Kapol urang kumei caoh mbanh Negar hu tame Dhi chung kết giải Vô địch urang kumei caoh mbanh (World Cup) 2023

Akok negar Nguyễn Xuân Phúc birau mbaoh tangin tame Harak pok brei Kapol urang kumei caoh mbanh pakat Negar saong Gru pato pasram Mai Đức Chung Huân chương Lao động hạng Nhất. Dom urang dat blong karei di Kapol urang kumei caoh mbanh hu pok brei Huân chương Lao động hạng Nhì saong Huân chương Lao động hạng Ba. Kapol urang kumei caoh mbanh Negar biak naih gheih tuk mbang camereip dalam sajarah hu tame Dhi chung kết giải Vô địch urang kumei caoh mbanh (World Cup) 2023. Dahlau di nan, Akok negar iew Mentri Ilamu, the thao saong Dulich gam Mban pakacah – pok meyaom pakat Negar brei ngak samar dom harak gal, njauk tui bruk ba tabiak piah samar meyaom 2 urang pasram, gam haong dom urang likei saong kumei dat blong pakat negar pakacah naih joi.

Taom mbaok akaok thun 2022 haong Giám đốc Sở ngak nong saong patagok palei pala 13 tỉnh bhum taneran kraong Cửu Long, Akaok Mintri ngak nong saong patagok palei pala Lê Minh Hoan kakei lac, dom tỉnh ĐBSCL njauk caik hatai tal bruk patagok ngak nong sinh thái, piah pabak ka caong pandar di dunya. Gam tui di nan jeng peih ngak siam lagaih haong raidiuk bahrau, abih di nyu nan lac dalam jalan pato tacei peih bruk ngak mbang. Gam tui di nan jeng cak rok patagok hu siam lagaih kinh tế puk palei, ba mai bruk ngak saong jien mek tame ka bhap bini.

Sở Y tế TP.HCM brei thau, langiu bruk iek ruak, taong ruak saong cấp cứu ka bhap bini dalam tuk Tet Nguyen dan, dom sang iek ruak saong dom labik y tế di Ban raya HCM hu peih 36 labik klauk vaccine Covid-19 dalam ban raya ka labaih 13.000 bhap bini. Dalam vaktu ka 2 ban raya peih bruk klauk vaccine pacang Covid-19 di taong abih labik klauk jru, labik daok di bhap bini saong nao klauk jru dalm ban raya tal abih bilan 2 ini.

Mban khik ramik Kadung jien daong prein tài năng tỉnh An Giang bahrau pok mayaom, daong prein ka labaih 60 anek saih, sinh viên, manuac urang naih joi dalam bruk bac taa, pato magru saong roh duah ilamo, biak naih gheih dalam thun 2021. Tapa nan, mban khik ramik Kadung jien daong prein tài năng jeng jao jien bac angan "Trần Anh Thư" ka 8 sinh viên sang kan kandah, yam tapa kan kandah, bac taa naih joi ngan haong paok jien 64 triệu đồng. Dahlau di nan, kadung jien ini hu daong ka 5 sinh viên sang kan kandah piah ka dom adei hu prein nao tal sang bac.

Hadei di tuk Padeih Tet Nguyen dan, mbiah tal ini, jaik abih dom gilai taong ikan di tasik tỉnh Bến Tre tabiak tasik taong mek ikan kaok thun saong hatai jia lac chap hu rilo ikan hadang. Bến Tre lac sa dalam dom tỉnh hu rilo gilai nao tasik paraong abih dalam bhum taneran kraong Cuu Long ngan saong labaih 3.500 sruh ghe gilai. Thun blaoh, yaom lac gaok rilo kan kandah kayua jit Covid-19 min ralo urang nao tasik jeng hu laba. Urak ini, jaik 99% gilai ikan di Bến Tre hu pagam mac jamraih tui iek saong sanya oh taong chap ikan lih tame labik karei suan hukum.

Adit blaoh, yaom manyek tamo tagok tal tanut glaong di abih dalam jaik 8 thun tapa saong tui kuhria daok tagok glaong. Rajaei Mỹ daok ginum biai haong dom taneh ia ngak menyek saong pandar manjek di dunya piah duah jalan trun pandiak ka darak pasa năng lượng. Dom jalan ngak piah langyah hu ba tabiak pasang iek dalam tukvak ini lac dom taneh ia ngak manjek njauk patagok bruk ngak tabiak menyek, daok dom taneh ia pandar menyek njauk kuhria tal bruk peih gilang khik piah menyek dalam rilo thun. Urak ini manjek daok caga khikpiah di dom taneh ia daok trun di tanut bier di abih dalam rilo thun tapa. Tui jabat Năng lượng dunya, tal abih bilan 1 meng blaoh, manjek tamo daok khik piah di 38 taneh ia dalam Kapul pambuak gauk saong cak rok patagok kinh tế (OECD), tok daok labaih 2 ty 7 rituh trieu thùng, bier di abih dalam 7 thun tapa.

Tui Akok metri Y tế Ba Lan, taneh ia ini daok dalam tuk camereip di jit ruak praong jaik pacang hu abih. Dalam bilan 2 ini, urang njom ruak trun ralo dut saong 2 adit dahlau saong ruak kayua biến thể Omicron jeng hanjol jang. Ini lac tukvak piah Ba Lan pacadu dom jaln pacang caga saong brei cakak trun tukvak brei daok karei, dalam nan hu bruk uranaih hu gilac veik sang bac meng harei 21/2 anak tal.

Công ty jru Glenmark di ban Mumbai, Ấn Độ bahrau ba tabiak janih jru pruh dhung hu angan lac FabiSpray piah taong ruak ka dom urang njom ruak Covid-19. Jru ini hu pruh tame gilaong idung piah pacang caga vi-rút. Janih jru ini hu ngak tabiak piah pametai vi-rút Covid-19 dalam jalan suak yava. FabiSpray caong lac ba mai ka dom urang ruak sa pilih ruah jalan taong ruak samar drah saong biak njauk ngak dalam bruk mesuh pacang jit praong Covid-19./.

Urang lang: Thu Thao – Bhumi – 10/02