Di palei Ilamu - Du lịch dom bangsa Việt Nam (Hà Nội), akaok negar Nguyễn Xuân Phúc mai hu mbaok di Harei pataom “Thun bahrau angaok taneh ia” saong peih bruk Tết pala phun miat miat hadar dhar phor Wa Hồ thun 2022 di harei 12/2 meng blaoh. Gam hu mbaok, daok hu dom urang pan akaok dom mintri, dom gah di Trung ương, TP. Hà Nội, dom tỉnh, ban saong 200 urang di 22 bangsa daok di 15 tỉnh, lambaok ka dom bangsa, dom bhum palei. Brei panuac di harei pataom nan, Akaok negar ndom lac, taong abih kol drei yaom lac daok di bhum taneran atau bhum ceik, bhum tapen negar atau pulao tasik, daok dalam taneh ia atau daok di negar langiu, yaom lac karei gauk gah agama, jeng sa hatai pamaong mai halau gha, taneh ia, palei negar, ba gauk hadar harei pacit da-a Po Hùng 10 bingun bilan 3 saka ia bulan. Ilamu hadah krah di bangsa Việt Nam hu meng 54 bangsa adei sa-ai jum pataom gauk, kak kajap haong gauk.

Harei 13/2, Phó Thủ tướng Lê Văn Thành hu mbaoh tangin tame Sarak ka 192/QĐ-TTg brei padang Hội đồng taong yaom kanja piah taong yaom ramik ngak pasiam Pathau khan roh meda ngak hu Danak dak pataom mek taneh, biyar jien, daong brei, tái định cư mblang kapar ahaoh dunya Long Thành. Akaok mintri Kế hoạch saong Đầu tư lac akaok Hội đồng. Phó akaok Hội đồng lac Thứ trưởng Mintri Kế hoạch saong Đầu tư;  UBND tỉnh Đồng Nai hu brei bruk pabak ginup harak gar pambuak tal bruk bruk taong yaom ramik ngak pasiam pathau khan roh duah meda ngak hu di danak dak.

Urang pan akaok Cục Hàng không Việt Nam brei thau, meng harei 15/2, Việt Nam oh patrun patakik dom mbang par dunya pajeng tuai damuai. Tui Cục Hàng không Việt Nam, tal tukvak ini, langiu di Trung Quốc, taong abih dom taneh ia bo Việt Nam hu panuac ieu peih veik jalan kapal haoh jeng njauk hatai pachreih tui. Urak ini, dom jalan par tal châu Âu, Australia, Mỹ… Việt Nam jeng hu kapal haoh daok par. Min dom taneh ia Japon, Hàn Quốc urak ini jeng daok brei takik menuac tame negar angaok dom sruh kapal haoh par meng Việt Nam mai piah pacang caga jit.

  Anak bruk dom urang njom ruak COVID-19 daok taong ruak di dom sang iek ruak dalam ban raya HCM  trun ala 1.000 urang sa harei, dom urang ruak trak saong metai jeng gam gam trun bier, Sở Y tế TP.HCM hu pathau tagok UBND ban raya jalan rami ramik viek bruk ngak di dom sang iek ruak taduan urang ruak tame taong ruak COVID-19 di dalam ban raya. Tui nan, brei padieh ngak pasak hồi sức COVID-19 piah caga ba Sang iek ruak Ung bướu labik ka 2 tame ngak bruk. Gam haong nan brei padieh ngak bruk sang iek ruak dã chiến COVID-19 ka 6, 8 saong 12; brei khik veik dom sang iek ruak dã chiến saong dom labik taduan urang ruak tame taong ruak COVID-19 di quận, huyện saong ban Thủ Đức; Dom sang iek ruak daok salih bruk ngak atau pacang jeng dua bruk taong ruak di ban raya brei ngak veik bruk iek ruak yau dahlau daih saong padang khoa/ kapul COVID-19.

Harei Lễ Tình nhân 14/2 năm nay, darak pasar pandap alin hu taong yaom lac chreih chrai jang thun dahlau. Pandap pablei takik nan ye yaom bingu di TP.HCM nyu tagok khang, dalam nan hu bingu hoa hồng tagok jang meng 4 tal 7 mbang duk haong harei karei saong tagok jang 2 - 3 mbang duk haong harei Lễ Tình nhân thun bloh. Langiu di hoa hồng, rilo labik pablei baoh kayau di TP.HCM jeng ngak mbang hu di tuk ini, abih di nyu lac baoh kayau blei meng negar langiu tame. Rilo labik me-in sambai brei peih pabah mbang rilo mon jang, saong brei trun yaom atau oh mek jien tame pabah mbang tuk Lễ  Tình nhân.

Yaom manyek di châu Á harei 14/2 tagok tal tanut glaong di abih dalam labaih 7 thun, kayua huac lac Nga taong tame Ukraine meda ba tal dom bruk taong phat di Mỹ saong châu Âu, meng nan ngak klaih klaoh bruk pablei menyek tabiak negar langiu di taneh ia ngak manyek praong abih di dunya, tuk darak pasa njauk ngak catang tagok. Tui kuhria mboh di gah Mỹ di harei kabroi, Nga meda taong tame Ukraine tuk halei jeng hu saong ba tabiak sa makna ngak tatuak drei ka bruk taong tame ini. Dom urang langyah ndom lac, mayah masuh metak patuh tabiak, yaom manyek Brent meda mbuan yam tapa tanut 100 USD sa thung. Yaom manyek jeng daok srau kadau anak dom khau tin bahrau ka bruk Ukraine.

Karja Đặc khu Hành chính Hồng Công (Trung Quốc) bahrau tabiak harak brei thau, meng harei 15/2 brei patrun umo thun hu klauk vắc xin Covid-19 di Sinovac trun daok 3 thun, hadei di tuk labik ini hu 1 uranaih umo 4 thun ruak metai tapa dut iek mboh lac dương tính haong SARS-CoV-2. Urak ini vaccine của Sinovac hu pandar ka uraniah umo meng 5 thun tagok, dalam tuk vaccine di Pfizer jeng hu pabak ka uraniah umo meng 5 tal 11 thun meng harei 16/2 di Hong Kong.

Di labik binek Lơ-cát (Leucate), di gah maraong negar France, sa urang nong raong hàu hu angan ieu lac Christophe Guinot hu ngak tabiak drei hàu jeng hình baoh hatai biak karei karei piah pablei ka dom nhà hàng di pak nan dalam harei lễ tình nhân. Yaom lac oh khan brei thau ilamu saong jalan ngak piah ngak jeng hình baoh hatai ka anek hàu, min ong Christophe Guinot brei thau: “dom anek hàu ni tok hu pablei di dalam harei lễ tình nhân, piah pamere ka harei lễ tình nhân saong tok hu pablei di dom nhà hàng karei di pak ini”./.

Urang lang: T.Thảo & M.P – 14/2/2022