Page ini 24/10, dalam mbang ginum biai tui kapol nyaom ka taong yaom bruk peih ngak tui jalan cak rok patagok kinh te - xa hoi thun 2023, jalan  cak rok patagok kinh te xa hoi thun 2024, bruk peih ngak kadung jien karja thun 2023, kuhria caga jien thun 2024, bruk peih ngak tui Sarak pandar phun jien, jien ndo…dom urang lambaok QH taong yaom bruk kham merat di Rajaei, dom Mentri, dom gah, tinh ban langyah dom bruk daok tavak daok kurang jeng yau dom bruk birau mblo tabiak dalm dom gah di kinh te- xa hoi. Langyah dom suh sah di dom tinh ban, Thu tuong Rajaei Phạm Minh Chính brei thau, klau danak dak pakat negar hu makna min brei parabha pakat, brei parabha quyen khang jang, paglong bruk peih ngak di bhum palei saong pakhang bruk tui iek. Dom tavak tavaiy  ka harak gal, jalan peih ngak brei ramik pasiam sumu, samar tui bruk rah tabiak.

Akaok UBND tỉnh Hậu Giang, ong Đồng Văn Thanh, bahrau mbaoh tangin brei tabiak jalan peih ngak "Festival dunya gah padai brah Việt Nam - Hậu Giang 2023". Tui nan, bruk ini tui kuhria hu peih tabiak di ban Vị Thanh, tỉnh Hậu Giang meng harei 11 tal harei 15/12/2023. Ini lac bruk pamaong tal salam uan pahadar 20 thun Harei padang tỉnh Hậu Giang (1/1/2004 – 1/1/2024). Gam haong nan, jhul khang bruk cak rok patagok gah padai brah chất lượng glaong, patagok yaom glaong dalam bruk ngak padai brah, dak harei dak pamaong tal bruk ngak padai tui jalan hữu cơ, mek bruk patagok hijao ngak asal piah tani tanat an ninh, salamat pandap mbang saong bruk lagaih haong biến đổi khí hậu di ĐBSCL

Mban Bangsa tỉnh Dak Lak birau padang Kapol lambaok urang hu angan je nao rivang iek, bac megru di dom tỉnh gah Meraong kayua Pho akok Mban Bangsa tỉnh Dak Lak  Lê Ngọc Vinh ngak akaok kapol. Hu mbaok tame kapol daok hu 5 urang jakar Mban bangsa, Kong an, Y te saong 30 urang hu angan je mai meng 15 huyen, ban sit. Tui nan, Kapol lambaok urang hu angan je tinh Dak Lak noa rivang iek, bac megru di 4 tỉnh nan lac: Tây Ninh, Đồng Nai, Bình Thuận, Khánh Hòa dalam 7 harei.

Dah page ini, mbao Sài Gòn Giải Phóng peih ginum biai brei thau Jai thuong baoh blaong ameh Việt Nam 2023. Ini lac mbang ka 28 jai thuong angan je abih di bruk dat blaong Việt Nam hu peih tabiak piah pok mayaom dom urang naih gheih, hu rilo rik daong ka gah dat blaong negar drei dalam thun blaoh, di dom pakat kalup kapul jang yau ka kapul negar drei. Thun ini, langiu di dom hạng mục hu jao jai yaok mbang, yau ye baoh blaong ameh, praik, ban ka urang likei, kumei caoh dat blaong; Baoh blaong ameh, praik, ban futsal (likei); urang caoh dat blaong negar langiu naih, mban peih bruk hu pabak veik dua kadha lac “Jai rik prein tame”di urang likei saong kumei caik abih umo dam dara di drei brei ka bruk cak rok patagok di gah dat blaong Việt Nam. 

Jeng dalam harei ini,  Toà án bhap bini TP. Phan Thiết, tỉnh Bình Thuận peih bruk langyah  Nguyễn Văn Thảo (lac Thảo “lụi”, umo 58 thun) haong 5 urang pambuak tal bruk “ Palai pajua drap ar” rah tabiak di thun 2019 di phường Phú Hài, Ban Phan Thiết. Tui duah thau , bilan 10/2019, ong M.T.P (daok di quận Tân Phú, TP.HCM) pah urang padang ngak paga pacang 4.000 m2 taneh di ong blei di phường Phú Hài, TP. Phan Thiết. Yau nan min, tuk urang daok ngak paga ye kapol nyaom urang kayua Thảo pan kok mai yak klak. Thảo pandar dom urang nan jan tayah paga  birau hu padang blaoih atah 38 m, kuhria abih jien 11.400.000 đồng, ngak jaleih abih. Harei 2/6/2023, Jabat Canh sat pasang iek Kong an TP. Phan Thiết ba tabiak kaok tui hukum, chap kareik Nguyễn Văn Thảo saong Phạm Quốc Cường kayua duis “ Palai pajua drap ar”. Mbnag tòa kuhria peih tabiak dalam 2 harei.

Kanja Hàn Quốc harei ini brei thau, bol lin negar ini hu cap khik sa sruh gilai pajeng urang Triều Tiên, daok angaok jalan nduac dauk di mangaok sruh gilai meng kayau sit hu pacang cakak veik di langiu tasik di ban Sokcho, jaik tapen tasik di Hàn Quốc saong Triều Tiên. Hãng tin Yonhap di Hàn Quốc brei thau lac, sruh gilai pajeng 4 urang Triều Tiên daok kuhria nduac dauk. Ini lac dom urang Triều Tiên duah jalan nduac dauk ka dua dalam dom bilan jaik di ini hadei di 1 bruk dreih yau nan rahtabiak di bilan 5 bahrau blaoh. Thun 2019, Hàn Quốc hu pateok tabiak 2 urang negar Triều Tiên njauk medil lac pametai 16 urang peih gilai di sruh gilai di dom urang nan tuk tapa tasik tapa jalan tapen negar.

Pambuak tal  bruk mesruh metak di Dải Gada, Kapol radaih daong ka 3 meng Ai Cập harei kabroi tame dải Gada, labik hu 2,3 trieu urang daok kurang pandap mbang, ia menyum saong jru tavao kayua labik taphia negar njuak pacang cakak. Meng  bruk Ixraen daok brei pakauk oh brei ba menyek tame, LHQ  brei thau, bruk parabha pandap  daong  njuak suai damuai dalm dom harei kayua oh ginup menyek pabak ka dom radaih pajeng ba. Hadei di tuk peih palao 2 urang negar Mỹ harei 20/10, Ha-mát harei kabroi palao dua urang Ixraen lac urang kumei umo taha tapa pabah mbang negar Rafah kreh Dải Gada saong Ai Cập. Tui  Ixraen, labaih 200 urang njuak Ha-mat chap khik  di dải Gada, dalam nan ralo lac urang negar langiu saong urang hu dua quoc tich. Ixraen sanya  meda ngak ralai abih Ha-mát saong peih palao taong abih dom urang nan.

Baoh “hồi ký” angan  ieu lac “The Woman in me” – “urang kumei dalam dahlak”di “patri ragu ragam Pop” Britney Spears hu tabiak mbaok di Luân Đôn, Anh di harei ini. Baoh tapuk hu dom urang takre Britney biak pachreih tui. Baoh tapuk ini, lac sa dalam dom asal kadha piah ginum biai biak chreih chrai di mangaok mạng xã hội dalam tukvak jaik di ini saong hu yam tagok labik dang akaok dalam angan tapuk hu pablei rilo abih di Amazon meng di tuk ka oh tabiak mbaok. Baoh tapuk ini di Britney Spears lac dom dalikan ndem ka  raidiuk trun tagok di drei, meng dom tuk gaok kan kandah di abih di urang daoh kumei, meng tuk daok sit ngan haong dom hatai caong biak praong glaong, mbang klak gauk di drei haong urang likei anit ranam dahlau di abih, tuk anai kuah akaok kalu saong bruk mesuh  gauk di anai haong sang ka bruk sangka iek glang.