Tui kadha “Urang ngak mbang pablei salih Dak Lak – Labik bahrau, caong takre bahrau”, Kapul urang ngak mbang pablei salih tinh Dak Lak biar harei kabroi 12/10 peih harei pahadar Harei urang Ngak mbang pablei salih Viet Nam (13/10). Tinh Dak Lak brei mboh bhap bini urang ngak mbang pablei salih lac kapul hu makna piah ngak jalan cakrok kinh te dua lek taka so. Ong Y Nhuần Bya, Phaok Akaok UB Bhap bini tinh Dak Lak ndom lac, tinh brei patui veik pasiam harak gal karja, taoh talaih gal tavak bruk buh jien tame, taneh riya, quy hoach, padang; gam haong nan paatagok ndom meyai, dil samu langyah ndom meyai lagaih di gah ngak mbang pablei salih.

Tinh Vinh Long pagun sanya patui veik pasiam labik buh jien tame, pablei salih, jhul khang pasiam bruk karja, salih taka so saong dil samu taoh talaih kan kandah, tavak tavaiy, brei kein lagaih piah gah ngak mbang, urang ngak mbang pablei salih patagok karo kajap, suai atah. Ini lac kadha hu urang dang akaok tinh Vinh Long ndom khang di var taom mbaok gah ngak mbang pablei salih, urang ngak mbang di Harei Urang ngak mbang pablei salih Viet Nam 13/10. Bingun ini, UB Bhap bini tinh Vinh Long pok meyaom 46 gah ngak mbang pablei salih hu rik daong naih gheih ka

Meng dom harei jien prein ngak hu klah rabha, urang jakar, kong chuc, vien chuc saong urang ngak bruk di rilo jabat, labik di Ban raya HCM harei kabroi hu daong labaih 516 trieu dong daong ka Kadung jien “Ka urang kathaot” thun 2026, daong hu prein sangka urang raidiuk kan kandah. Tapa bruk ngak ini, Ban raya HCM patui veik pambak tabiak hatai gul pataom, anit ranam gauk, pachreih dom jabat, labik, menuac urang saong rahra gam haong gauk sangka ka urang kathaot, daong padang Ban raya siam mekre, hadah krah, anit ranam.

Ong Nguyễn Văn Thanh, Tong yam ndok Tong kongti Ndien luc Ban raya HCM (EVNHCMC) bahrau hu meyaom angan di Raya Pok meyaom “Urang ngak mbang pablei salih Viet Nam naih gheih – Cup Thánh Gióng” thun 2026. Raya pok meyaom daok dalam majam danak dak pahadar Harei Urang ngak mbang pablei salih Viet Nam 13/10. Angan je ini taduan dom rik daong naih gheih dalam bruk ngak pasang iek, dui ba gah ngak mbang pablei salih, jhul tagok salih bahrau, pahadah krah bahrau saong salih taka so di EVNHCMC di ong Nguyễn Văn Thanh, Tong yam ndok Tong kongti Ndien luc Ban raya HCM.

Angan je Brah Ông Cua ST25 di Viet Nam bahrau mek hu yai Nhi mbang kacah “Brah bangi abih dunya 2026” peih ngak di Manila, Philippines, dalam Nyaom biai Brah padai Dunya. Ini patui veik lac bruk taduan ngan haong asar siam saong angan je brah Viet Nam dalam darak pasar dunya. Dahlau diah, ST25 hu klau mbang mek hu yau Nhat di dom thun 2019, 2023 saong 2025. Thun ini, yau Nhat ka Myanmar, Philippines dang ka klau.

Sa mbang pasang iek bahrau brei mboh rilo abih urang Mỹ daok di dua ndang Cong hoa saong Dan chu oh njauk hatai ka bruk pandar jien cược tame bruk palih ruah meuac urang, dalam tuk bruk ini dak harei dak hu rah tabiak anak mbang palih ruah di kreh tukvak dalam bilan 11 anak tal. Bruk patagok di danak dak cá cược palih ruah jeng ngak duh hatai dalam dom gah padang hukum Mỹ ka bruk mbuan mbang blah mek jien saong mek lagaih oh siam meng khau tin. Dalam tuk nan lambaok ka sa nen tang ca cuoc brei mboh darak pasar sahaneng palih ruah meda hu pabak khau tin njauk abih.

Tui urang jakar Nepal, kapul chuc nang harei kabroi hu daong 321 urang, dalam nan hu 12 urang negar langiu, hadei mbang ia sua rah tabiak sa harei dahlau nan, di huyen Gorkha. Labaih 100 tuai damuai negar langiu daok gar tavak di dom labik di bhum Kreh negar Nepal kayua ia sua theik ngak khut tayah dom jalan, theik rilo tatua. Bol lin nepal brei thau bruk daong brei patui veik dalam harei ini 13/10. Urak ini oh ka taduan bruk metai kayua ia sua theik, min hu 5 urang jeng oh ka duah mboh.

Mbang pandiak bhang abih daok ngak kan kandah trak tame gah ngak tabiak phô mai danei angan di Italia. Jien pandar jeng tagok samar gam haong kaya patrun rilo daok ngak kan kandah tapak tal sa dalam dom drap ar kaya mbang gheih karei abih di negar ini. Bruk majam pabak klaih klaoh oh tok ngak kan kandah yaom pablei tal tangin urang pandar, blaoh daok meda hu ngak kan kandah tal sa majam gilang pariak negar ini.