Ban raya HCM ba tabiak jalan ngak dalam bilan 11 anak tal brei salah blaoh app Rahra taka so Ban raya HCM, jeng gah pambuak taka so njauk hatai saong tok ha sa kadha di karja saong rahra. Taphia nan, ban raya jeng caong khin pandar phan mem tri tue nhan tao pagam tame app Rahra taka so Ban raya HCM piah daong taduan, neh rabha saong langyah ka bruk pathau khan tagok angaok Bambang Jitvu karja pakat negar saong dom co so du lieu hu pambuak khik kajap du lieu hu pandar njauk hatai.

Ban Dong Nai hu 21 danak daka sang daok xa hoi daok peih ngak, hu labaih 13 ribau baoh sang. Urak ini, urang buh jien tame ngak, don vi ngak daok kham merat ngak samar sumu tukvak ba tabiak. Yau nan min, daok rilo danak dak peih ngak suai lavik yau: sang daok ka rahra di Hố Nai; sang daok ka rahra di Tam Hiệp; sang daok di xã Phước An saong sang daok di rahra di Bình Phước. Meng ini  tal puac thun, gah padang ngak Dong Nai pasang iek gam gam; gam langyah dom kan kandah, tavak tavaiy piah jhul pasamar dom danak dak.   

HĐ Bhap bini tinh Ca Mau daok pataom tame maong iek, nyaom biai saong mbaoh tangin tapa 12 danak kuhria di sarak. Ini lac dom harak brei adat hukum hu makna, pambuak tapak tal bruk pasang iek karja, cambaih laih bruk rabha prein ngak, jhul tagok cakrok kinh te saong khik kajap dom sarak daok dang mbang ngui. Tui taong yaom di Akaok HĐ Bhap bini tinh Ca Mau, dom danak dak kuhria di sarak hu UB Bhap bini tinh pasang duah tani tanat piah khik kajap bruk njauk njauk hukum negar, samu gauk di majam hukum saong hu bruk lagaih glaong tuk ba tame ngak.

Di tinh Dak Lak, dom urang ruak pandiak tabiak darah  samar, yaok harei hu labaih 100 urang ruak birau, hu 2 urang metai. Dom urang ruak rilo samar nan la kayua hajan dui atah, lagaih ka jamoh caik menek saong pambak ruak. Dalam tuk nan, bruk pacang caga ruak, caga jit di dom labik oh ka lagaih, bhap bini daok iek lap. Urak ini, pasak pasang iek ruak kik daok samar peih ngak dom jalan pacang urang birau ruak,  pasang iek  sruh jit ruak, juai caik ruak pambak tabiak.

Dom tinh Meraong Negar saong Ban raya HCM harei ini patui veik hu hajan praong. Hu makna hajan praong di labik dom tinh ban Lam Dong, Dong Nai, Tay Ninh saong Ban raya HCM. Hajan praong meda dui atah hadei 20 tuk. Daok di Ban raya HCM brei pacang caga hajan praong di tukvak ngak bruk blaoh, gam haong mbang ia ndik akaok bilan 9 saka ia bulan, ia ndik tagok glaong tanut kakei caga ka 2. Kayua nan dom labik dhaong biar di Ban raya HCM meda njauk ia dauk trak kayua hajan praong pambuak haong ia ndik glaong ngak dauk trak.

Dom urang ilimo kakei labaih 30% taneh Bangkok - Thái Lan meda dauh dalam ia miat miat tal thun 2050 meyah oh hu jalan khik iek halau ia saong pacang caga langik salih karei. Piah caga, dom urang ilimo ba tabiak jalan padang ngak ar tathik, pabah ribaong pacang ia ndik, danao tathuak ia, patagok bruk ngak “ ban ia blung tathik” saong pakauk padang ngak danak dak di labik dhaong. Tui nan, pachreih salih jalan buh jien tame ngak meng AI piah langyah  du lieu hajan, ia nduac tui tukvak.

Kapul Dunya ka khik ramik Alam langik patui veik kakei caga ka tukvak kurang ka sinh hoc, tuk dom quan the athur glai hu tui iek di dunya hu kurang 73% dalam tukvak meng 1970 tal 2022. Dalam nan Nam My taduan tanut kurang praong abih, tagok tal 95%, chau Phi patrun labaih 80%. Makna dahlau abih ba tal kurang sinh hoc lac bruk lahik saong kurang labik daok.

Tui Gah Di cư Dunya, kuhria meng harei 1/8 mbiah tal ini hu labaih 184 ribau urang di grauk negar Yemen. Liên hợp quốc (LHQ) saong dom gah pambuak bruk brei pabak dom kaya labaih 126 ribau urang. Yau nan min, bruk khik daong daok tagok samar jang dom hagait lagaih hu. LHQ sa mbang tra iew da-a dom gah tame khik iek bhap bini, ba mbuan lagaih  piah daong samar tal dom bhap bini daok cang daong samar. /.