk, bruk ngak mbang ngak huak di bhap bini dom bangsa daok di bhum Đông Nam Bộ saong di tỉnh Bình Thuận.

 Peih bruk cakak riyak jit vụ 2G tagok 4G, Viettel Telecom daok peih ngak daong ka phone pandar 4G ka tuai damuai kan pandar di tỉnh Trà Vinh. Tapa pasang iek, dalam tỉnh hu labaih 90.000 tuai damuai hu pandar phone 2G njauk pasiam samar jang, dalam nan hu labaih 7.000 urang hu raidiuk kan kandah khin daong. Anak meta, Viettel Trà Vinh daong labaih 2.000 baoh phone ka dom urang nan. Piah taduan hu phone 4G oh abih jien, tuai damuai hu ginup bruk ba tabiak ba tui Harak Chứng minh thư atau Căn cước công dân daok tukvak pandar gam harak baoh sang kathaot, jaik kathaot tal cửa hàng Viettel jaik abih piah hu daong.

 Rajaei Prang bahrau ini hu ba tabiak sa jalan ngak yaom 120 triệu Euro piah klaak 30.000 ha bein nho di taneh ia ini piah pacang bruk ngak alak vang daok laik trun. Tui nan, yaok po bein nho hu bayar tal 4.000 Euro/ha bein nho kaok klaak. Dom menuac taduan ngak bruk ini oh brei pala veik nho di mangaok taneh nan takik di abih lac mbiah tal thun 2029. Gah ngak alak vang di Prang daok gaok kan kandah kayua bruk pablei trun 10% duk haong dahlau daih. Prang lac taneh ia pablei alak vang tabiak negar langiu praong abih di dunya..

 Yaok pluh kapol daoh kapulan Mariachi mai meng rilo bhum palei di grauk taneh ia Mexico daok pataom gauk di pasak ban piah hu mbaok tame bruk pakacah hu peih ngak meng kan mai. Mariachi lac sa janih alat ragam rah tabiak di jalan pho hu tabiak mbaok meng abap 19 di gah meraong negar Mexico. Tui tukvak alat ragam nan hu salih karei. Dahlau di ini, dom ban nhạc Mariachi bhian peih ngak di dom ndam lakhah, roya, le hoi. Harei ini,  ragam Mariachi hu mbaok di taong abih dom le hoi di Mexico. Thun 2011, UNESCO hu ba alat ragam Mariachi tame sarak Drap ar ilamo oh mboh di meta angaok dunya ini.

 Umo bahrau 3 thun, “họa sĩ sit” urang Đức angan Laurent Schwarz bahrau peih parang iek rup cih di drei camereip abih di ban palei drei, lac Neubeuern. Oh lac hu parang iek, dom blah rup cih di anek naih họa sĩ ini hu pablei to yaom tagok tal yaok ratuh rabau đôla. Laurent daok jeng sa angan je praong gah hội họa, haong yaom ka dom mbang to yaom dom blah rup cih  acrylic meng 10.000 tal 270.000 Euro. Laurent tame bruk cih rup cih nghệ thuật atah di ini sa thun. Meng nan, yaok adit, Laurent cih hu sa blah./.