Harei ini 13/10, harei Doanh nhan Viet Nam, Akok UBND TPHCM Nguyễn Văn Được  payua panuac ayuh, thau dhar phol  dom po doanh nghiep, caong khin dom kaya angan je Viet ngak mbang paraong tagok, yam tame dunya. Ong Nguyễn Văn Được payua panuac ayuh tal 50 doanh nghiep mek hu Yai thuong “Angan kaya Ameh” TPHCM mbang ka 6 thun ini, tui nan khan brei thau dom caong khin dom kaya patagok siam jeng veik, brei mboh labik dang oh lac di TPHCM bo daok lac di bhum saong di dunya.

Tui muk Châu Thị Lệ, Pho Yam ndoc, Sở Công thương tỉnh Tây Ninh,  mek hu 27 ti USD hadei 9 bilan, pablei tabiak negar langiu daok ba  mai  kein lagaih  ka Tay Ninh kham ngak baha hu dalam thun 2026. Yau nan min, jien mek tame hu njauk brei taong yaom  gam haong bruk patagok GRDP, ngak tui kong nghiep saong yaom kaom di dom bhum palei. Dom bruk kan kandah nan oh lac khik bruk pablei salih tagok, bo daok daong doanh nghiep dalam negar, pabak prein khang kajap.

Tinh Vinh Long daok jhul pakhang bruk salih pandar taka so dalam bruk ngak mbang pablei salih, dak harei dak pandar lagaih bruk pandar dom nen tang di darak pasar, rik tame ngak brei salih jalan pablei salih, paglong bruk khik iek saong ba mbuan lagaih  ka bhap bini. Dalam tinh Vĩnh Long hu 60 xã, phuong ba tabiak jalan padang ngak Darak 4.0. Tapa nan, ngak randap haong bruk pandar jitvu so dalam bruk pablei salih  yaok harei, ba mbuan lagaih ka bhap bini saong urang pablei salih.

Melam 12/10, radaih apui SNT1/SNT2 peih Sài Gòn – Nha Trang kayua Kong ty co phan Jalan pasei peih ngak di ga Sài Gòn, piah paglong jit vu pajeng ba tuai damuai saong pabak bruk nao mai rivang ma-in di bhap bini dak harei dak ralo. Kadha njauk ndem tal lac brei ngak pasiam taong abih 32 rong radaih, dalam nan hu khoang 4 gaiy laneng ndik, labaih 6 laneng saong labik mbang huak. Gah dalam radaih hu ngak birau sambo ban kem gam hijao ia tathik Nha Trang…

Ia angaok kraong gam hajan praong saong ia ndik tagok ngak dauk rilo labik dhaong biar di tinh Dong Thap. Njauk caik hatai, rilo darak tapen kraong, barat dauk dalam ia tathik, ba tal kan kandah  ka bruk pablei salih saong nao mai di bhap bini. Dom harei tapa, darak Cái Bè, xã Cái Bè, tỉnh Đồng Tháp, bruk ia dauk bhian rah tabiak tuk ia ndik tagok glong. Oh lac tarah ia tanjok, rilo labik dalam darak daok ia di kraong Cái Bè sre tame, ba tal bruk pablei salih pak ini sraw kadau, bhap bini ka nao mai.

Tong thong My Donald Trump kuhria anak tal chau A meng harei 16 tal harei 19/11 anak tal piah hu mbaok tame Nyaom biai Pakat glong ASEAN di Philippines saong Nyaom biai Pakat glong APEC di Trung Quốc. Meyah thau cambaic laic, ini lac mbang nao rivang chau A hu makna  di ong Trump hadei mbang palih ruah  kreh vaktu di My. Mbang rivang rah tabiak dalam tuk My daok tui ngak sarak khik iek bhum Ấn Độ Dương - Thái Bình Dương, tui nan duah jalan jhuk pakhang pambuak bruk haong ASEAN saong khik iek bruk ngak mbang suai lavik haong Trung Quoc.

Tu lenh pakat glong dom gah di NATO di chau Au, Tướng Alexus Grynkewich harei kabroi khan brei thau jalan  pambuak klau taneh ia “ Kadha jayak”, piah pacang caga bruk lih tame taneh riya dom negar karei.  Brei panuac dalam tuk dom taneh ia chau Au khan ka Nga lih tame meng kapal ahaok oh hu manuac peih saong taong tame mang. Yau nan min, Nga rilo mbang atah klak dom kadha ndem puac di taneh ia Tay, gam khan lac taneh ia ini oh ngak hagait tal NATO.

Robot thaik manuac daok daok pasram piah pabak kaya kan dak tagok kapal dalam sieu thi pak Đan Mạch. Meyah ngak iek hu jak jeng, dom “ robot ngak bruk” ini ngak hu dom bruk drei gauk di melam, daong urang ngak bruk hu padeih glaih saong duh ka tuai damuai. Robot  ini  lac danak dak ngak iek dui atah rilo thun  di Kong ty khoi nghiep Hive Robots saong  Tập đoàn Salling, labik pablei salih praong abih di Đan Mạch.