Di Harei Kate thun 2026 kapul ngak bruk di Tinh uy Lam Dong nao rivang dom halau janeing, po gru Kapul halau janeng Cam Ahier di tinh saong urang hu angan je dalam bhap bini Cam Ahier. Di var taom mbaok Phaok Bi thu Tinh uy Lam Dong Đặng Hồng Sỹ caong khin, dom halau janeing, po gru saong bhap bini bangsa Cam patui veik patagok bruk ngak, pambuak siam mekre dalam bhap bini; paglaong gul pataom dalam rahra. Dom bhum palei, labik patui veik sangka khik ramik, paglaong dom yaom kaom ilamo di bangsa Cam. Lam Dong urak ini hu jaik 43.000 urang Cam, dalam nan hu labaih 25.000 urang Cam Ahier, daok di dom xa dalam tinh Binh Thuan klak.

Jaik tal harei Sene Dolta thun 2026 di bhap bini urang bangsa Khmer, Ban Cần Thơ padang 18 kapol mai rivang, tadhau dom halau janeng, Mban Khik iek baha, bhap bini bangsa Khmer saong urang naih gheih pak ini. Di dom labik mai rivang, urang lambaok kapol caong khin dom ong acar, urang halau janeng, sư sãi, Mban Khik iek baha saong urang hu angan je jak ba bhap bini ngak siam tui jalan tacei a di Dang, sarak hukum karja; kham merat hu mbaok tame dom bruk peih ngak di bhum palei. Dom urang asar, halau janeng dom baha khan lac patui veik ngak siam bruk pathau khan, ja ba bhap bini phat tu ngak bruk, ngak siam tui dom hukum karja.

Tinh Dong Thap bahrau ba Bruk peih mbang ngui salah hadah krah tame ngak piah daong he sinh thai salih bahrau hadah krah di tinh, pataom tame daong peih mbang ngui, pambuak halau prein saong jhul tagok pablei salih dom bruk roh duah hu. Pasak brei pataom tame 4 kapul ngak bruk: pambuak, pabam dom jalan sahaneng saong danak dak peih mbang ngui; mek gah ngak mbang pablei salih; rahra ngak pasak; pagam salih bahrau hadah krah haong salih taka so; patagok darak pasar ilamo khoa hoc saong kong nghe, pambuak gah pabak saong gah caong khin saong daong pandar glo akaok.

Hajan ralo, dom urang ruak pandiak tabiak darah di dom sang iek ruak uranaih di TPHCM tagok rilo. Di khoa Nhiễm, Sang iek ruak Nhi dong 2, yaok harei  taduan meng 30-40 mbang urang ruak pandiak tabiak darah. Dalam tuk nan, di Sang iek riak Nhi dong 1, ngak bruk tapa prein  kayua rilo uranaih ruak pandiak tabiak darah. Meng harei 1 tal harei 6 bilan 10, sang iek ruak hu 2.400 mbang urang tame iek ruak. Meng akaok thun tal ini, TPHCM hu labaih 35.700 mbang urang ruak pandiak tabiak darah, lac labik hu urang ruak ralo abih lac dac khu Côn Đảo, phường Chánh Phú Hòa saong Minh Thạnh.

Dalam tuk taong mek ikan hadang, urang nao tasik di Kaoh pulao Phu Quy, tinh Lam Dong hu gaok tapol ikan yau jaik 1.000 drei daok luai ia. Urang nao tasik hu ilamo di kaoh pulao Phu Quy brei thau, bhum tasik ini, tame jaik puac thun atau akaok thun tasik gindang salamat, bhian hu tapol ikan yau panduan mai. Meda kayua labik ini urak ini meda kaya mbang, dui pachreih ikan pabui mai duah mbang. Kaoh pulao Phu Quy atau daok hu ieu lac pulao Thu, lac huyen kaoh pulao atah abih di tinh Binh Thuan dahlau diah, ini lac Kaoh pulao Phu Quy, tinh Lam Dong.

Mbang ia ribuk dui atah di Thái Lan daok ngak khat lahik trak ka bruk ngak mbang pala drak, ngak ka kandah tal labaih 150.000 urang ngak nong dalam negar. Ta-eng  gah ngak padai brah meda khat lahik tal 12 ti baht. Langiu padai brah, rilo taneh pala katut harei saong phun mbang baoh jeng khat lahik, dalam nan hu dom bhum taneh pala durian brei mek jien tame glong di gah Pur Thái Lan. Thái Lan daok pabah phun pala, kaya ngak nong saong daong ramik pasiam khut khat hadei tuk ia trun.

Dai su quan Indonesia di Phnom Penh daok pambuak haong jabat chuc nang Campuchia ngak harak gal daong lãnh sự ba 550 rahra gilac mai negar. Dom urang ini njauk mek kareik dalam danak dak pasang duah taong taayah bruk chot pagat saong me-in mbia online di tinh Banteay Meanchey harei 4/10. Quyen Đại biện Dai su quan Indonesia di Campuchia kakei caga, urang ngak bruk caik hatai caga ngan haong dom panuac da-a bruk ngak oh ka tantu, njauk ndom tal lac dom bruk ngak mbuan ba tal chung hukum di negar urang.

Mentri An ninh Nội địa Mỹ ba tabiak ngak tui jien je birau tagok tal 70 ribau dola ka bruk pato pasram Ngak tui taka so OPT, ka anek saih sinh vien dunya tui sarak F-1 caong khin ngak bruk di Mỹ dalam rilo gah nganh bac. Danak ini njauk iek praong ngan haong vien dom gah nganh bac khoa hoc, kong nghe, ky thuat saong toan hoc, kayua urang brei dui atah tukvak ngak bruk di Mỹ. Caong khin ini piah pacang bruk bleik saleih, patagok bruk urang negar langiu tame saong khik iek urang negar Mỹ./.