Mentri Ngak nong saong Patagok palei pala daok samar ngak salah dự thảo danak dak 1 trieu hecta padai asar glong – patagok hijao, samar pok  tagok Rajaei di bilan 4 anak tal. Ini lac bruk ngak pamong tal Viet Nam ngak hu bruk khí tải nhà kính sumu 0 di thun 2025 meng dom jalan peih ngak sumu  gauk ka bruk palih ruak pajaih padai siam, pandar cong nghe pala drak birau. Urak ini, bruk ngak tabiak padai brah di negar drei meblah 48% khí thải sang camin. Danak dak ba tabiak brei ngak tui bruk pala drak khang kajap, takik pandar khak jru tame saong peih ngak tui jalan jhul pakhang bruk pambuak gauk.  

Tui Sở Lao động,Thương binh saong Xã hội tỉnh Bình Dương, quý I thun ini, dalam tỉnh hu labaih 36.300 urang ngak, njauk brei padeih harak pambuak bruk atau brei padeih bruk oh mbang jien bilan kayua dom doanh nghiệp ka oh hu bruk ngak. Kayua kinh te dunya daok gaok kan kandah, nan ye rilo doanh nghiệp ka oh duah hu đơn hàng bahrau, njauk brei cakak trun meneing urang ngak, atau brei ka urang ngak hasit piah khik takai. Dom doanh nghiệp njauk lahik đơn hàng rilo meng lac gah ngak kayau, jhik manyim khan aw, kalik, takhaok. Taphia dom doanh nghiệp njauk cakak trun meneing urang ngak, dalam quy 1 di Bình Dương jeng daok hu dom labik daok pilih ruah urang ngak, min oh rilo, labaih 13.000 urang. 

Urak ini, dom danak dak padang ngak brong pacang ia mbak tapen kraong Tiền di tỉnh Tiền Giang blaoh blai bruk pacang ia mbak. Dom pabak ribong brei peih piah cang ia taba meng kraong Tiền tame ba ia pandar saong pala drak  di yaok  pluh ribau baoh sang di labik huyen Châu Thành saong Cai Lậy. Meng thun 2022, piah daong ka bhap bini pacang caga bruk BĐKH abih di nyu nan lac njom ia mbak, tỉnh Tiền Giang buh jien tame 864 tỷ đồng padang ngak 06 brong pacang ia mbak tapen krong Tiền di huyện Châu Thành saong Cai Lậy.

Piah patagaok bruk pabak ilamo ka anek saih, plaih njauk lah pachot, So pato magru TP.HCM ieu kakei dom sang bac peih bruk pasang iek, pasiam veik bruk pathau khan, taom gaok di dom labik pato magru saong sang anek saih, sinh viên, khik kajap bruk taom gaok. Dom sang bac patagok bruk pathau khan tal anek saih, amaik ame piah ka yaok urang caik hatai tal. Taphia di nan, dom sang bac brei bhian pathau khan, brei thau dom jalan pachot pagat bahrau ka anek saih, sinh viên saong amaik ame thau. Dom sang bac brei pambuak haong gah chức năng di palei khik siam mekre, salamat ka anek saih di labik pabah mbang sang bac.

Sở Jalan mbak - Pajeng ba tỉnh Bình Phước pataom mek veik  57 phu hieu radaih pajeng ba rilo mbang ngak suan adat kayua peih samar di 21 đơn vị. Dom radaih njauk mek veik phu hieu njauk hu meng 5 mbang peih samar labaih  1.000 km. Dom radaih peih suan jaik abih lac radaih tải, radaih container, radaih katung saong radaih pajeng tuai. Sở iew dom đơn vị hu radaih pajeng ba  ngak suan brei bayar mai veik phu hieu radaih njauk mek veik. Sở jeng iew dom mblang radaih  pajeng tuai oh mbaoh harak brei adat tame ngan haong radaih pajeng tuai  njauk mek veik phu hieu.

Gilang paraik dunya (WB) harei kabroi (28/3) tabiak harak pathau khan brei thau, dalam 10 thun anak tal, gah kinh tế dunya meda khik tani tanat bruk  patagok suai abih dalam dom piluh thun kayua kan kandah di jit praong Covid, bruk mesuh gauk di Ucraina, sarau kadhau di jien padai, lạm phát glaong. Dunya meda gaok 1 piluh thun oh patagok mayah oh hu dom sarak biak catang. Dom urang kinh tế di Gilang paraik dunya kuhria mboh lac bruk patagok di gah kinh te dunya tok mek hu tanut 2,2% yaok thun, meng urak ini tal 2030, bier jang dut saong 2,6% di piluh thun jaik di ini saong bier jang dut saong 3,5% di dom thun akaok thun 2000.

Bruk kurang baoh kayau saong njam patam baoh kraoh daok jhul yaom pandap lương thực  di Anh tagok glong abih dalam bilan 3. Dalam bilan 3, bruk lạm phát yaom pandap mbang kuhria tui thun di Anh sumu 15% saong lac tanut glong abih kuhria meng thun 2005. Pandap tagok yaom khang abih lac pandap that, daok diuk, ngan haong tanut tagok 17%. Bruk paik tame  di chau Au saong Bac Phi ba tal bruk kurang baoh kayau saong njaum patam di Anh dak trak damak jang.  

Anak bruk manek trun gam gam, Nhật Bản hu brei tapa bruk daong raong uranaih piah daong pachreih dom diuk pasang manek anek, tapa nan langyah hu bruk oh khin manek rahtabiak rilo di taneh ia ini. Đảng Dân chủ Tự do (LDP) par karja di Thủ tướng Nhật Bản hu ba tabiak rilo jalan ngak daong ka amaik ame dalam bruk raong, pato uranaih di Nhật Bản, dalam nan hu bruk pabak var mbang kreih pandiak oh abih jien di dom sang bac tiểu học saong trung học cơ sở, daong sang daok ka dom diuk pasang bahrau khin gauk saong dom sang hu rilo anek./.