Dom harei tapa, sap Paranưng, dom ragam tamia meng kan saong sambo ban hadah tangyak ngak jeng Harei Kate di grauk bhum palei Cam di dom tinh Lam Dong, Khanh Hoa. Di mbang praong palei Hamu Tanran Huu Duc,  xã Phước Hữu, tỉnh Khánh Hòa nyaom pataom daoh tamia  biak gheih, tui sap alat ragam Ginang, Baraneng, Saranai gam haong sap daoh uan di bhap bini biak sameng, chreih chrai. Kate  tame tal dom palei Cam di dom xã Ninh Phước, Phước Hậu, Thuận Nam, Ninh Hải saong dom labik jaik taphia. Bhap bini ngui cuh khan ao meng kan, rivang, taom mbaok baoh sang, likau chraong daong sa thun siam mekre, salamat, ngak hagit hu nan…

Tinh Vinh Long padang ralo kapol mai rivang, ayuh saong alin dom baha Phat giao Nam Tông Khmer, baoh sang sarak karja saong urang naih joi lac urang bangsa Khmer harei Sen Đôn Ta thun ini. Dom kapol urang mai rivang, alin kaya ka 45 baha Nam Tong Khmer naih gheih saong 135 urang, baoh sang Amaik VNAH, baoh sang sarak karja, urang jakar, urang ngak bruk saong urang jakar huu tri bangsa Khmer. Kaya alin ka baha yaom 4 trieu dong; yaok urang, yaok baoh sang lac 2 trieu dong, hu kaya kan saong jien. Kuhria abih tih  jien labaih 1 ti dong.

Harei 14/10 anak tal, kapol ba 731 atau talang liet meng Bein bingu Le Thi Rieng tal kubo Liet si TPHCM tapa 11 phuong saong jalan kuhria atah labaih 26km.  Hadei Le truy dieu rah tabiak mong 8h di Bein bingu Le Thi Rieng, phuong Hòa Hưng, TP.HCM, dom radaih ba 731 atau talang liet si mai dar di Kubo Nghia trang Liet si TPHCM, phuong Long Binh. Njauk ndem tal, Mban Tacei ba iew bhap bini daok jaik jalan radaih pajeng atau dom liet si nao tapa brei yer dhar bingu sambo patih, palao dom liet si mai labik padeih padei luac umo rai diuk.

Tui kuhria, bilan pandiak thu lagu thun ini di bhum Taneran kraong Cuu Long lac tukvak pandiak tua riya dut hoang dom thun dahlau. Ia takik jeng dom thun labaih 25%. Ia mbak nyom tame ngak kan kandah tal bruk mek ia di puac bilan 12 thun 2026. Dom bilan, bilan 1 saong bilan 2 thun 2027, di dom pabah kraong Cuu Long, ia mbak 3gram sa lit meda njom tame dalam meng 50 tal 65 km; dalam meteh bilan 3 tame tal 55 tal 70km.

Harei kabroi 11/10, mbaok jalan ceik Đại Ninh jalan Raya  28B, nao Đà Lạt – Phan Thiết, di tỉnh Lâm Đồng hu rilo labik talah ra-ai dalam, glut jaleih atah labaih 40m. Hadei mboh labik ra-ai, gah bol lin pacang caga, padang talaoh kakei labik glut jaleih. Gah jalan mbak kakei bhap bini saong tuai damuai nao tapa jalan ceik Đại Ninh brei peih radaih ladam trun, nduac atah labik talah, brei caik hatai tal talaoh kakei dahlau saong ngak tui tacei pato jalan palik njiak bala.

Uy mban Nobel Na Uy alin Yai Nobel Hoa Binh 2026 kayua Tham phan urang Nam Phi Navanethem Navi Pillay. Amuk Navi Pillay ngak rilo bruk rik daong dalam luac tukvak ngak bruk, dalam nan bruk siam gheih lac bruk khik iek urang ngak praong di Nam Phi Nelson Mandela  saong dom urang mesruh metak cagar haong bruk neh rabha bangsa Apartheid. Yai Nobel Hoa Binh  lac yai  alin  mbang ka 5 hu khan dalam adit ini, dom yai Nobel Văn học, Hóa học, Vật lý saong Y học. Harei alin yai peih ngak di ban ine Oslo di Na Uy di harei 10/12 anak tal.

Tong thong Mỹ Donald Trump khan brei thau Nga pabak labaih 4 trieu tan menyek diesel darak dunya. Mentri jien padai My birau khan brei thau jalan ngak pacang dom adat taong phat  ka menyek  diesel Nga tal bilan 4/2027 tui adat hasa sarak adat yau gauk.  Bruk nan ba mbuan lagaih piah menyek diesel Nga ba tabiak darak pasar tuk abih ngak tui sarak taong phat.

Rajaei Panama ba tabiak bruk ngak samar chip hadei taneh megei khang 7,7 do richte gam dom  8/ mbang megei hadei nan, piah jhul pakhang bruk ramik pasiam dom khut khat saong daong bhap bini. Mbang megei baoh taneh ba tal takik abih 27 urang njauk rambuac, labaih 2.100 urang gaok kan kandah saong labaih 426 baoh sang khut tayak, dalam nan hu dom baoh sang khut abih patih. Mbiah tal ini, oh hu thei metai./.