Akok negar  Nguyễn Xuân Phúc brei tabiak bruk brei alin pandap ka dom urang hu buh prein yawa ka cach mang tuk Tet Nguyen dan thun nasak Tapai 2023. Tui nan, hu 2 tanut jien alin 600.000 đồng saong 300.000 đồng. Tui Mentri LĐTB saong XH, dalam negar hu labaih 1,5 trieu urang hu buh prein yawa ka cach mang hu angan dalam sarak brei alin pandap Tet tui tanut angaok nan, yau nan ye, kuhria taong abih tih jien alin brei urang hu buh prein yawa ka cach mang tuk Tet thun nasak Tapai 2023 tui kuhria mboh dahlau hu labaih 460 tỉ đồng meng kadung jien karja.

Tui Sở Lao động - Thương binh saong Xã hội tỉnh Tây Ninh, dalam tuk Tết nguyên đán ini, kuhria rah tapa, urang ngak hu thuong 7 triệu đồng yaok urang, dalam nan doanh nghiệp thuong glaong abih lac 200 triệu đồng, bier abih lac 100.000 đồng. Tỉnh Tây Ninh urak ini hu 47 doanh nghiệp kurang bruk njauk cakak trun bruk ngak, trun urang ngak, tui nan gam tal abih tih labaih 56.700 urang ngak. Dalam nan hu labaih 2.200 urang ngak njauk brei padeih bruk, daok veik lac trun maong ngak bruk, rilo meng lac di gah jhik manjim, gah kalik takhaok, gah ngak kayau.

 Gilang pariak patagok Châu Á (ADB) saong BIM Energy (di Tập đoàn BIM Group) brei daong 107 trieu USD ka tỉnh Ninh Thuan piah daong peih ngak danak điện hangin prein khang 88MW. Paok jien nan oh bayar veik nan meda ba tame pandar ka dom bruk saheng  hadah birau pambuak tal dom jalan ngak brei salamat moi truong saong xa hoi, yau ye ngak trun sup malup ngan hoang dom bhap bini di bhum danak dak jeng yau khik caga moi truong athur glai, rik daong ka Viet Nam ngak ba hu bruk sanya pacang caga  BĐKH  saong trun bruk tathuak tabiak nerak tachauk.

30 baoh sang bhap bini njauk kan kandah meng bruk glut jaleih biak trak damak rahtabiak di melam 5/12 bahrau blaoh di takai kraong Cổ Chiên, xã Hòa Ninh, huyện Long Hồ, tỉnh Vĩnh Long hu dom kapul nyaom saong dom urang ngak pahla daong labaih 4 tỉ đồng. Langiu di nan, mban Chỉ huy pacang caga bala meng langik tasik saong daong duah urang njauk bala tỉnh daok pasang iek ieu kakei daong ka dom baoh sang njauk khat lahik ka phun mbang baoh, ikan raong, sang danaok saong brah ngan haong paok jien daong labaih 854 triệu. Sở Ngak nong saong patagok palei pala daok pasang iek labik njauk glut jaleih piah duah tabiak makna saong jalan ngak piah pasiam veik.

Meng harei 24/12 anak tal,  Sở Jalan mbak pajeng ba TP HCM ba 4 sruh radaih buyt liền kề TP HCM-Đồng Nai tame ngak bruk, dom radaih nan lac: Mblang radaih Miền Tây – Mblang radaih Biên Hoà, Mblang radaih Miền Đông - KCN Nhơn Trạch, Mblang radaih An Sương – Mblang radaih Biên Hoà, Mblang radaih buýt Tân Phú – Mblang radaih Biên Hoà. Yaom ve biar abih 7.000 đồng sa ve, glong abih 45.000 đồng sa ve; ve ka anek saih, sinh vien lac 5.000 đồng sa vé. Uranaih ala 1,3 m, thuong binh, benh binh, urang umo taha hu the nao radaih buyt oh abih jien…oh blei ve. Ba 4 sruh radaih buyt nan  tame ngak bruk  piah salih birau radaih công cộng.

 Hội đồng Bảo an Liên Hợp quốc hu brei tapa Sarak ka Myanmar mbang camriep hadei di 75 thun, ieu padeih bruk taong paoh saong ieu Karja quân sự peih palao ka dom urang daok guk chính trị. Sarak ieu “dom bruk ngak cambaih laih saong peih ngak samar chip” piah peih ngak dom bruk ba tal saron mbon, dalam nan hu bruk njauk gauk 5 Paka kayua ASEAN ba tabiak. Gam haong nan, Sarak ieu “pachreih tui dom thể chế saong jalan dân chủ, jhul patagok bruk ginum biai saong langyah ndung mbak bruk dak padang lagaih haong hatai khin saong kein laba di bhap bini Myanmar.

Dom nghị sĩ Mỹ daok nduac pakacah haong langik tasik piah khan tapa dahlau harei puac di dự thảo gilang sarak rajaei lien bang yaom 1.700 tỷ  USD jien padai thun 2023, dahlau tuk ribau  bilan Barak jaik tame, cakak jalan  mbak di dom harei puac thun. Rajaei liên bang Mỹ meda abih jien  meyah QH oh khan tapa dự thảo  kadung jien dahlau abih tukvak di harei paguh 23/12. Dahlau di nan, harei 20/12, dom nghị sĩ Mỹ ginum biai kadung jien rajaei liên bang  brei thau kadung jien 1.700 tỷ USD ka thun 2023.

Bruk ndok padeih bruk di dom urang pasang iek jalan pasei di France tui kuhria hu peih tabiak di puac adit ini meda ngak brei takik di abih 200 ribau tuai oh samu mai taom mbaok gauk gar dalam tuk Noel hu makna praong abih dalam thun. Tui kuhria yaok 5 mbang radaih pui nduac di France meda hu takik di abih lac 2 mbang njauk brei padeih nduac. Bruk ini mai meng bruk yaok rabau urang ngak gah pasang iek dalam gah jalan pasei di France ieu gauk padeih ngak bruk piah ndok tagok jien bilan, jien thuong jang yau dom chế độ pambuak tal bruk padeih hưu./.