Ngak bruk haong kapul ngak bruk kayua Akaok Quốc hội Vương Đình Huệ ba akaok, harei kabroi (26-3), urang par akaok UBND tỉnh Bình Thuận hu pok panuac likau trung ương samar pasang iek bruk paduan nao daok di labik karei dom rahra njauk kan kandah kayua mun thur, sap danei meng Sang mac nhiệt điện Vĩnh Tân. Tui tỉnh Bình Thuận, Pasak nhiệt điện Vĩnh Tân quy hoạch hu 5 sang mac nhiệt điện dang, rik tame dom bruk ngak hu makna praong tame kadung jien  karja tỉnh. Min, labik di Pasak nhiệt điện Vĩnh Tân di xã Vĩnh Tân, huyện Tuy Phong lac jaik labik rahra daok pataom gauk, labik raong glang kaya ikan, raong hadang pajaih.    

 Rilo chuyên gia kinh tế brei thau, dom gilang pariak brei trun biak rilo yaom laba jien payua meng puac bilan 2 tal urak ini saong meda daok trun gac 1 điểm % dalam thun ini. Tui nan, lạm phát daok trun pandiak, trun meng 4,9% dalam bilan 1 trun daok 4,3% dalam bilan 2-2023. Tui kuhria lam phát bilan 3 daok trun duk haong bilan 2. Meyah meng ini tal bilan 5, lạm phát jeng daok pasang iek hu mala 4,5%, ini meda lac bruk lagaih ka Gilang pariak karja pacadu sarak jien padai. Tuk nan, bruk trun yaom jien lana meda hu mbuan lagaih jang.

Kayua siam lagaih di kinh te glaong, nan ye tukvak jaik di ini bruk raong cim yến pablei di tỉnh Tiền Giang praong tagok siam, dang ka 3 dalam taneh ia. Rilo doanh nghiệp saong rahra daok buh jien tame blei cơ sở vật chất, paglaong chất lượng di sruh cim yen piah pablei tabiak tui jalan chính ngạch tapa darak pasa Trung quốc.  Tal tukvak ini, dalam tỉnh Tiền Giang hu cak rok patagok labaih 1.700 sang raong cim yen, dang ka 3 dalam taneh ia. Biak rilo doanh nghiep daok buh jien tame padang ngak rilo sang raong cim yến praong, peih bruk ngak hacih sruh cim yen, hu pok brei angan lac pandap OCOP...piah pabak ka darak pasa dalam taneh ia saong pablei tabiak negar langiu.

Harei kabroi (26/3), jaik 90.000 anek saih di 21 tinh ban yam tame mbang pakacah taong yaom prein bac mbang 1 di Đại học Quốc gia TP.HCM.  Anek saih tame pakacah brei ngak 120 câu hỏi trắc nghiệm dalam 150 minit haong thang điểm 1.200. Asal kadha hu gam ilamu haong hatai sahneng tui jalan pabak số liệu, dữ kiện saong dom công thức cơ bản, oh ieu anek saih bac kanal. Bruk pakacah mbang 1 hu khan brei thau di harei 4/4. Mbang 2, anek saih tut angan pakacah meng harei 5/4 - 28/4 saong pakacah di harei 28/5. Pakacah blaoh yau habar hu khan brei thau di harei 6/6.

Công an TP.HCM daok ngak căn cước công dân ka anek saih hu thun ndih tapui meng thun 2004-2008 abih tih dom harei dalam adit, oh kuhria labik daok thường trú saong oh ieu nao palei mek mã số định danh. Meng harei ini tal harei 31-3,  ban raya meda pataom tame brei ngak dahlau bruk pabak căn cước công dân pagam chip ka anek saih hu thun ndih tapui lac 2004-2008. Meng maong 7 mateh mesup tal maong 9 melam abih tih dom harei dalam adit, gam harei sanecar saong harei adit. Rahra tal jabat công an labik jaik abih piah ngak căn cước công dân, tani tanat harak gar njauk ngak piah hu mbaok tame dom mbang pakacah salih pakat anak tal.

Di 1 diễn đàn kinh tế bahrau ini, Taong Yam ndok Kadung jien Dunya, amuk Kristalina Georgieva brei thau, bruk caong tal tukvak mbiah di  kinh tế dunya jeng oh ka khang saong bruk mbuan khat lahik ka jien padai daok tagok. Amuk kuhria mboh dahlau lac, meyah dom caong tal di thun 2024 hu siam tagok, min cakrok kinh tế thun 2024 jeng meda biar jang labaih 3,8% dalam 10 thun tapa. Taphia di nan, kayua pambak meng dom bruk yau ye lạm phát glaong, mesruh gauk saong neh rabha địa chính trị, dalam tukvak mbiah, kinh tế dunya jeng oh ka khang hu, kan kandah gah jien padai meda tagok.  

Trung Quốc bahrau khan brei padeih ngak  jru pacang caga, taong ruak Covid-19 duy nhất di taneh ia ini hadei di 8 bilan hu ngak tabiak pablei. Janih jru njauk brei padeih ngak lac pambuak kháng thể trung hòa BRII-196 saong BRII-198, kayua Đại học Thanh Hoa, Sang iek ruak Nhân dân ka 3 Thẩm Quyến pambuak gauk ngak tabiak. Bilan 12/2021, jru ini hu Cục khik ramik jru tavao negar brei adat ngak, bhian hu rilo mbang hu Ủy ban Y tế negar ba tame dom jalan ngak piah pasang iek saong taong ruak Covid-19. Meng di bilan 7/2022, bruk taong ruak ini hu yaih khan, pablei tabiak di Trung Quốc.

Hadei di 3 thun brei takik ngak kayua jit praong Covid-19, Tổng cục Du lịch Thái Lan kuhria mboh lac Tết thaik ia Song-khan thun ini meda hu peih tabiak ngak praong jang. Dom bruk chreih chrai uan raok Tết Song-khan - Tết thaik ia uan thun bahrau di urang Thái meda hu peih tabiak di grauk labik dalam taneh ia di bilan 4 tal, piah daong jhul tagok bruk pasiam veik gah du lịch. Dom rija praong uan thun bahrau di urang Thái hu peih tabiak ngak di 5 bhum praong di taneh ia./.