Page ini 14/10, adat rivang ngak ndam padhi kakuh viếng saong ba nao dar 731 atau talang liet si di Bein bingu Lê Thị Riêng saong  Kubo Nghĩa trang Liet si TP.HCM. Meng dom harei tapa, bruk ramik caga labik ngak, kaya kan duh ka Ndam padhi piah ba nao dar  731 atau talang liet si hu duah mboh di Bein bingu Lê Thị Riêng, kayua TPHm peih ngak di dua labik: Bein bingu Lê Thị Riêng (phường Hòa Hưng) – labik peih bruk rivang, palao saong Kubo Nghĩa trang Liệt sĩ TP.HCM (phường Long Bình, TP. Thủ Đức klak) -labik dar, padei di dom anh hung liet si.

Anak bruk Kakuh vieng saong ba palao 731 atau talang liet si, meng mon 5 tuk page ini Yao hoi Phat giao Viet Nam TPHCM sampahyang lang kan. Bruk nan brei mboh hatung hatian di Phat giao TPHCM ngan haong dom AHLS var klak rup drei ka Taneh ia.

Melam kabroi, di Bein bingu Le Thi Rieng, phường Hòa Hưng, TP.HCM, danak dak daoh tamia“ Kadha daoh dhar phol” hu peih ngak dalam labik biak kandi kandang, hadar dhar phol saong pahadar dom AHLS. Hu mbaok di danak dak Đại tướng Nguyễn Trọng Nghĩa, Ủy viên Bộ Chính trị, Bí thư Trung ương Đảng, Ủy viên Thường vụ Quân ủy Trung ương, Chủ nhiệm Tổng cục Chính trị Bol lin bhap bini Việt Nam; amuk Phạm Thị Thanh Trà, Bí thư Trung ương Đảng, Phó Thủ tướng Rajaei; dom urang jakar daok ngak bruk jeng yau urang ngak bruk dahlau diah di pakat Đảng, Karja, Mat tran negar Việt Nam, dom mentri, mban, pakatTrung ương, tinh ban saong TP.HCM.

Piah dih ka bruk nao mai di bhap bini hu mbaok tuk ngak Adat pajeng ba nao dar dom atau talang liet si meng Bein  bingu  Lê Thị Riêng mai Kubo Nghĩa trang Liệt sĩ Ban raya di harei ini 14/10, TP.HCM parilo radaih buyt saong brei parilo mbang peih radaih ndien. Jalan radaih  pasei medil do thu ka 1 (Bến Thành – Suối Tiên)  pajeng ba 246 mbang radaih, 18 mbang radaih ndien dut haong bhian harei. Radaih  buyt ka 10  (Mblang radaih Pei negar – Đại học Quốc gia)  brei peih pabak veik 10 sruh, kuhria abih tih tagok tal 112 mbang dalam sa harei.

Ban raya Can Tho birau Danak dak “ 60 harei ngak bruk nao tal yaok jalan, tame yaok baoh sang, tacei ba yaok bhap bini pandar taka so, pandar dom jit vu so”. Can Tho kham merat taong abih dom urang jakar pakat xa saong urang Kapol kong nghe bhap bini hu tame bac da-a,  pandar Nen tang “ Bhap bini bac pandar taka so”; takik abih lac 85% bhap bini umo dam dara hu tai khoan định danh dien tu pakat 2 di VneID hu bac megru di Nen tang “ Bhap bini  bac pandar taka so”; yaok sa xã, phuong hu takik abih lac 1 bruk ngak oh pandar jien mbaok, darak 4.0

Thun ini, tinh Vinh Long hu mbaoh harak 45 danak dak pachreih kong, kuhria abih tih labaih 23 ti dong, dalam nan hu kadung jien karja  daong jaik 10 ti dong. Phun jien nan rik tame daong dom labik kong nghiep palei pala salih birau kong nghe, paglong bruk ngak tabiak kaya asar siam. Dom danak dak ralo daong mac moc, jamraih birau  dalam bruk ngak mbang pala drak mai meng rilo bruk yau ngak kaya nong, kaya mbang, kaya meng la-u, kaya ngak mekre saong kaya padang ngak sang danaok. Tui bruk ngak, yaok danak dak hu daong yaok pluh trieu dong tal 300 trieu dong. 

Yai Nobel Kinh te 2026 – yai thuong luac padeih bilan yai Nobel thun ini, hu peih ngak di Stockholm, Thụy Điển. Dua urang mek hu yai thuong Khoa hoc Kinh te thun ini, Robert E. Hall saong Michael Woodford, hu jao yai kayua dom urang roh duah padang ngak nen tang kinh te vi mo ka sarak kinh te praong, rik daong paglong ralo bruk peih ngak sarak kinh te tani tanat.

Tong thong Indonesia Prabowo Subianto iew dom urang jakar rajaei patui bruk pakhang bruk khik iek apui khuah glai saong taneh riya, caong khin pachreih hu rilo gah daong tame ngak bruk padam apui saong pacang pui mbang tabiak labik karei. Indonesia ndem ka athak lin tapin di labik tapen negar di nyaom biai dom Mentri Ngoại giao ASEAN di bilan anak di Manila, piah ginum biai ka dom bruk dalam bhum hu lagaih jang.

Urak ini, langik El Nino oh lagaih ba tal pandiak saong thu lagu di Australia samar jang dom thun dahlau. Di ban Sydney ba tabiak hukum pakauk cuh pui langiu langik mbuan ba tal apui khuah glai. Gah Daong padam apui  di bang New South Wales iew bhap bini kuhria caga ka apui mbang glai meda rah dalam thun ini.